ལོ་གསར་ལ་བཀྲ་ཤིས་བདེ་ལེགས།

    དེ་རིང་ནི་ཀོང་པོའི་ལོ་གསར་རེད། ཀོང་པོའི་ལོ་གསར་ལ་ཀོང་པོའི་དུས་ཆེན་ཡང་ཟེར། ལོ་གསར་རིང་། ཕོ་མོ་རྒན་དར་གཞོན་གསུམ་ཚང་མས་ལུས་ལ་གཟབ་མཆོར་ལེགས་པར་སྤྲས་ནས་གླུ་ལེན་གར་འཁྲབ་བྱེད་བཞིན་ཕན་ཚུན་ལོ་གསར་ལ་བཀྲ་ཤིས་བདེ་ལེགས་ཞུ་གི་ཡོད། ཀོང་པོའི་ལོ་གསར(ཉིང་ཁྲི་གྲོང་ཁྱེར་བྲག་ཡིབ་ཆུས་དང་། སྨན་གླིང་གྲོང་ཁྱེར། ཀོང་པོ་རྒྱ་མདའ་རྫོང་སོགས་ཀྱི་ས་ཁུལ)ནི་ས་ཆ་འདིའི་དུས་ཆེན་གྲ་རྒྱས་ཤོས་དེ་ཡིན་པ་དང་། དེའི་རིང་དགུ་གཏོར་གཏོང་བ་དང་། ཁྱི་ལ་གསོལ་སྟོན་གཤོམ་པ། དགུ་ཐུག་འཐུང་བ། ཆུ་ཕུད་ལེན་པ། ཞིང་ལྷ་གསོལ་བ། བསང་མཆོད་འབུལ་བ་སོགས་ཀྱི་ཡུལ་སྲོལ་སྣ་ཚོགས་ཡོད།

    དགུ་གཏོར་གཏོང་བ།  

    ཀོང་པོའི་ལོ་གསར་གྱི་ཉི་ཤུ་དགུའི་དགོང་མོར། བོད་ཀྱི་སྲོལ་རྒྱུན་ལུགས་སྲོལ་ལྟར་ས་སྲོས་ཡོལ་ཙམ་ལ་དགུ་གཏོར་གཏོང་གི་ཡོད་ཅིང་། དགུ་གཏོར་གཏོང་བ་ནི་ལོ་གསར་པའི་ནང་དགའ་བདེའི་དཔལ་ལ་རོལ་ཆེད་ཡིན་ཞིང་། ཁྱིམ་ནང་གི་ནད་ན་ཚ་དང་། བཀྲ་མི་ཤིས་པ། ལྟས་ངན་པ་སོགས་གདོན་འདྲེ་ཡོངས་རྫོགས་ཕྱིར་འབུད་བྱེད་པའི་ཆོ་ག་ཞིག་ཡིན།

ཁྱི་ལ་གསོལ་སྟོན་གཤོམ་པ།

    ཆུ་ཕུད་ལེན་པ།

    ཞིང་ལྷ་གསོལ་བ་དང་བསང་མཆོད་འབུལ་བ།

    གོང་གི་ལུགས་སྲོལ་འདི་དག་ཕུད། ཀོང་པོའི་ལོ་གསར་རིང་རོལ་རྩེད་ཀྱི་རྣམ་གྲངས་ཤིན་ཏུ་ཕུན་སུམ་ཚོགས་པོ་ཡོད། བཅུ་པའི་ཚེས་གཅིག་ནས་བཅོ་ལྔའི་བར་རིག་གནས་རོལ་རྩེད་ཀྱི་བྱེད་སྒོ་སྣ་མང་ཕུན་སུམ་ཚོགས་ཤིང་། ཉིན་མོར་སྐྱེས་པ་རྣམས་རྟ་རྒྱུག་མདའ་འཕེན་དང་སྦེ་ག་འགྲན་པ། གྲིའི་རྣོ་ཆོད་པ། ཤེད་རྡོ་འགྲན་པ་སོགས་འགྲན་བསྡུར་སྣ་ཚོགས་ལ་ཞུགས་པ་དང་། བུད་མེད་རྣམས་ཀྱིས་རྟེན་འབྲེལ་གྱི་མཆོད་ཆང་འགྱོག་པ་དང་གླུ་གཞས་གཏོང་བ། ཁ་བཏགས་སྒྲོན་པ་སོགས་བྱེད་པ་དང་དུས་མཚུངས། མཉམ་འཛོམས་ཀྱི་དགའ་སྟོན་རྩེད་འཇོར་རོལ་གྱི་ཡོད། མཚན་མོར་རྒྱུན་ལྡན་གྱི་སྤྱི་པའི་འདུ་འཛོམས་ར་བའམ་ཐང་ཆེན་དུ་མེ་སྐོང་བརྒྱབ་སྟེ་ཡིད་དབང་འཕྲོག་པའི་སྐོར་བྲོ་འཁྲབ་སྲོལ་ཡོད།