བདེ་ཆེན་གྱིས་ཐོན་ལས་རྨང་གཞི་བརྟན་པོ་བཙུགས་ནས་དམངས་འཚོའི་བདེ་སྐྱིད་ཆེ་རུ་གཏོང་བ།

    ཉེ་བའི་ལོ་འགའི་རིང་།བདེ་ཆེན་ཁུལ་གྱིས་དཔལ་འབྱོར་ཆེན་པོ་གསུམ་གཞི་གཅིག་ཏུ་སྐུལ་འདེད་བཏང་ནས་རིག་གནས་ཡུལ་སྐོར་དང་ས་མཐོའི་ཁྱད་ལྡན་ཐོན་ལས་སོགས་ཐོན་ལས་འཕེལ་རྒྱས་བྱེད་ཤུགས་ཆེ་རུ་གཏོང་བ། ཐོན་ལས་འཕེལ་རྒྱས་ཀྱིས་གྲོང་གསེབ་ཕྱོགས་ཡོངས་ནས་དར་སྤེལ་དང་ཞིང་པ་ཡོང་འབབ་རྒྱུན་མཐུད་འཕར་བར་སྐུལ་འདེད་བཏང་ནས་བདེ་ཆེན་གྱི་རང་བྱུང་མཛེས་པ། མི་སེམས་བཟང་བ། དམངས་འཚོ་ལེགས་པོ་དང་འཛམ་གླིང་གི་“སེམས་ཀྱི་ཉི་ཟླའི”ཐུན་མོང་མ་ཡིན་པའི་ཁྱད་ཆོན་བསྟན་པ།

    སྔ་ཡོད་ཐོན་ལས་བརྟན་པོ་གཏོང་བ།

    དགུན་སྟོད་འབའ་ལུང་རྫོང་མཐའ་ཆུ་གྲོང་རྡལ་རྒྱལ་པོ་སྟེང་དུ་འདེབས་འཛུགས་བྱས་པའི་ཀྲུང་ལུགས་སྨན་རྫས་སོ་སོ་སྨིན་པའི་དུས་ཚིགས་སུ་སླེབས་ཡོད། གྲོང་ཚོའི་དེའི་ལས་གཏོད་ཕྱུག་འགྱུར་སྣེ་ཁྲིད་པ་ཡུས་ཝེ་ཀོང་གིས་ལས་བྲེལ་དང་ཆབས་ཅིག་ལོ་ལེགས་ནས་དགའ་པོ་བྱུང་བ།

    ཡུས་ཝེ་ཀོང་གིས་ལོ་འགའི་སྔོན་ཁོང་གིས་ཀྲུང་ལུགས་སྨན་རྫས་ཀུང་སི་གསར་འཛུགས་བྱས་ནས་ཀྲུང་ལུགས་སྨན་རྫས་འདེབས་འཛུགས་དང་མྱུ་གུ་གསོ་བ། ཐོན་ལས་ཅན་འདེབས་འཛུགས་ཁྱབ་སྤེལ། ཞིང་ལས་ཐོན་རྫས་ཉོ་སྒྲུབ་ལས་སྣོན།ཕྱིར་འཚོང་སོགས་ལས་        དོན་སྒྲུབ་པ་མ་ཟད། ད་དུང་ཉོ་འཚོང་དྲ་བ་བརྟན་པོ་འཛུགས་ཡོད། སྲིད་གཞུང་གིས་རོགས་སྐྱོར་དང་རང་གིས་འབད་བརྩོན་བྱས་ནས་2023ལོར་ཀུང་སིའི་ཞིང་ལས་ཐོན་རྫས་ཕྱིར་འཚོང་ཡོང་འབབ་སྒོར་ཁྲི་833.6ཟིན། གཏན་འཇགས་རྒྱུ་ནོར་སྒོར་ཁྲི་538ཟིན། ལོ་རེའི་ཐོན་རྫས་རིན་ཐང་སྒོར་ཁྲི་1100ཟིན་ཡོད་ཅེས་བཤད།

    ཉེ་བའི་ལོ་འགའི་རིང་། བདེ་ཆེན་ཁུལ་གྱིས་ཀྲུང་ལུགས་སྨན་རྫས་ཀྱི་ཚད་གཞི་ཅན་དང་ཚད་རན་པོའི་རྒྱ་ཁྱོན་ཅན་གྱི་འདེབས་འཛུགས་ཆུ་ཚད་མགྱོགས་པོའི་ངང་མཐོ་རུ་བཏང་ནས་ཁུལ་ཡོངས་ཀྱིས་ཀྲུང་ལུགས་སྨན་རྫས་འདེབས་འཛུགས་མུའུ་ཁྲི་12.58ལས་བརྒལ། ལོ་རེའི་ཐོན་རྫས་རིན་ཐང་སྒོར་དུང་ཕྱུར་8.43ཟིན། མང་ཚོགས་དུད་ཚང་ཁྲི་4.6དུད་ཚང་རེ་ལ་སྒོར་2000ཡན་གྱི་ཡོང་སྒོར་ཡོང་བར་སྣེ་ཁྲིད་བྱས། རྒྱལ་པོ་སྟེང་གྲོང་ཚོས་མང་ཚོགས་རྩ་འཛུགས་བྱས་ནས་ཀུང་སི་+གནས་གཞི+ཞིང་དུད་སོགས་རྣམ་པ་སྤྱད་ནས་ཞིང་པའི་ཧུར་ཐག་རང་བཞིན་མཐོ་རུ་གཏོང་བ། མིག་སྔར། ཡུས་ཝེ་ཀོང་གི་ཀུང་སིའི་ཀྲུང་ལུགས་སྨན་རྫས་འདེབས་འཛུགས་གནས་གཞིའི་རྒྱ་ཁྱོན་མུའུ་350ཟིན་པ་དང་ཐད་ཀར་ཞིང་དུད་220ཡོང་སྒོར་འཕར་བར་སྣེ་ཁྲིད་བྱས།

    ཡུལ་སྐོར་ཐོན་ལས་ཆེ་རུ་གཏོང་བ།

    སེམས་ཀྱི་ཉི་ཟླ་གྲོང་ཁྱེར་གཡང་མདོ་གྲོང་ཚོས་ཐུན་མོང་དཔལ་འབྱོར་དེ་ཝ་ལྟེ་མཚོ་ལྗོངས་ཁུལ་གསར་གཏོད་བྱེད་པར་བརྟེན་ནས་ད་ལོར་ཡུལ་སྐོར་བ་ཇེ་མང་དུ་སོང་བ་དང་ད་ལོའི་ཟླ་10པའི་བར། ཡུལ་སྐོར་བ་2021ལོའི་3000ནས་ཁྲི་12སུ་འཕར།

    གཡང་མདོ་གྲོང་ཚོ་དུད་ཚང་50ལྷག་ཡོད། མིག་སྔར་ཝ་ལྟེ་མཚོ་ལྗོངས་ཁུལ་དུ་གཏན་འཇགས་ལས་བྱེད་པ་30ལྷག་དང་སྐབས་འཕྲལ་གླ་པ་20ལྷག་གདན་ཞུས་སྐུལ་སྤྱོད་བྱས། ལོ་22ལོན་པའི་པད་མཚོ་ནི་ཝ་ལྟེ་མཚོ་ལྗོངས་ཁུལ་གྱི་ལས་བྱེད་པ་ཞིག་ཡིན། ཁོང་གིས་དེར་ལས་དོན་སྒྲུབ་པར་རང་ཁྱིམ་དང་ཉེ་བ་མ་ཟད། ད་དུང་ཤེས་བྱ་མང་པོ་སྦྱོང་ཐུབ་པ་དང་ཕ་ཡུལ་ལ་ལེགས་སྐྱེས་འཕུལ་ཐུབ་པ་ཞེས་བཤད།

    བདེ་ཆེན་ཁུལ་གྱི་ཡུལ་སྐོར་གྱིས་ཞིང་པ་ཁྲིད་པ། ཡུལ་སྐོར་གྱིས་ཞིང་པ་གསོ་བ་རྒྱུན་འཁྱོངས་བྱས་ནས། རིག་གནས་ཡུལ་སྐོར་ཐོན་ལས་གསོ་སྐྱོང་དེ་སྤུས་ཚད་མཐོ་བའི་འཕེལ་རྒྱས་ཀྱི་ཐོན་ལས་གཙོ་བོ་དང་དམངས་འཚོ་ཐོན་ལས་སུ་རྩི་བ། ད་ལོའི་ཟླ་1པོ་ནས་8པའི་བར། ཁུལ་ཡོངས་ཀྱིས་ཡུལ་སྐོར་བ་བསྡོམས་རྩིས་ལྟར་མི་ཐེངས་ཁྲི་1916.99སྣེ་ལེན་བྱས། ཡུལ་སྐོར་གྱི་སྤྱིའི་འགྲོ་སྒོ་དུང་ཕྱུར་238.6མངོན་གྱུར་བྱུང་བ། དུས་མཚམས་ལས་སོ་སོར་32.09%  41.72%འཕར་བ། ཁུལ་ཡོངས་ཀྱི་ཐད་ཀར་རིག་གནས་ཡུལ་སྐོར་ཐོན་ལས་སུ་ཞུགས་པའི་མི་སྣ་ཁྲི་3.4ཟིན། རིག་གནས་ཡུལ་སྐོར་དང་འབྲེལ་བ་ཡོད་པའི་ཐོན་ལས་མི་སྣ་ཁྲི་13.4ཟིན།

    ཁྱད་ལྡན་ཐོན་ལས་འཕེལ་རྒྱས་གཏོང་བ།

    ཉེ་བའི་ལོ་འགའི་རིང་། བདེ་ཆེན་ཁུལ་གྱིས་ཐུན་མོང་མ་ཡིན་པའི་གནམ་གཤིས༎ དངོས་ཟོག་ཐོན་ཁུངས་དང་སྐྱེ་དངོས་ཐོན་ཁུངས་ཕུན་སུམ་ཚོགས་པོ་ལ་བརྟེན་ནས་ས་མཐོའི་ཁྱད་ལྡན་དེང་རབས་ཞིང་ལས་བཟང་སྤེལ་ཞན་གསབ་དམ་འཛིན་བྱས། ཐབས་བརྒྱ་ཇུས་སྟོང་གིས་ཞིང་ལས་ཐོན་རྫས་ཟུར་བསྣན་རིན་ཐང་མཐོ་རུ་གཏོང་བ། ཁྱད་ལྡན་ཐོན་ལས་འཕེལ་རྒྱས་གཏོང་བ། འབའ་ལུང་ཁྱད་ལྡན་ཞིང་ལས་དབུལ་སྐྱོར་གསར་སྤེལ་ཚད་ཡོད་ཀུང་སི་ནི་དེའི་དཔེ་མཚོན་ཡིན། མིག་སྔར་ཀུང་སི་དེར་གཙོ་བོ་བཟའ་བཅའི་ཤ་མོ། མུ་ཡུས་ཐོན་རྫས། སྟར་ཀའི་བཟའ་སྣུམ། ཡན་ཝ་བྱ་ཤ་སོགས་ཐོན་རྫས་ཡོད་པ།  “ཀུང་སི+ཆེ་ཞིང་གཏིང་ཟབ་པའི་ལས་སྣོན+མཉམ་ལས་ཁང+ཐོན་ལས་འཁོར་སྦྲེལ”ལས་གཉེར་རྣམ་པར་བརྟེན་ནས་ས་མཐོའི་ཞིང་ལས་འཕེལ་རྒྱས་ནུས་ལྡན་ངང་སྐུལ་ཁྲིད་བྱས།

    ཀུང་སི་2016ལོར་བཙུགས་ནས་བཟུང་བསྡོམས་རྩིས་བྱས་ནས་ཕྱིར་འཚོང་མ་དངུལ་སྒོར་དུང་ཕྱུར་1.5ལས་བརྒལ།  ཞིང་ལས་ཐོན་རྫས་ཉོ་སྒྲུབ་བསྡོམས་རྩིས་བྱས་ནས་སྒོར་ཁྲི་9000ལས་བརྒལ། 2023ལོའི་ཕྱིར་འཚོང་མ་དངུལ་སྒོར་ཁྲི་2769.3ཟིན།  ལོ་ཡོངས་ལ་ཞིང་ལས་ཐོན་རྫས་ཀྱི་ཉོ་སྒྲུབ་ཁྲི་1455ལེགས་སྒྲུབ་བྱུང་བ་དང་ཁུལ་ཡོངས་ཀྱི་ཞིང་ལས་ཐོན་རྫས་ཀུང་སི་18དང་གྲོང་གསེབ་ཀྱི་རྣམ་པ་གསར་པའི་ལས་གཉེར་བྱེད་པོ་10སྣེ་ཁྲིད་བྱས་ནས་ཞིང་དུད་1256ལ་ཁེབས་པ་དང་དུད་ཚང་རེའི་ཡོང་སྤར་4868ཟིན།

    རྨང་གཞི་སྒྲིག་ཆས་རིམ་བཞིན་ལེགས་སུ་གཏོང་བ་དང་ཁྱད་ལྡན་ཐོན་ལས་དབྱར་མཚོ་རྒྱས་པ་ལྟར་གོང་དུ་འཕེལ་བ། སྐྱེ་ཁམས་ཁོར་ཡུག་ལ་ཞིབ་ཕྲའི་སྲུང་སྐྱོང་ནས་དམངས་འཚོའི་བདེ་སྐྱིད་བར་གྱི་བརྟན་ཞིང་མཐོ་རུ་འཕར་བ། བདེ་སྐྱིད་མེ་ཏོག་ས་མཐོར་ལྟ་ན་སྡུག་་པར་བཞད་ཡོད།