ཡན་མུན་ཤང་གིས་གྲོང་གསེབ་རིག་གནས་ཡུལ་སྐོར་དུས་ཆེན་སྐབས་དང་པོ་སྤེལ།

    ཉེ་ཆར། འཇོལ་རྫོང་ཡན་མུན་ཤང་གིས་ཀྲུང་ཧ་མི་རིགས་ཀྱི་མཐུན་མོང་འདུས་གྲུབ་འདུ་ཤེས་བརྟན་པོ་ཆགས་པ་བརྗོད་བྱ་གཙོ་བོ་བྱེད་པའི་གྲོང་གསེབ་ཡུལ་སྐོར་དུས་ཆེན་ཚུར་གྲོང་གྲོང་ཚོ་ནས་སྤེལ། ཐེངས་འདིའི་བྱེད་སྒོར་ཡུན་ལིན་དང་གཡག་རྭ་སྐོར་བྲོའི་རུ་ཁག་དང་། དེ་མིན་བདེ་ཆེན་ཁུལ་ལས་འཁྱུར་ངལ་གསོ་བའི་གཞས་བྲོའི་རུ་ཁག་དང་འཇང་རིགས་སྐོར་བྲོའི་རུ་ཁག རང་ཡུལ་གྱི་གླུ་བ་གླུ་མ་སོགས་གདན་འདྲེན་བྱས་ཡོད་དེ། རིག་རྩལ་འཁྲབ་སྟོན་བྱས་ནས་གནས་འདིར་རེ་ཞིག་གླུ་གར་གྱི་རྒྱ་མཚོ་ལྟ་བུར་བསྒྱུར་བས། ས་གནས་མང་ཚོགས་ཀྱིས་དགའ་བསུ་ཆེན་པོ་ཐོབ་པ་རེད།

    ཡན་མུན་ཤང་ནི་འཇོལ་རྫོང་རྫོང་མཁར་གྱི་ལྷོ་ཕྱོགས་སུ་ཡོད་ལ། ཤང་གྲོང་འདི་རྫ་ཆུའི་འགྲམ་རྒྱུད་དུ་ཆགས་ཡོད་དེ། གནམ་གཤིས་བཟང་ལ་སྐྱེ་ཁམས་སྣ་མང་ཕུན་སུམ་ཚོགས་པའི་གནས་ཡུལ་ཁྱད་པར་ཅན་ཞིག་ཡིན།  ཤེས་གསལ་ལྟར་ན་ས་གནས་སྲིད་གཞུང་གིས་ལོ་མང་བོའི་རིང་ཀྲུང་ཧྭ་མི་རིགས་ཀྱི་ཐུན་མོང་འདུས་གྲུབ་འདུ་ཤེས་བརྟན་པོ་ཡོང་དམིགས་སུ་བཟུང་ནས་མི་རིགས་མཐུན་སྒྲིལ་གྱི་ལས་ཀ་སྲིད་དོན་ལས་ཀའི་གཙོ་བོར་བཟུང་ནས་བསྒྲུབ་ལ། ཐེངས་འདིའི་ཐོག་མཐར་བར་གསུམ་དུ་འཆམ་མཐུན་མཉམ་གནས་ཀྱི་སྣང་བས་ཁེངས་ཡོད་དེ། ལས་དོན་འདིའི་ཕྱོགས་ལ་ཕན་འབྲས་བཟང་བོ་ཐོབ་ཡོད་པ་མངོན་གསལ་བོ་མངོན་ཡོད།