ཀྲང་ཝེ་ཏུང་འབའ་ལུང་རྫོང་དུ་ཕེབས་ནས་སློབ་གྲྭའི་བདེ་འཇགས་ལས་ཀར་རྟག་ཞིབ་གནང་།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11པའི་ཚེས་14ཉིན་གྱི་ཕྱི་དྲོར་ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཀྲང་ཝེ་ཏུང་འབའ་ལུང་རྫོང་དུ་ཕེབས་ནས་སློབ་གྲྭའི་བདེ་འཇགས་ལས་ཀ་སྐོར་གྱི་ལས་ཀར་རྟག་ཞིབ་གནང་སྐབས་སློབ་གྲྭའི་བཟའ་བཅའི་བདེ་འཇགས་ཀྱི་འགག་སྒོ་ནན་པོ་བསྲུངས་ནས་ཟ་ཁང་དོ་དམ་གྱི་སྦྲེལ་ཐག་ཧྲིལ་པོ་རྒྱུན་ཆད་མེད་པར་འཐུས་སྒོ་ཚང་དུ་བཏང་སྟེ་དགེ་སློབ་ཀྱི་“ལྕེ་ཐོག་གི་བདེ་འཇགས”ནུས་ཤུགས་ཡོད་རྒུས་སྲུང་སྐྱོང་བྱེད་དགོས་པའི་ནན་བཤད་གནང་།

    རྟག་ཞིབ་གནང་རིང་ཀྲང་ཝེ་ཏུང་གིས་སྔ་རྗེས་སུ་འབའ་ལུང་རྫོང་སློབ་འབྲིང་གསུམ་པ་དང་པའོ་ཧོ་གྲོང་རྡལ་ཆ་ཚང་སློབ་ཆུང་གཉིས་པར་ཕེབས་ནས་སློབ་གྲྭའི་ཟ་ཁང་དང་བཟའ་བཅའ་གསོག་ཉར་ཁང་། ཐོན་སྐྱེད་ལས་སྣོན་ཁང་སོགས་འགག་རྩའི་ས་ཁོངས་ལ་ཞིབ་བཤེར་གནང་བ་དང་བཟའ་བཅའི་རྒྱུ་ཆའི་ཡོང་ཁུངས་དང་།གསོག་ཉར་ཆ་རྐྱེན། ལས་སྣོན་བརྒྱུད་རིམ་སོགས་ལ་ལྷུ་ཚིགས་ལ་ཞིབ་ཕྲས་ཤེས་རྟོགས་བྱས་ནས་གནང་པའི་གནད་དོན་དང་ལྷུ་ཚིགས་ཞན་པ་འཚོལ་ཞིབ་གནང་།   ཀྲང་ཝེ་ཏུང་གིས་ད་དུང་སློབ་གྲྭའི་བདེ་    འཇགས་དོ་དམ་ལམ་ལུགས་དང་། བདེ་སྲུང་མི་སྣ་བཀོད་སྒྲིག སློབ་མཚམས་འཇོག་པར་ཚོད་འཛིན་དང་སློབ་སྦྱོང་འགན་ལེན། སློབ་མའི་སེམས་ཁམས་བདེ་ཐང་སློབ་གསོ་སོགས་ཀྱི་གནས་ཚུལ་གཙོ་གནད་དུ་བཟུང་ནས་ཤེས་རྟོགས་གནང་བ་རེད།

    ཀྲང་ཝེ་ཏུང་གིས་འབྲེལ་ཡོད་འགན་ནུས་སྡེ་ཚན་ཁག་གིས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཞིང་ཨུ། ཞིང་ཆེན་སྲིད་གཞུང་གི་ཐབས་ཇུས་བཀོད་སྒྲིག་ལག་བསྟར་ནན་ཏན་བྱེད་པ་དང་བཟའ་བཅའི་བདེ་འཇགས་འགན་འཁྲིའི་ལམ་ལུགས་དོན་འཁྱོལ་ནན་པོ་བྱས་ཏེ་བཟའ་བཅའི་བདེ་འཇགས་ལས་དོན་ལ་ལྷོད་གཡེང་སྤུ་ཙམ་ཡང་མི་གཏོང་བར་དམ་འཛིན་ཡག་པོ་བྱེད་དགོས། རྒྱུན་རྣམ་ཅན་གྱི་སྒོ་ནས་སློབ་གྲྭའི་བཟའ་བཅའི་བདེ་འཇགས་ཞིབ་བཤེར་བྱས་ཏེ་བདེ་འཇགས་ཀྱི་མི་མངོན་པའི་རྐྱེན་ངན་དུས་ཐོག་ཏུ་བསལ་ནས་སློབ་གྲྭའི་བཟའ་བཅའི་བདེ་འཇགས་དོ་དམ་ཆུ་ཚད་རྒྱུན་ཆད་མེད་པར་མཐོ་རུ་གཏོང་དགོས། སློབ་གྲྭའི་འབྲེལ་ཡོད་འགན་འཁུར་བས་དུས་དང་རྣམ་པ་ཀུན་ཏུ་བཟའ་བཅའི་བདེ་འཇགས་ཀྱི་རྒྱུད་སྐུད་དམ་པོར་བཟུང་ནས་བཟའ་བཅའི་བདེ་འཇགས་དོ་དམ་གྱི་སྒྲིག་སྲོལ་ལམ་ལུགས་ཁག་ཚན་རིག་དང་མཐུན་པའི་སྒོ་ནས་ཞིབ་འཇུག་དང་གཏན་འབེབས་བྱས་ཏེ་སློབ་གྲྭའི་བཟའ་བཅའི་བདེ་འཇགས་ཀྱི་འགག་སྒོ་ནན་པོ་སྲུང་བ་དང་ཟ་ཁང་དོ་དམ་གྱི་སྦྲེལ་ཐག་ཧྲིལ་པོ་རྒྱུན་ཆད་མེད་པར་འཐུས་སྒོ་ཚང་དུ་བཏང་ནས་དགེ་སློབ་ཀྱི་“ལྕེ་ཐོག་གི་བདེ་འཇགས”ནུས་ཤུགས་ཡོད་རྒུས་སྲུང་སྐྱོང་བྱེད་དགོས་པའི་བླང་བྱ་བཏོན།

    ཀྲང་ཝེ་ཏུང་གིས་སློབ་གྲྭ་དེ་སློབ་གསོ་སློབ་ཁྲིད་ཀྱི་གཙོ་གཟུགས་ཤིག་ཡིན་པའི་ངོས་ནས་དགེ་སློབ་ཀྱི་བདེ་འཇགས་དོགས་ཟོན་གྱི་འདུ་ཤེས་མཐོ་རུ་གཏོང་དགོས། གཙོ་གནད་མངོན་གསལ་དོད་པོ་ཡོང་བ་བྱས་ཏེ་དམིགས་སའི་རང་བཞིན་ལྡན་པའི་སྒོ་ནས་སློབ་གསོ་སློབ་ཁྲིད་ཀྱི་ལས་དོན་ཁག་སྤེལ་དགོས། སློབ་གྲྭའི་བདེ་འཇགས་མ་ལག་སྔར་བས་འཐུས་སྒོ་ཚང་དུ་བཏང་ནས་སློབ་གྲྭའི་བདེ་འཇགས་ཁུག་ཀྱོག་མེད་པའི་འགན་ལེན་བྱེད་དགོས། སློབ་མའི་སེམས་ཁམས་བདེ་ཐང་གི་སློབ་གསོར་ཤུགས་སྣོན་བརྒྱབ་ནས་སེམས་ཁམས་བདེ་ཐང་གི་སློབ་གསོ་དང་ཟུར་ཁྲིད་ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་དགོས། འགོག་བཅོས་ལས་དོན་ལ་ཚད་མཐོའི་མཐོང་ཆེན་བྱས་ཏེ་གྲལ་བཤེར་ནན་ཏན་དང་བྱ་ཐབས་ཞིབ་ཚགས་སུ་གཏོང་བ་དང་འབྲེལ་ཡོད་ལམ་ལུགས་ཚད་ལྡན་དུ་བཏང་ནས་ཉེན་ཟོན་སློབ་གསོ་གཏོང་ཤུགས་ཆེ་རུ་གཏོང་དགོས། འབྲེལ་ཡོད་འགན་ནུས་སྡེ་ཚན་གྱིས་ལྟ་སྐུལ་དོ་དམ་བྱེད་ཤུགས་སྔར་བས་ཆེ་རུ་བཏང་ནས་སློབ་གྲྭའི་བདེ་འཇགས་དུས་བབ་རྒྱུན་མཐུད་བརྟན་པོའི་ངང་ལེགས་སུ་འགྲོ་རྒྱུའི་འགན་ལེན་བྱེད་དགོས་པའི་ནན་བཤད་གནང་།

    ཁུལ་འགོ་ཁྲིད་ཀྲོང་ཞའོ་ཕིང་། ཁུལ་རྪོང་འབྲེལ་ཡོད་སྡེ་ཚན་གྱི་འགན་འཁུར་བ་རྟག་ཞིབ་ཏུ་ཞུགས།