ཀྲང་ཝེ་ཏུང་གིས་འཇོལ་རྫོང་དུ་སློབ་ཆེན་སློབ་མའི་ལས་ཞུགས་ལས་གཏོད་ལས་དོན་སྤེལ་ཚུལ་ལ་བརྟག་ཞིབ་གནང་བར་ཕེབས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-11-17   རྩོམ་ཁུངས།   


    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11ཚེས་15ཉིན། ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་ཀྲང་ཝེ་ཏུང་འཇོལ་རྫོང་དུ་སློབ་ཆེན་སློབ་མའི་ལས་ཞུགས་ལས་གཏོད་ལས་དོན་སྤེལ་ཚུལ་ལ་བརྟག་ཞིབ་གནང་བར་ཕེབས་སྐབས་སྤུས་ཚད་མཐོ་བའི་ལས་ཞུགས་གང་ལེགས་ཡོང་རྒྱུར་སྐུལ་འདེད་གཏོང་རྒྱུ་དེ་ཆབ་སྲིད་ཀྱི་འགན་འཁྲི་གལ་ཆེན་ཞིག་ཏུ་བརྩིས་ནས་ཐབས་མང་མཉམ་སྤྱོད་ཀྱིས་ལས་ཞུགས་ལས་གཏོད་ཀྱི་ཐབས་ལམ་རྒྱ་ཆེར་བཏང་སྟེ་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་རོགས་སྐྱོར་ནུས་ལྡན་བྱེད་དགོས་ཞེས་བསྟན།


    བརྟག་ཞིབ་གནང་རིང་ཀྲང་ཝེ་ཏུང་གིས་ཀོང་རྩེད་གྲོང་རྡལ་ཡུལ་བརྒྱད་གྲོང་ཚོར་ཕེབས་ནས་ས་གནས་ས་ཐོག་ཏུ་འཚམས་འདྲི་གནང་བ་དང་སློབ་གྲྭར་ཡོད་པའི་སློབ་ཆེན་སློབ་མ་དང་མཐོ་སློབ་སློབ་ཐོན་སློབ་མ་དང་རྒྱ་ཁྱབ་གཏིང་ཟབ་ངང་སྤེལ་རེས་གནང་ནས་མིག་སྔའི་སློབ་ཆེན་སློབ་མའི་ལས་གནས་ཀྱི་དགོས་མཁོ་དང་།སློབ་ཆེན་སློབ་མའི་ལས་ཞུགས་འདུ་ཤེས་གསོ་སྐྱོང་བྱེད་ཤུགས་ཆེ་རུ་བཏང་ནས་སློབ་ཆེན་སློབ་མའི་ལས་སྒྲུབ་ལས་གཏོད་ཀྱི་སྤྲོ་སེམས་འཕེལ་བ་བྱེད་དགོས་པའི་ནན་བཤད་གནང་བ་དང་། སློབ་ཆེན་སློབ་མ་ཕ་ཡུལ་དུ་ལོག་ནས་ལས་གཏོད་བྱེད་པའི་གཏམ་རྒྱུད་ཐོས་སྐབས་ཀྲང་ཝེ་ཏུང་གིས་ཁོང་ཚོར་བདེ་ཆེན་གྱི་ཐོན་ཁུངས་ལེགས་ཆར་གཞི་ཚུགས་པ་དང་བདེ་ཆེན་གྱི་ཁྱད་ཆོས་སྔོག་འདོན་གཏིང་ཟབ་བྱས་ཏེ་རང་འགུལ་ངང་ཁྲོམ་ར་དང་ཉེ་བཅར་གྱིས་ངོ་མཚར་ཆེ་བའི་གསར་གཏོད་ལས་གཏོད་ཀྱི་གཏམ་རྒྱུད་འཁྲབ་སྟོན་བྱས་ནས་ལང་ཚོའི་དྲང་ནུས་བརྒྱུད་སྤྲོད་བྱེད་དགོས་པའི་སྐུལ་ལྕག་གནང་བ་རེད།

    བཞུགས་མོལ་ཚོགས་འདུའི་ཐོག་ཀྲང་ཝེ་ཏུང་གིས་འབྲེལ་ཡོད་སྡེ་ཚན་གྱི་གནས་ཚུལ་སྙན་སེང་གསན་ནས་སློབ་ཆེན་སློབ་མའི་ལས་ཞུགས་དང་ལས་གཏོད་སོགས་ཀྱི་སྔོན་ཐོབ་སྲིད་ཇུས་ཕྱོགས་ཡོངས་ནས་དོན་འཁྱོལ་བྱེད་པ་དང་གནད་སྨིན་ཇུས་འདོན་དང་ཞབས་ཞུ་ཞིབ་ཚགས་བྱེད་པའི་ཐད་ཤུགས་མང་ཙམ་རྒྱག་པ་དང་བྱ་ཐབས་དངོས་མང་ཙམ་འདོན་དགོས།མཐོ་རྒྱུགས་གོང་གི་ཆེད་ལས་རྒྱུགས་སྤྲོད་མཛུབ་ཁྲིད་ཞབས་ཞུར་ཤུགས་སྣོན་རྒྱག་དགོས། དེ་དང་ཆབས་ཅིག་ས་གནས་དེ་གའི་མཐོ་སློབ་དང་འབྲེལ་གཏུག་རོགས་ལས་བྱ་རྒྱུར་ཤུགས་སྣོན་བརྒྱབ་ནས་མཐོ་སློབ་ཀྱིས་ཁྲོམ་རའི་དགོས་མཁོར་གཞིགས་ཏེ་ཆེད་ལས་བཀོད་སྒྲིག་དང་ཤེས་ལྡན་མི་སྣ་གསོ་སྐྱོང་གི་ཇུས་གཞི་ལེགས་སྒྲིག་བྱ་རྒྱུར་སྐུལ་འདེད་གཏོང་དགོས། མ་མཐའི་མཚམས་ཐིག་དམ་པོར་བཟུང་ནས་དཀའ་ངལ་ཡོད་པའི་སློབ་ཐོན་སློབ་མར་རོགས་སྐྱོར་ནུས་ལྡན་ཐུབ་པ་བྱས་ཏེ་ཏང་ཨུ་དང་སྲིད་གཞུང་གི་དྲོ་སྐྱིད་ཚོར་ཐུབ་པ་བྱེད་དགོས་པའི་ནན་བཤད་གནང་།

    རང་ཁུལ་འགོ་ཁྲིད་ཧུའུ་ཧྥེན་ཞུང་།ཀྲོང་ཞའོ་ཕིན།ཁུལ་རིམ་འབྲེལ་ཡོད་སྡེ་ཚན། འཇོལ་མི་དམངས་སྲིད་གཞུང་གི་འགན་འཁུར་བློ་མཐུན་གཙོ་བོ་བརྟག་ཞིབ་ཏུ་ཕེབས།


分享到：QQ空间新浪微博腾讯微博人人网微信