བོད་ནས་ཡང་སྲོག་ཆགས་རིགས་གཉིས་གསར་དུ་རྙེད་འདུག

ཉེ་དུས། སི་ཁྲོན་དགེ་འོས་སློབ་ཆེན་སྲོག་ཆགས་ཀྱི་སྣོད་བཅུད་ཞིབ་འཇུག་ཚོགས་པའི་དགེ་རྒན་ཆེ་མོ་བ་ཁྲེན་ཧྲུན་ཏེས་སི་ཁྲོན་ཞིང་ཆེན་ནགས་ལས་ཚན་རིག་ཞིབ་འཇུག་ཁང་དང་རྒྱལ་ཁབ་ནགས་ལས་ཅུཌ་ཀྲུང་ནན་སློབ་གླིང་དང་མཉམ་དུ་བོད་རང་སྐྱོང་ལྗོངས་ནས་འོ་འཐུང་སྲོག་ཆགས་གསར་པ་གཉིས་རྙེད་པ་དང་དེའི་མིང་ལ་རྩྭ་མདའ་བྱི་བ་(Crocidura zhadaensis)དང་། མེ་ཏོག་གི་བྱི་བ་(Crocidura medogensis)ཞེས་བཏགས་ཡོད་ཅིང་། གནས་ཚུལ་དེ་གཅན་གཟན་རིག་པའི་ཚགས་པར་གྱི་དུས་དེབ་༥པའི་ཐོག་སྤེལ་ཡོད་པ་རེད།

འདི་ནི་རྩྭ་མདའི་བྱི་བའི་པར་ཡིན།

ཁྲེན་ཧྲུན་ཏེའི་ཚོགས་པས་གཟུགས་གཞི་རིག་པ་དང་འདུས་རྡུལ་སྐྱེ་དངོས་རིག་པ་སོགས་ཀྱི་གྲངས་གཞི་དང་ཟུང་འབྲེལ་བྱས་ནས། བོད་རང་སྐྱོང་ལྗོངས་རྩ་མདའི་དྲུ་རིའི་ལུང་གཞུང་དང་། མེ་ཏོག་རྫོང་གི་ཡར་ཀླུང་གཙང་པོའི་དབུས་རྒྱུད་དང་སྨད་རྒྱུད་དུ་གནས་པའི་བྱི་བ་གཉིས་ནི་རང་ཚུགས་ཀྱི་སྐྱེ་དངོས་རིགས་གསར་པ་ཞིག་ཡིན་པ་ར་སྤྲོད་བྱས་པ་དང་། དེར་ས་མིང་བཞིན་མིང་བཏགས་པ་རེད། ད་ལྟ་སྲོག་ཆགས་དེ་གཉིས་རྩྭ་མདའ་རྫོང་དང་མེ་ཏོག་རྫོང་དུ་མ་གཏོགས་མེད་པ་དང་། དེའི་དཔེ་དབྱིབས་སི་ཁྲོན་དགེ་འོས་སློབ་ཆེན་གྱི་སྲོག་ཆགས་དངོས་དཔེ་ཁང་དུ་ཉར་ཚགས་བྱས་ཡོད་པ་རེད།