སེམས་ཀྱི་ཉི་ཟླ་གྲོང་ཁྱེར་གྱིས་ནགས་ཚལ་དང་རྩྭ་ཐང་གི་མེ་གསོད་པའི་ལས་དོན་ཡག་པོར་སྒྲུབ་པ།

    ཉེ་ཆར། གསར་འགོད་པས་སེམས་ཀྱི་ཉི་ཟླ་གྲོང་ཁྱེར་གྱི་ནགས་ཚལ་དང་རྩྭ་ཐང་གི་མེ་གསོད་ལས་དོན་བཀོད་སྒྲིག་ཚོགས་འདུའི་ཐོག་ནས་ཤེས་རྟོགས་བྱུང་བར། མེ་ཟོན་དུས་སྐབས་ནང་ཐོན་རྗེས་སེམས་ཀྱི་ཉི་ཟླ་གྲོང་ཁྱེར་གྱིས་ངོས་འཛིན་སྔར་བས་ཟབ་ཏུ་བཏང་ནས་ནགས་ཚལ་དང་རྩྭ་ཐང་གི་མེ་གསོད་ལས་དོན་ལ་འཕྲད་པའི་རྙོག་འཛིང་ཆེ་བའི་གནས་ཚུལ་དང་ཛ་དྲག་པའི་དུས་བབ་ཁོང་དུ་ཡང་དག་ཆུད་པ་བྱས་ཏེ་ནགས་ཚལ་དང་རྩྭ་ཐང་གི་མེ་གསོད་ལས་དོན་ནུས་ཤུགས་ཡོད་རྒུས་ཡག་པོ་བསྒྲུབ་རྒྱུ་ཡིན་པ་རེད།

    བྱ་ཐབས་ཤུགས་ཆེར་བཏང་ནས་ནགས་ཚལ་གྱི་མེ་ཉེན་འབྱུང་གཞི་མཐའ་གཅིག་ཏུ་མེད་པ་བཟོས་པ།  གྲོང་ཁྱེར་དེས་མངོན་མེད་རྐྱེན་ངན་ལ་གྲལ་བཤེར་བྱ་རྒྱུར་དམ་འཛིན་ཡག་པོ་བྱས་ཏེ་རིམ་ཁག་སྡེ་ཚན་ཁག་གིས་ནགས་ཚལ་དང་རྩྭ་ཐང་གི་མེ་སྐྱོན་གྱི་མངོན་མེད་རྐྱེན་ངན་ལ་གྲལ་བཤེར་བཅོས་སྒྲིག་དང་། ཞིང་ནགས་སྣོལ་འདྲེས་ཁུལ་དང་། འགྲོ་ལམ་གཡས་གཡོན་གྱི་ནགས་འོགནགས་སའི་གྲོང་མིའི་སྡོད་ཁུལ་སོགས་སུ་འབར་ཐུབ་པའི་དངོས་པོ་གཙང་སེལ་བྱེད་ཤུགས་ཆེ་རུ་གཏོང་བ། དྲ་མིག་ཅན་གྱི་དོ་དམ་རྒྱུན་མཐུད་གཏིང་ཟབ་བྱེད་པ། “གཏན་འཁེལ་གསུམ”གྱི་བླང་བྱ（མི་སྣ་གཏན་འཁེལ་དང་། ས་ཆ་གཏན་འཁེལ། འགན་འཁྲི་གཏན་འཁེལ）དོན་འཁྱོལ། ནགས་སྲུང་བ་དང་རྩྭ་ཐང་དོ་དམ་པ་སོགས་འཐབ་ས་དང་པོའི་སྔོན་འགོག་ཚོད་འཛིན་སྟོབས་ཤུགས་ཚང་མ་ལས་གནས་ཐོག་དོན་འཁྱོལ་དང་རང་འགན་གཙང་སྒྲུབ་བཅས་བྱས་ཏེ་མེ་སྐྱོན་གྱི་མངོན་མེད་རྐྱེན་ངན་དུས་ཐོག་ཏུ་ཤེས་རྟོགས་དང་མེད་པ་བཟོས་པ་རེད།  ལས་རིགས་ལྟ་སྐུལ་དོ་དམ་སྡེ་ཚན་གྱིས་མེ་བེད་སྤྱོད་བྱེད་རྒྱུར་ཞིབ་མཆན་འགོད་པ་དང་། མེ་ཟོན་ཞིབ་བཤེར། རྒྱུན་གཏན་གྱི་སྐོར་སྲུང་སོགས་ཀྱི་ལམ་ལུགས་བྱ་ཐབས་དེ་མེ་གསོད་སྔོན་འགོག་དང་ཚོད་འཛིན་བྱེད་པའི་བརྒྱུད་རིམ་ཧྲིལ་པོའི་ནང་ཁྱབ་པ་བྱས་ནས་གཙོ་གནད་མི་སྣར་ཆེད་མིས་ལྟ་སྐུལ་དོ་དམ་བྱེད་པ་དང་ཕྱི་རོལ་དུ་མེ་བེད་སྤྱོད་བྱེད་རྒྱུར་ཞིབ་མཆན་འགོད་པའི་ལམ་ལུགས་ལག་བསྟར་ནན་པོ་བྱེད་པ། ནགས་ཁུལ་གྱི་གློག་སྐྱེལ་སྒྲིག་ཆས་དང་། སྣུམ་སྣོན་ས་ཚིགས། སྐྲུན་བཞིན་པའི་ལས་གྲྭ་སོགས་གཙོ་གནད་ཁུལ་གྱི་ཉེན་ཁའི་མངོན་མེད་རྐྱེན་ངན་གྲལ་བཤེར་ཏན་ཏིག་བྱེད་པ་བཅས་བྱས་ནས་རྩིས་ཁྲ་ཡག་པོ་བཟོ་བ་དང་བཅོས་སྒྲིག་དམ་འཛིན་ཡག་པོ་བྱས་ཏེ་རྩིས་ཁྲ་ཁ་གསལ་དང་། དུས་ཚད་གསལ་པོ། འགན་འཁྲི་མི་ཐོག་ཏུ་འཁྱོལ་བ་བཅས་བྱེད་དགོས།  ངོས་འཛིན་བྱེད་ཤུགས་ཆེ་རུ་བཏང་ནས་འཕྲལ་སྡོམ་གྲ་སྒྲིག་ལས་དོན་ཡག་པོ་སྒྲུབ་དགོས།  གྲོང་ཁྱེར་དེས་འཕྲལ་སྡོམ་སྔོན་ཇུས་རྒྱུན་ཆད་མེད་པར་འཐུས་སྒོ་ཚང་དུ་གཏོང་བ་དང་། ནགས་ཚལ་དང་རྩྭ་ཐང་གི་མེ་སྐྱོན་འཕྲལ་སྡོམ་སྔོན་ཇུས་ལ་གཅིག་གྱུར་འགོ་ཁྲིད་དང་ཕྱོགས་ཁག་མཉམ་འགུལ་བྱ་རྒྱུར་ཤུགས་སྣོན་རྒྱབ་པ། འཕྲེད་ཕྱོགས་ནས་མཐའ་ལ་ཁྱབ་པ་དང་གཞུང་ཕྱོགས་ནས་མཐར་གཏུག་བྱེད་པའི་འཕྲལ་སྡོམ་ཐག་གཅོད་ཀྱི་འགན་འཁྲིའི་འབྲེལ་ཐག་ཁ་གསལ་བཟོ་བ་བཅས་བྱས་ཏེ་སྒྲིག་འཛུགས་བཀོད་འདོམས་དང་། མེ་གསོད་བྱ་སྤྱོད། ཕྱོགས་ཁག་གི་འགན་ལེན་བཅས་ཀྱི་སྤྱི་ཡོངས་ཀྱི་མཉམ་ཤུགས་ཤིག་ཆགས་པ་བྱས་ཡོད།  ཤང་གྲོང་ཁག་དང་འབྲེལ་ཡོད་སྡེ་ཚན་ཁག་གིས་མེ་སྐྱོན་གྱི་འཕྲལ་སྡོམ་ཐག་གཅོད་ཉམས་མྱོང་ཟམ་མི་ཆད་པར་ཕྱོགས་སྡོམ་བྱེད་པ་དང་མེ་གསོད་ཉེན་སྐྱོབ་ཀྱི་དངོས་འཐབ་དགོས་མཁོར་གཞི་ཚུགས་ཏེ་ཁྱོན་ཡོངས་ནས་རང་བཤེར་རང་བཤེར་བྱེད་པ་དང་ སྒྲིག་ཆས་སྲུང་སྐྱོང་དང་ཉམས་གསོ་བྱ་རྒྱུར་ཤུགས་སྣོན་རྒྱག་པ། མེ་གསོད་དངོས་ཟོག་འདང་ངེས་ཡོང་བའི་འགན་ལེན་བྱེད་པ། ནུས་ཤུགས་ཡོད་རྒུས་དམག་གྲབས་ལས་དོན་ཡག་པོ་སྒྲུབ་པ་བཅས་བྱས་པ་རེད།  གྲོང་ཁྱེར་གྱི་ཕྱོགས་བསྡུས་འཕྲལ་སྡོམ་རུ་ཁག་དང་གྲོང་ཁྱེར་གྱི་ཆེད་ལས་མེ་གསོད་རུ་ཁག་གིས་དམག་གྲབས་ཆེན་པོ་བྱས་ནས་དུས་དང་རྣམ་པ་ཀུན་ཏུ་མེ་ཤོར་སར་ཕར་རྒོལ་བྱ་རྒྱུའི་གྲ་སྒྲིག་ཡག་པོ་བྱས་ཏེ་མེ་བཀའ་རྒྱར་བརྩི་བ་དང་། ཚོར་སྣང་མགྱོགས་པོ་སྤྲོད་པ། ཕར་རྒོལ་མགྱོགས་པོ་བྱེད་པ། དམག་འཐབ་རྒྱག་པ་བཅས་བྱས་ནས་རྒྱལ་ཁ་ཐོབ་པར་བྱས་ཡོད།  

    འགན་འཁྲི་ནན་མོར་བཏང་ནས་ནགས་ཚལ་དང་རྩྭ་ཐང་གི་མེ་གསོད་པའི་ལས་དོན་དོན་ཐོག་ཏུ་འཁྱོལ་བ་བྱས་པ།  རིམ་ཁག་སྡེ་ཚན་ཁག་གིས“ཏང་སྲིད་ཀྱི་འགན་འཁྲི་གཅིག་མཚུངས་དང་། ལས་གནས་གཅིག་ལ་འགན་འཁྲི་གཉིས། ཁུར་མཉམ་ལེན་དང་དོན་སྤྱི་སྒྲུབ། འགན་འཛོལ་འགན་འཁྲི་བདའ་འདེད”བཅས་ཀྱི་ལས་ཀའི་བླང་བྱ་དོན་འཁྱོལ་ནན་པོ་བྱས་ནས་ནགས་ཚལ་དང་རྩྭ་ཐང་གི་མེ་གསོད་མེ་འགོག་གི་ཁོངས་གཏོགས་འགོ་ཁྲིད་ཀྱི་འགན་འཁྲི་དང་། ལས་རིགས་སྡེ་ཚན་གྱི་ལྟ་སྐུལ་དོ་དམ་གྱི་འགན་འཁྲི། ནགས་ཚལ་དང་རྩྭ་ཐང་གཉེར་སྐྱོང་ཚན་པའི་ཕྱོགས་གསུམ་གྱི་བྱེད་པོའི་འགན་འཁྲི་བཅས་དོན་འཁྱོལ་ནན་ཏན་བྱས་པ།  གནམ་གཤིས་ཀྱི་ལྟ་ཞིབ་ཚད་ལེན་དང་སྔོན་བརྡའི་ལས་དོན་ཡག་པོ་བསྒྲུབས་ཏེ་ཆུ་ཚོད་24ཡི་འཕྲལ་སྡོམ་ལས་སྲུང་ལམ་ལུགས་དོན་འཁྱོལ་ནན་པོ་བྱེད་པ་དང་། འགོ་ཁྲིད་ཀྱིས་ལས་སྣེ་ཁྲིད་རྒྱུ་ནན་པོ་བྱེད་པ། མི་སྣའི་ཚན་ཁག་ལེགས་སུ་གཏོང་བ། བཀོད་འདོམས་བཀོད་གཏོང་བྱེད་ཤུགས་ཆེ་རུ་གཏོང་བ་བཅས་བྱས་ནས་མེ་སྐྱོན་ཐོན་མ་ཐག་སྔ་ཙམ་ཞུགས་པ་དང་དུས་ཐོག་ཏུ་ཐག་གཅོད་ཐུབ་པའི་འགན་ལེན་བྱེད་དགོས།  དེ་དང་ཆབས་ཅིག་གྲོང་ཁྱེར་དེས་ད་དུང་མེ་གསོད་ཤེས་བྱ་དྲིལ་བསྒྲགས་ཁྲིད་སྟོན་བྱ་རྒྱུར་ཤུགས་སྣོན་བརྒྱབ་ཡོད་པ་རེད།  ཡུལ་སྐོར་གཅིག་སྡུད་དུས་མཚམས་སུ་མཛེས་ལྗོངས་ཁུལ་དང་མཛེས་ལྗོངས་ཁུལ་གྱི་དྲིལ་བསྒྲགས་སྒྲོམ་སྟེགས་སྤྱད་དེ་དྲིལ་བསྒྲགས་སྦྱར་ཡིག་སྦྱར་བ་དང་། དྲིལ་བསྒྲགས་སྒོ་འཛིན་པར་བྱེད་པ། དེ་བཞིན་ནགས་ཚལ་དང་རྩྭ་ཐང་གི་མེ་གསོད་པའི་དྲིལ་བསྒྲགས་ཤོག་བྱང་དང་དྲིལ་བསྒྲགས་གཱ་སོགས་སྤྲད་དེ་ནགས་ཚལ་དང་རྩྭ་ཐང་གི་མེ་གསོད་པའི་ཡུལ་སྐོར་བའི་འདུ་ཤེས་ཟབ་ཏུ་གཏོང་རྒྱུ་ཡིན་པ་རེད།  ཉེན་ཟོན་སློབ་གསོ་རྒྱག་རྒྱུར་མུ་མཐུད་ཤུགས་སྣོན་བརྒྱབ་སྟེ་མེ་སྐྱོན་གྱི་དཔེ་མཚོན་གྱོད་གཞི་ཞིབ་བཤེར་ཐག་གཅོད་དང་སྒྲིག་འགལ་ངང་མེ་བེད་སྤྱོད་བྱེད་པའི་བྱེད་སྤྱོད་ཞིབ་བཤེར་ཐག་གཅོད་བྱེད་ཤུགས་ཆེ་རུ་བཏང་ནས་དུས་ཐོག་ཏུ་སྤྱི་ཚོགས་ལ་ཡོངས་བསྒྲགས་ངང་བརྡ་ཁྱབ་བཏང་བ་རེད།