ལྕགས་ལམ་དང་རིག་གནས་ཡུལ་སྐོར་མཉམ་འདྲེས་ཀྱིས་བདེ་ཆེན་དང་ཉེ་བར་བཅར།
རྩོམ་པ་པོ། ཡིག་བསྒྱུར། དུས་ཚོད། 2024-11-20 རྩོམ་ཁུངས། སེམས་ཀྱི་ཉི་ཟླ་བོད་ཡིག་དྲ་བ།
ས་དམ་ནས་སེམས་ཀྱི་ཉི་ཟླའི་ལྕགས་ལམ་
ཤར་གཏོང་བྱས་ནས་ལོ་གཅིག་སོང་རིང་
བདེ་ཆེན་ལ་སྔར་བྱུང་མྱོང་མེད་པའི་འཕེལ་རྒྱས་ཀྱི་གོ་སྐབས་བྱུང་ནས།
བདེ་ཆེན་གྱི་རིག་གནས་ཡུལ་སྐོར་ཐོན་ཁུངས་བསྡུ་སྒྲིལ་གྱི་གོམ་སྟབས་
ལ་སྐུལ་འདེད་ནུས་ལྡན་ཐེབས་པ་དང་།
བདེ་ཆེན་གྱི་སྲོལ་རྒྱུན་མཛེས་ལྗོངས་ཁུལ་དང་
གསར་དར་ལས་རྣམ་མཉམ་འདྲེས་གཏིང་ཟབ་ཡོང་རྒྱུར་སྐུལ་འདེད་ཐེབས་ནས་
ས་གནས་དེ་གའི་ཡུལ་སྐོར་ལས་རིགས་འཕེལ་རྒྱས་འགྲོ་རྒྱུར་སྐུལ་འདེད་ཐེབས་ཏེ་
འཛམ་གླིང་གི་“སེམས་ཀྱི་ཉི་ཟླ་”དང་ཉེ་བར་བཅར་བ།
ས་དམ་ནས་སེམས་ཀྱི་ཉི་ཟླའི་ལྕགས་ལམ་ཤར་གཏོང་བྱས་ནས་ལོ་གཅིག་སོང་རིང་རིམ་རྩིས་བྱས་ན་འགྲུལ་པ་མི་ཐེངས་ཁྲི་150ལས་བརྒལ་བ་སྐྱེལ་བ་དང་ཉིན་གཅིག་ལ་འགྲུལ་པ་སྐྱེལ་ཚད་མཐོ་ཤོས་མི་ཐེངས་11683ཟིན་ནས་ས་གནས་དེ་གའི་དཔལ་འབྱོར་ལ་སྐུལ་ཁྲིད་ཐུབ་ཡོད། ཡུལ་སྐོར་འཛད་སྤྱོད་བྱེད་སྟངས་ཀྱང་དེ་དང་ཆབས་ཅིག་འགྱུར་ལྡོག་བྱུང་ནས་སྲོལ་རྒྱུན་གྱི་ལྟ་སྐོར་ཡུལ་སྐོར་ནས་རིམ་བཞིན་མྱོང་ཚོར་ཟབ་མོའི་ཡུལ་སྐོར་དུ་འགྱུར་བཞིན་ཡོད། ཡུལ་སྐོར་བས་གྲོང་གསེབ་ཀྱི་ཁྱད་ལྡན་དམངས་སྡོད་དང་ས་གནས་ཀྱི་ཟས་མཆོག དེ་བཞིན་རིག་གནས་ཉམས་ལེན་བྱེད་སྒོར་དགའ་བསུ་ཐོབ་པ་དང་ཡུལ་སྐོར་བའི་རང་གཤིས་ཅན་དང་སྣ་མང་ཅན་གྱི་ཡུལ་སྐོར་དགོས་མཁོ་དེ་བས་ལེགས་པའི་ངང་སྐོང་ཐུབ་ནས་བདེ་ཆེན་རིག་གནས་ཡུལ་སྐོར་ཁྲོམ་ར་དར་རྒྱས་དང་འཕེལ་རྒྱས་འགྲོ་རྒྱུར་སྔར་བས་སྐུལ་འདེད་བཏང་ཡོད་པ་རེད།
ས་དམ་ནས་སེམས་ཀྱི་ཉི་ཟླའི་ལྕགས་ལམ་ཤར་གཏོང་བྱས་ནས་ལོ་གཅིག་སོང་རིང་། བདེ་ཆེན་རིག་གནས་ཡུལ་སྐོར་གྱི་ཐོན་ལས་སྦྲེལ་ཐག་མངོན་གསལ་དོད་པོས་འཐུས་སྒོ་ཚང་དུ་ཕྱིན་ཡོད། མཛེས་ལྗོངས་ཁུལ་དང་།མགྲོན་ཁང་།བཟའ་བཏུང་། རོལ་རྩེད་སོགས་ལྷུ་ཚིགས་ཁག་འབྲེལ་མཐུད་དམ་ཟབ་བྱས་པས་མཉམ་སྡེབ་འཕེལ་རྒྱས་ཀྱི་རྣམ་པ་བཟང་པོ་ཆགས་ཡོད།
ལྕགས་ལམ་ཤར་གཏོང་ཐུབ་པ་དེས་བདེ་ཆེན་དེ་ཡུལ་སྐོར་ཚོགས་པ་དེ་བས་མང་བའི་ཀུན་གྱིས་དོ་སྣང་བྱེད་པའི་གདམ་ག་ཞིག་ཏུ་གྱུར་ཡོད། གུང་གསེང་ཡུལ་སྐོར་ལས་དོན་ཁང་གིས་ངོ་སྤྲོད་བྱས་པར་གཞིགས་ན་ས་དམ་ནས་སེམས་ཀྱི་ཉི་ཟླའི་ལྕགས་ལམ་ཤར་གཏོང་ཐུབ་ནས་ལོ་གཅིག་སོང་ཚུན་བདེ་ཆེན་དང་།ས་དམ། ཏ་ལི་བཅས་ས་ཁུལ་གསུམ་གྱི་ཡུལ་སྐོར་ལས་དོན་ཁང་གིས་ཐུན་མོང་ཐོག་ཡུལ་སྐོར་ལམ་ཐིག་དང་ཐོན་རྫས་གསར་སྤེལ་བྱས་ནས་ཞབས་ཞུའི་སྤུས་ཚད་མཐོ་རུ་བཏང་སྟེ་ཡུལ་སྐོར་བའི་སྣ་མང་ཅན་གྱི་དགོས་མཁོ་སྐོང་གི་ཡོད།དེ་དང་ཆབས་ཅིག་མཛེས་ལྗོངས་ཁུལ་དང་།ཡུལ་སྐོར་མ་འཇོག་ཀུང་སི།མགྲོན་ཁང་སོགས་ཁེ་ལས་དང་མཉམ་ལས་བྱེད་ཤུགས་སྔར་བས་ཆེ་རུ་བཏང་ནས་ཡུལ་སྐོར་བར་“གཅིག་འཐུས་རྣམ་པའི”་ཞབས་ཞུ་མཁོ་འདོན་བྱས་ཏེ་ཡུལ་སྐོར་བའི་བློ་ཡིད་ཚིམ་ཚད་དང་ཉམས་ལེན་བྱེད་སེམས་ཆེ་རུ་བཏང་བ།
མཛེས་ལྗོངས་ཁུལ་གྱི་རྣམ་པ་གསར་པ་མངོན་པ།
ས་དམ་ནས་སེམས་ཀྱི་ཉི་ཟླའི་ལྕགས་ལམ་ཤར་གཏོང་ཐུབ་ནས་ལོ་གཅིག་སོང་ཚུན།བདེ་ཆེན་གྱི་མཛེས་ལྗོངས་ཁུལ་ཁག་གིས་རྨང་གཞིའི་སྒྲིག་བཀོད་ལ་མ་དངུལ་གཏོང་ཤུགས་ཆེ་རུ་བཏང་ནས་ཡུལ་སྐོར་བའི་ཞབས་ཞུའི་ལྟེ་གནས་དང་།ངལ་གསོའི་ཁྱམས་ར།མཛུབ་སྟོན་བྱང་བུ།གློག་རྡུལ་ཡུལ་སྐོར་སྣེ་ཤན་པ་སོགས་ཁ་སྣོན་བྱས་པས་ཡུལ་སྐོར་བར་ལྟ་སྐོར་བྱེད་པར་སྟབས་བདེ་ཆེན་པོ་བསྐྲུན་ཡོད།དེ་དང་ཆབས་ཅིག་མཛེས་ལྗོངས་ཁུལ་ནང་གི་འཕྲོད་བསྟེན་ཆ་རྐྱེན་མངོན་གསལ་དོད་པོས་ལེགས་སུ་ཕྱིན་པ་དང་གད་སྙིགས་རིགས་དབྱེ་ཚུར་བསྡུའི་སྒྲིག་བཀོད་ཆ་ཚང་བ་དང་ཁོར་ཡུག་དེ་བས་གཙང་ལ་ཡིད་དུ་འོང་བ་ཞིག་ཡོད།
ལྕགས་ལམ་གྱི་སྟབས་བདེའི་རང་བཞིན་གྱིས་ཡུལ་སྐོར་བའི་ཕྱིར་སྐྱོད་འདོད་བློ་ཧ་ཅང་ཆེ་རུ་ཕྱིན་ནས་བདེ་ཆེན་རིག་གནས་ཡུལ་སྐོར་ཁྲོམ་རར་གསོན་ཤུགས་གསར་པ་བསྣན་ཡོད།སླད་ཕྱིན་རང་ཁུལ་གྱིས་དེང་རབས་ཀྱི་ཕྱོགས་བསྡུས་འགྲིམ་འགྲུལ་སྐྱེལ་འདྲེན་མ་ལག་ལ་བརྟེན་ནས་རིག་གནས་ཡུལ་སྐོར་ཐོན་ལས་ལ་མ་དངུལ་གཏོང་ཤུགས་མུ་མཐུད་ཆེ་རུ་བཏང་སྟེ་སྤུས་ཚད་མཐོ་བའི་ཡུལ་སྐོར་ཐོན་རྫས་དང་ལམ་ཐིག་དེ་བས་མང་བ་བཏོད་དེ་ཞིང་ལས་རིག་གནས་ཡུལ་སྐོར་མཉམ་འདྲེས་གཏིང་ཟབ་ཡོང་རྒྱུར་སྐུལ་འདེད་བཏང་ནས་འཛམ་གླིང་གི་“སེམས་ཀྱི་ཉི་ཟླ་”འཛུགས་སྐྲུན་བྱ་རྒྱུ་ཡིན་པ་རེད།
