ལུའོ་ཁྲའོ་ཧྥེང་འབའ་ལུང་རྫོང་ནགས་གསེབ་དཔལ་འབྱོར་དང་ནགས་ཚལ་མེ་འགོག་སློབ་གྲྭའི་བདེ་འཇགས་ལས་ཀར་རྟག་ཞིབ་གནང་།
རྩོམ་པ་པོ། ཡིག་བསྒྱུར། དུས་ཚོད། 2024-11-15 རྩོམ་ཁུངས།
སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11པའི་ཚེས་14ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་འབའ་ལུང་རྫོང་ནགས་གསེབ་དཔལ་འབྱོར་དང་ནགས་ཚལ་མེ་འགོག་སློབ་གྲྭའི་བདེ་འཇགས་ལས་ཀར་རྟག་ཞིབ་གནང་།
ཉིན་དེར་ལུའོ་ཁྲའོ་ཧྥེང་སྔ་རྗེས་སུ་མཐའ་ཆུ་གྲོང་རྡལ་ཆི་པའེ་གྲོང་ཚོར་ཕེབས་ནས་ནགས་ཁྲོད་ཐོན་ལས་རྟེན་གཞི་འཛུགས་སྐྲུན་དང་འདེབས་འཛུགས་གཞི་ཁྱོན་དང་གཉེར་སྐྱོང་བྲིན་ཚོང་སོགས་ཀྱི་གནས་ཚུལ་ལ་ཤེས་རྟོགས་ཞིབ་ཕྲ་གནང་།ཁོང་གིས་ཡུལ་བབ་དང་བསྟུན་པ་དང་ཚན་རིག་དང་མཐུན་པའི་སྒོ་ནས་ནགས་གསེབ་དཔལ་འབྱོར་ཐོན་ལས་བཀོད་སྒྲིག་བྱས་ཏེ་སྣེ་འདྲེན་ཁེ་ལས་སྐྱེད་སྲིང་དང་སྟོབས་ཆེར་གཏོང་བ་དང་དཔེ་སྟོན་སྣེ་ཁྲིད་བྱེད་ཤུགས་ཆེ་རུ་བཏང་ནས་མང་ཚོགས་སྐུལ་སློང་གིས་ཚན་རིག་དང་མཐུན་ལ་ཚད་ལྡན་ངང་ནགས་གསེབ་འདེབས་འཛུགས་བྱས་ཏེ་སྣོད་བཅུད་སྲུང་སྐྱོང་དང་ཐོན་ལས་འཕེལ་རྒྱས་ཕྱོགས་གཉིས་ཀར་ནུས་པ་སྦྱིན་ཐུབ་པ་བྱེད་དགོས། ཚན་རྩལ་གསར་གཏོད་ཀྱི་སྣེ་ཁྲིད་བྱེད་ཤུགས་ཆེ་རུ་གཏོང་བ་དང་ནགས་གསེབ་ཐོན་རྫས་ལས་སྣོན་ཞིབ་ཚགས་བྱེད་རྒྱ་ཆེ་རུ་བཏང་ནས་ཐོན་ལས་སྦྲེལ་ཐག་རིང་དུ་གཏོང་བ་དང་ཟུར་སྣོན་རིན་ཐང་མཐོ་རུ་གཏོང་བའི་ཐད་ནུས་ཤུགས་རྒྱུན་མཐུད་བཏོན་ཏེ་སྤུས་རྟགས་གཏོད་པ་དང་ཁྲོམ་ར་གནད་ལ་འཁེལ་བ་འཚོལ་བ་དང་ཚོང་ལམ་རྒྱ་ཆེར་བཏང་ནས་ནགས་ཞིང་འབབ་འཕར་ཕྱུག་འགྱུར་ཡོང་རྒྱུར་རྒྱུན་ཆད་མེད་པར་སྐུལ་འདེད་གཏོང་དགོས་པའི་བླང་བྱ་བཏོན།
མཐའ་ཆུ་གྲོང་རྡལ་དུ་ལུའོ་ཁྲའོ་ཧྥེང་གིས་ཐོག་མཐའ་བར་གསུམ་དུ་དོགས་ཟོན་ཆེན་པོ་བྱས་ཏེ་དུས་རྟག་ཏུ་ནགས་ཚལ་མེ་སྐྱོན་འགོག་གསོད་ཀྱི་རྩ་བ་དེ་དམ་པོར་འཛིན་དགོས། འབྱུང་རྩ་ནས་དོ་དམ་ཚོད་འཛིན་བྱ་རྒྱུར་ཕྱོགས་ཡོངས་ནས་ཤུགས་སྣོན་བརྒྱབ་སྟེ་རྒྱུན་རྣམ་ཅན་གྱི་སྒོ་ནས་ནགས་ཁུལ་གྱི་བདེ་འཇགས་ཀྱི་མངོན་མེད་རྐྱེན་ངན་གྲལ་བཤེར་བྱེད་དགོས། དྲིལ་བསྒྲགས་སློབ་གསོ་གཏོང་ཤུགས་ཆེ་རུ་བཏང་ནས་མང་ཚོགས་ཀྱི་མེ་འགོག་འདུ་ཤེས་དང་ནགས་སྲུང་འདུ་ཤེས་ཟབ་ཏུ་བཏང་སྟེ་རྣམ་པ་བཟང་པོ་ཞིག་གཏོད་དགོས། འགན་འཁྲི་ནན་དུ་བཏང་ནས་ནགས་ཚལ་མེ་འགོག་གི་དོ་དམ་ཚོད་འཛིན་དྲ་བ་བརྟན་དུ་གཏོང་དགོས་པའི་ནན་བཤད་གནང་།
མཐའ་ཆུ་གྲོང་རྡལ་ལྟེ་བའི་ཆ་ཚང་སློབ་ཆུང་དུ་ལུའོ་ཁྲའོ་ཧྥེང་གིས་ཟས་རིགས་ཀྱི་མ་དཔེ་དང་།སློབ་གྲྭའི་བདེ་སྲུང་།བདེ་འཇགས་སློབ་གསོ་སོགས་ཀྱི་ལས་ཀའི་གནས་ཚུལ་ལ་གཟིགས་ཞིབ་དང་ཤེས་རྟོགས་ཞིབ་ཕྲ་གནང་བ་དང་།ཀུན་སྤྱོད་ལ་བརྟེན་ནས་མི་སྣ་གསོ་སྐྱོང་བྱེད་པའི་རྩ་བའི་ལས་འགན་དོན་འཁྱོལ་བྱས་ཏེ་སློབ་མ་ཕྱོགས་ཡོངས་ནས་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས། སློབ་གྲྭའི་བཟའ་བཅའི་བདེ་འཇགས་འགན་འཁྲི་བརྟན་པོ་འཁུར་ནས་སློབ་གྲྭའི་བཟའ་བཅའི་བདེ་འཇགས་ལས་འཛོལ་ཐོན་རྒྱུ་དེ་འབྱུང་རྩ་ནས་གཏན་འགོག་བྱེད་དགོས། སློབ་མའི་བདེ་འཇགས་སློབ་གསོ་ནན་ཏན་ངང་ཡག་པོ་བརྒྱབ་ནས་སློབ་མའི་བདེ་འཇགས་དོགས་ཟོན་གྱི་འདུ་ཤེས་ཟབ་ཏུ་ཤུགས་ཆེན་གཏོང་དགོས་པའི་བླང་བྱ་བཏོན།
ཉིན་དེར། ལུའོ་ཁྲའོ་ཧྥེང་ད་དུང་འབའ་ལུང་ཧྲི་ཉན་ཅང་ལུའུ་སྤུས་ལེགས་མགྲོན་ཁང་དུ་ཕེབས་ནས་རྟག་ཞིབ་གནང་། ཁོང་གིས་གྲོང་གསེབ་འཕེལ་རྒྱས་ཀྱི་གོ་སྐབས་དམ་འཛིན་བྱས་ཏེ་ས་ཁོངས་ཀྱི་ཁྱད་ཆོས་སྔོག་འདོན་གཏིང་ཟབ་བྱེད་པ་དང་ས་གནས་དེ་གའི་རིག་གནས་ནང་འདྲེས་པ་བྱས་ནས་ཁྱད་ལྡན་སྤུས་ལེགས་དམངས་སྲོལ་གནས་ཚང་འཛུགས་སྐྲུན་བྱེད་དགོས་པའི་ནན་བཤད་གནང་།
ཁུལ་འགོ་ཁྲིད་ཁྲིན་ཆོན། འབའ་ལུང་རྫོང་འགན་འཁུར་བློ་མཐུན་གཙོ་བོ་རྟག་ཞིབ་ཏུ་ཞུགས།
