ཁུན་མིང་དུ་བདེ་ཆེན་གྱི་ཐོན་རྫས་འགྲེམས་ཚོང་ལྟེ་གནས་ཐོག་མ་ཕྱེས།

རྩོམ་པ་པོ།     ཡིག་བསྒྱུར།       དུས་ཚོད།   2024-11-28   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    ཉེ་ཆར་ཁུན་མིང་གི་སེམས་ཀྱི་ཉི་ཟླའི་སྤུས་ལེགས་གྲགས་ཅན་ཐོན་རྫས་འགྲེམས་ཚོང་ལྟེ་གནས་ཐོག་མ་དེ་ཝུའུ་ཧྭ་ཆུས་སུ་མང་ཚོགས་ལ་ཕྱོགས་ནས་སྒོ་འབྱེད་དང་འགྲེམས་སྟོན་དང་ཕྱིར་ཚོང་བྱས་པ་རེད།  ཕྱིར་ཚོང་བྱས་པའི་ཐོན་རྫས་ནི་རང་ཁུལ་གྱི་རྫོང་（གྲོང་ཁྱེར）གསུམ་ནས་འཁྱེར་ཡོང་བའི་སྤུས་ལེགས་ཞིང་ལས་ཐོན་རྫས་ཡིན་པ་རེད།

    ཤེས་རྟོགས་བྱུང་བར་གཞིགས་ན། འགྲེམས་ཚོང་ལྟེ་གནས་དེའི་རྒྱ་ཁྱོན་སྨི་ངོས་གྲུ་280ཙམ་ཡོད་ལ། དེར་ཆང་རིགས་དང་ཤ་མོའི་རིགས། ཤ་རིགས། བྱ་ཤའི་རིགས་བཅས་རིགས་ཆེན་པོ་4དང་སྣ་ཁ་30ལྷག་ཙམ་གྱི་ཞིང་ལས་ཁྱད་ལྡན་ཐོན་རྫས་འདུས་ཡོད་པ་རེད། ངོ་སྤྲོད་བྱས་པར་གཞིགས་ན། འགྲེམས་ཚོང་ལྟེ་གནས་སྤྱོད་འགོ་ཚུགས་རྗེས་རྒྱུན་རྣམ་ཅན་གྱི་གཉེར་སྐྱོང་བྱ་རྒྱུ་ཡིན་པ་ལས་དུས་བཀག་ལྟར་བརྗོད་དོན་གཙོ་བོའི་འགྲེམས་ཚོགས་དང་མྱོང་རོལ་འདུ་ཚོགས། ལས་རིགས་སྤེལ་རེས་འདུ་ཚོགས། ཡུལ་སྐོར་མཛེས་ལྗོངས་འོས་སྦྱོར་སོགས་ཀྱི་བྱེད་སྒོ་སྤེལ་རྒྱུ་ཡིན་པ་རེད།



    སེམས་ཀྱི་ཉི་ཟླའི་གྲགས་ཅན་སྤུས་ལེགས་ཐོན་རྫས་འགྲེམས་ཚོང་ལྟེ་གནས་ལས་གཉེར་བྱེད་འགོ་ཚུགས་པ་དེས་ཁུན་མིང་གི་གྲོང་མིར་སྤུས་ལེགས་ས་མཐོའི་ཞིང་ལས་ཐོན་རྫས་ཉོ་བའི་སྟེགས་བུ་གསར་པ་ཞིག་མཁོ་འདོན་བྱས་པ་མ་ཟད། བདེ་ཆེན་གྱི་ཞིང་ལས་ཐོན་ཟོག་ཕྱིར་ཚོང་བྱེད་པའི་ཐབས་ལམ་ཡང་རྒྱ་ཆེར་ཕྱིན་ཡོད་པ་རེད།




分享到：QQ空间新浪微博腾讯微博人人网微信