ཁ་ལོ་བའི་ལག་འཁྱེར་འདི་ཁྱོན་ཡོངས་ནས་སྤེལ་རྒྱུ་རེད།

     ད་ལོའི་ཟླ་12ཚེས་2ཉིན་ནི“རྒྱལ་ཡོངས་ཀྱི་འགྲིམ་འགྲུལ་བདེ་འཇགས་ཉིན་མོ”ཐེངས་བཅུ་གསུམ་པ་དེ་ཡིན་པ་དང་། བརྗོད་དོན་གཙོ་བོ་ནི“ཤེས་དཔལ་འགྲིམ་འགྲུལ་ལག་གདང་སྦྲེལ་ནས་མཉམ་དུ་གཏོད”ཅེས་པ་དེ་ཡིན།

    གསར་འགོད་པས་ཚེས་1ཉིན་སྤྱི་བདེ་པུའུ་ནས་ཤེས་རྟོགས་བྱས་པར་གཞིགས་ན། ད་ལོའི་ཟླ་12ཚེས་2ཉིན་ནས་བཟུང་། རྒྱལ་ཡོངས་སུ་འཕྲུལ་སྒུལ་འཁོར་རིགས་ཀྱི་འགྲོ་སྐྱོད་ལག་ཁྱེར་གློག་རྡུལ་ཅན་དུ་བསྒྱུར་རྒྱུ་ཁྱོན་ཡོངས་ནས་ཁྱབ་གདལ་བཏང་བ་དང་། རྒྱལ་ཡོངས་ཀྱི་འཁོར་བདག་ཚང་མས“འགྲིམ་འགྲུལ་དོ་དམ་12123”APPབརྒྱུད་གློག་རྡུལ་འགྲོ་སྐྱོད་ལག་ཁྱེར་རེ་ཞུ་བྱེད་ཆོག་གི་ཡོད་པ་རེད།

    ད་ལོའི་ཟླ་7ཚེས་1ཉིན། སྤྱི་བདེ་པུས་སྤྱི་བདེ་འགྲིམ་འགྲུལ་དོ་དམ་གྱི་དམངས་ཕན་ཁེ་ལས་ཀྱི་སྒྱུར་བཅོས་བྱེད་ཐབས་གསར་པ་ཁག་8ལག་ལེན་བསྟར་བ་དང་། ཚོད་ལྟའི་རྨང་གཞིའི་ཐོག་རྒྱལ་ཡོངས་སུ་འཕྲུལ་སྒུལ་འཁོར་རིགས་ཀྱི་འགྲོ་སྐྱོད་ཆོག་པའི་ལག་ཁྱེར་གློག་རྡུལ་ཅན་དུ་འགྱུར་རྒྱུ་ཁག་དབྱེ་ནས་ཁྱབ་གདལ་གཏོང་རྒྱུ་ཡིན་པ་རེད། 

    མིག་སྔའི་བར་འཁོར་བདག་ཁྲི་8600ལྷག་ཙམ་ལ་གློག་རྡུལ་འགྲོ་སྐྱོད་ཆོག་པའི་ལག་ཁྱེར་སྤྲད་པ་དང་། དྲ་ཐོག་གི་ཞབས་ཞུ་མཁོ་འདོན་བྱས་ཡོད་པ་རེད། ཤེས་རྟོགས་བྱུང་བར་གཞིགས་ན། འགྲིམ་འགྲུལ་དོ་དམ་སྒྱུར་བཅོས་ཀྱི་བྱེད་ཐབས་གསར་པ་8བཏོན་པ་ནས་བཟུང་། མི་ཐེངས་དུང་ཕྱུར་1ལྷག་ཙམ་ལ་ཕན་ཐོགས་པ་དང་། མང་ཚོགས་དང་ཁེ་ལས་ལ་སྒོར་དུང་ཕྱུར་40ལྷག་ཙམ་གྱི་ཁུར་པོ་ཡང་དུ་བཏང་ཡོད་པ་རེད།