ཆུས་ཅིན་གྲོང་ཁྱེར་གྱི་ཏང་སྲིད་འཐུས་མི་ཚོགས་པ་འབའ་ལུང་རྫོང་དུ་རྟོག་ཞིབ་དང་སྤེལ་རེས་གནང་བར་ཕེབས།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་11ཚེས་14ཉིན་ནས་ཚེས་15ཉིན་བར། ཞིང་ཨུའི་རྒྱུན་ཨུ་ཆུས་ཅིན་གྲོང་ཨུདའི་ཧྲུའུ་ཅི་དབྱང་པིན་གྱིས་ཆུས་ཅིན་གྲོང་ཁྱེར་གྱི་ཏང་སྲིད་འཐུས་མི་ཚོགས་པའི་སྣེ་ཁྲིད་དེ་འབའ་ལུང་རྫོང་དུ་རྟོག་ཞིབ་དང་སྤེལ་རེས་གནང་བར་ཕེབས་པ་དང་བཞུགས་མོལ་ཚོགས་འདུ་འཚོགས་པ། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་འབྲེལ་ཡོད་བྱེད་སྒོར་ཞུགས་པ་དང་བཞུགས་མོལ་ཚོགས་འདུ་གཙོ་སྐྱོང་གནང་བ་རེད། ཁུལ་ཨུའི་ཧྲུའུ་ཅི་གཞོན་པ་ལི་ཡན་ལན་འབྲེལ་ཡོད་བྱེད་སྒོར་ཞུགས་པ།

    བཞུགས་མོལ་ཚོགས་འདུའི་ཐོག་དབྱང་པིན་གྱིས་ཆུས་ཅིན་གྲོང་ཨུ་དང་།གྲོང་ཁྱེར་མི་དམངས་འཐུས་ཚོགས།གྲོང་ཁྱེར་སྲིད་གཞུང་།གྲོང་ཁྱེར་སྲིད་གྲོས།གྲོང་ཁྱེར་ཡོངས་མི་རིགས་ཁག་གི་ལས་བྱེད་པ་དང་མང་ཚོགས་བཅས་ཀྱི་ཚབ་ཞུས་ནས་བདེ་ཆེན་ཁུལ་གྱིས་དུས་ཡུན་རིང་པོའི་ནང་ཁ་གཏད་རོགས་སྐྱོར་ལས་དོན་ལ་ཚད་མཐོའི་མཐོང་ཆེན་དང་ཆུས་ཅིན་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས།དབྱང་པིན་གྱིས་མིག་སྔར་ཆུས་ཅིན་གྲོང་ཁྱེར་གྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་“ལྟེ་བ་གཅིག་དང་པང་ལེབ་གཅིག་དང་ཁུལ་གཉིས”འཛུགས་སྐྲུན་ཧུར་ཐག་བྱེད་པ་དང་“མཛེས་སྡུག་ལྡན་པའི་མིང་བྱང་ལྔ”རྒྱུན་མཐུད་ངང་ཕྱིས་ནས་“ལེགས་ཆ་ཆེན་པོ་གསུམ་”འདོན་སྤེལ་བྱས་ཏེ་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་མཆོང་སྐྱོད་ལྟ་བུའི་འཕེལ་རྒྱས་ལ་སྐུལ་འདེད་གཏོང་བཞིན་ཡོད་ཅེས་གསུངས། བདེ་ཆེན་ཁུལ་གྱིས“སྲོག་ཤིང་ལ་བརྩི་བཀུར།བློ་ཁ་པེ་ཅིང་ལ་གཏོད་པ”ཚད་མཐོའི་རང་རྟོགས་ལ་སློབ་སྦྱོང་དང་། བདེ་ཆེན་ཁུལ་གྱིས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་འཛུགས་སྐྲུན་བྱེད་པའི་ནང་གནས་རང་འགུལ་ལ་སློབ་སྦྱོང་།  བདེ་ཆེན་ཁུལ་གྱིས་སྣོད་བཅུད་ཤེས་དཔལ་འཛུགས་སྐྱོང་གི་རུ་སྣེ་ཁྲིད་མཁན་བརྩོན་ལེན་བྱེད་པའི་འགན་འཁྲི་འཁུར་སེམས་ལ་སློབ་སྦྱོང་།བདེ་ཆེན་ཁུལ་གྱིས་ཡང་དག་པའི་སྲིད་སྐྱོང་བྱས་རྗེས་ཀྱི་ལྟ་བ་འཛུགས་པ་དང་ལག་ལེན་བསྟར་བར་སློབ་སྦྱོང་བཅས་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་ཡུན་ནན་ལེའུ་རྩོམ་པའི་ཆུས་ཅིན་ལག་ལེན་ལ་ནུས་ཤུགས་གང་ཡོད་ཀྱིས་སྐུལ་འདེད་གཏོང་དགོས་པའི་ནན་བཤད་གནང་།

    དབྱང་པིན་གྱིས་ཆུས་ཅིན་གྲོང་ཁྱེར་གྱིས་ཤར་རྒྱུད་དང་ནུབ་རྒྱུད་རོགས་ལས་དང་གནས་གཏན་འཁེལ་གྱི་རོགས་སྐྱོར་ལས་དོན་གཏིང་ཟབ་ཏུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་གཏིང་ཟབ་བྱེད་པ་དང་ཞིང་ཨུ་དང་ཞིང་ཆེན་སྲིད་གཞུང་གི་བཀོད་སྒྲིག་བླང་བྱ་ལག་བསྟར་དོན་འཁྱོལ་བྱས་ཏེ་བདེ་ཆེན་ཁུལ་འབའ་ལུང་རྫོང་ལ་ཁ་གཏད་རོགས་སྐྱོར་བྱེད་པའི་ལས་དོན་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས་ཁ་གཏད་རོགས་སྐྱོར་གྱི་དཔེ་མཚོན་ནུས་ཤུགས་ཡོད་རྒུས་གཏོད་པ་དང་ས་ཁོངས་རོགས་ལས་ཀྱི་དཔེ་མཚོན་གཏོད་རྒྱུ་ཡིན་ཞེས་གསུངས།

    ལུའོ་ཁྲའོ་ཧྥེང་གིས་ཆུས་ཅིན་གྲོང་ཁྱེར་གྱིས་དུས་ཡུན་རིང་པོའི་ནང་བདེ་ཆེན་ཁུལ་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་རེད།ཆུས་ཅིན་གྲོང་ཁྱེར་གྱིས་སློབ་གསོ་དང་སྨན་བཅོས། ལས་ཞུགས་གསོ་སྦྱོང་། ཤེས་ལྡན་མི་སྣ་གསོ་སྐྱོང་སོགས་ཀྱི་ཐད་རོགས་སྐྱོར་བྱེད་ཤུགས་ཆེ་རུ་བཏང་ནས་ཁ་གཏད་རོགས་སྐྱོར་ལས་དོན་སྐས་རིམ་གསར་པ་ཞིག་ཏུ་སླེབས་པར་སྐུལ་འདེད་གཏོང་རྒྱུའི་རེ་བ་བཏོན།

    ཚོགས་འདུའི་ཐོག་འབའ་ལུང་རྫོང་ཨུའི་ཧྲུའུ་ཅི་མ་ཧྲེང་ཁྲུན་གྱིས་ཁ་གཏད་རོགས་སྐྱོར་ལས་དོན་སྤེལ་ཚུལ་སྙན་སེང་ཞུས་པ་དང་ཕྱོགས་གཉིས་པོས་ཁ་གཏད་རོགས་སྐྱོར་ལས་དོན་ཐད་སྤེལ་རེས་བྱས་པ་དང་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་གཏོད་པ་དང་རིག་གནས་ཡུལ་སྐོར་མཉམ་ལས་འཕེལ་རྒྱས་གཏིང་ཟབ་ཏུ་བཏང་ནས་ཕྱོགས་ཡོངས་ཀྱི་དངོས་སྒྲུབ་མཉམ་ལས་རྒྱུན་མཐུད་ངང་རྒྱ་ཆེར་གཏོང་རྒྱུའི་ཐད་ཐུན་མོང་གི་ངོས་འཛིན་བྱུང་བ་རེད།

ཚོགས་འདུ་མ་འཚོག་གོང་འཐུས་མི་ཚོགས་པ་དང་བཅས་པས་ས་གནས་ས་ཐོག་ཏུ་འབའ་ལུང་རྫོང་གི་གྲོང་ཚོ་དང་ཚོགས་ཆུང་། སློབ་གྲྭ སྨན་ཁང་གནས་སྤོ་བཀོད་སྒྲིག་བྱ་ཡུལ་བཅས་ལ་རྟོག་ཞིབ་དང་བརྟག་ཞིབ་གནང་བ་དང་རོགས་སྐྱོར་མི་སྣར་འཚམས་འདྲི་ཡང་གནང་བ།

    ཆུས་ཅིན་གྲོང་ཁྱེར་གྱི་འགོ་ཁྲིད་ཝང་ཞིའུ་ཅང་།ཝང་ཀྲུང་ཆིའུ། ཧུའུ་ཧའེ་ཧྥེང་། ཁུལ་འགོ་ཁྲིད་ཁྲིན་ཆུན་འབྲེལ་ཡོད་བྱེད་སྒོར་ཞུགས།