དགུན་ཁར་དྲོ་ཇུས་ཁོ་ན་བྱས་ནས་མ་བསྡད་པར་ད་དུང་འདི་དག་མཆོད་དང་།

རྩོམ་པ་པོ།     ཡིག་བསྒྱུར།       དུས་ཚོད།   2024-11-19   རྩོམ་ཁུངས།    西藏日报藏文媒体

    དགུན་ཁར་དྲོ་ཇུས་བྱས་པ་ཁོ་ནས་འགྲིག་གམ། དགུན་ཁར་ལུས་ཟུངས་གསོ་བར་ད་དུང་དོ་སྣང་གང་འདྲ་བྱེད་དགོས། གཤམ་ལ་ང་ཚོ་དང་མཉམ་དུ་དགུན་ཁར་ལུས་ཟུངས་གསོ་བའི་རྒྱུན་ཤེས་འདི་དག་མཁྱེན་པ་གནང་དང་།

    སེ་འབྲུ་དང་། ལི། རྒུན་འབྲུམ་བཅས་མང་ཙམ་མཆོད་དགོས། གང་ཡིན་ཟེར་ན། ཤིང་ཏོག་འདི་རིགས་ལ་སྐོམ་པ་སེལ་བ་དང་གློ་འཇགས་པའི་ཕན་ནུས་ཡོད་པས། འདི་དག་ནི་དགུན་ཁ་གློ་བ་གསོ་བའི་ཤིང་འབྲས་ཡག་ཤོས་ཤིག་རེད།

    རྒྱ་ཁོག་ཟ་དུས་ཞོ་ཏོག་ཙམ་བཏུངས་ཚེ། ཕོ་བ་དང་རྒྱུ་མའི་འབྱར་སྐྱི་ལ་སྲུང་སྐྱོབ་ནུས་ལྡན་ཐུབ་སྟེ། ཞག་ཚི་ཆེ་དྲགས་པ་དང་རྒྱུ་རྐྱེན་གཞན་པའི་དབང་གིས་ཁོག་པ་བཤལ་བ་དང་ཕོ་བ་ན་བ་སོགས་སྔོན་འགོག་ཡག་པོ་བྱེད་ཐུབ།

    ཁ་བ་འབབ་པའི་དུས་ཚིགས་སུ་ཁྲག་ཚིལ་གཅོག་པའི་ཟས་རིགས་འོས་འཚམ་ཟ་དགོས། དཔེར་ན་ཁུའུ་ཀྭ་དང་། མ་རྨོས་ལོ་ཏོག བྲ་བོ། མོག་རོ་ནག་པོ་སོགས།    

    དགུན་ཁར་ལུས་ཟུངས་གསོ་བའི་ཐབས་ཤེས་བཟང་ཤོས་ནི་ལུས་སྦྱོང་བྱེད་རྒྱུ་དེ་ཡིན་པས། རྒྱུན་དུ་རྒྱུག་ཤར་གློད་པ་དང་། ཞབས་བྲོ་འཁྲབ་པ། འཁྱགས་ཤུད་གློད་པ། སྤོ་ལོ་རྒྱག་པ་སོགས་མང་ཙམ་བྱས་ན། གཅིག་ནས་གཟུགས་པོ་བདེ་རུ་འགྲོ་སྲིད་ལ། གཉིས་ནས་སེམས་པ་རང་བཞིན་གྱིས་སྐྱིད་དུ་འགྲོ་སྲིད།

    ལོ་སྒོར་པད་ཚལ་མང་ཙམ་ཟ་དགོས་ཏེ། དེར་འཚོ་བཅུད་Cའདུས་ཚད་ཀྲོ་མ་ཀྲུ་ལས་ལྡབ་3.5ཡི་མང་བ་ཡོད་པས། མང་ཙམ་བཟས་ན་ནད་འགོག་ནུས་པ་ཇེ་ཆེར་གཏོང་ཐུབ།
分享到：QQ空间新浪微博腾讯微博人人网微信