ཀྲང་ཝེ་ཏུང་པོ་ཏ་མཚོ་ལྗོངས་ཁུལ་དུ་ཕེབས་ནས་ཞིབ་དཔྱད་གནང་བ།
རྩོམ་པ་པོ། ཡིག་བསྒྱུར། དུས་ཚོད། 2024-12-11 རྩོམ་ཁུངས།
སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་12པའི་ཚེས་10ཉིན་གྱི་སྔ་དྲོར། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གིས་རུ་སྣེ་ཁྲིད་དེ་སེམས་ཀྱི་ཉི་ཟླ་གྲོང་ཁྱེར་པོ་ཏ་མཚོ་ལྗོངས་ཁུལ་དུ་ཞིབ་དཔྱད་གནང་སྐབས་ལས་རྣམ་གསར་གཏོད་བྱེད་ཤུགས་ཆེ་རུ་བཏང་ནས་རང་ཁུལ་གྱིས་རིག་གནས་ཡུལ་སྐོར་ཐོན་ལས་ལ་སྤུས་ཚད་མཐོ་བའི་འཕེལ་རྒྱས་ཡོང་རྒྱུར་སྐུལ་འདེད་གཏོང་དགོས་པའི་ནན་བཤད་གནང་།
ཀྲང་ཝེ་ཏུང་གིས་པོ་ཏ་མཚོ་ལྗོངས་ཁུལ་ཚོང་ལས་ཁུལ་གྱི་འཆར་འགོད་དང་འཛུགས་སྐྲུན་གནས་ཚུལ་གྱི་སྙན་སེང་གསན་ནས།རང་ངོས་ཀྱི་གཉེར་སྐྱོང་དོ་དམ་ཆུ་ཚད་རྒྱུན་མཐུད་མཐོ་རུ་བཏང་བ་དང་གཙོ་རྒྱུ་ཀུན་འདུས་ཀྱི་ཡུལ་སྐོར་བླང་བྱ་ལྟར་འབྲེལ་ཡོད་ཡུལ་སྐོར་ཐོན་རྫས་མཁོ་སྤྲོད་རྒྱུན་མཐུད་མང་དུ་བཏང་ནས་ཡུལ་སྐོར་དེ་ལྟ་སྐོར་ནས་གཏིང་ཟབ་མྱོང་རོལ་ཡུལ་སྐོར་དུ་བསྒྱུར་བར་སྐུལ་འདེད་བཏང་སྟེ་ཐོན་ལས་ཕྱོགས་སྒྱུར་རིམ་སྤར་མངོན་དུ་འགྱུར་བའི་བླང་བྱ་བཏོན།
ཀྲང་ཝེ་ཏུང་གིས་ཡུལ་དངོས་སུ་ལྗོངས་ཁུལ་གྱི་གངས་རྩེད་རྣམ་གྲངས་ཀྱི་གཉེར་སྐྱོང་གནས་ཚུལ་ལ་ཞིབ་དཔྱད་གནང་སྐབས་རང་ཁུལ་དགུན་དུས་ཀྱི་ཡུལ་སྐོར་ཚོང་རའི་མདུན་ལྗོངས་རྒྱ་ཆེ་ཞིང་།པོ་ཏ་མཚོ་ལྗོངས་ཁུལ་ནི་རང་ཁུལ་གྱི་ཆེས་སྔ་བའི་འབྲེལ་ཡོད་ལས་རྣམ་བཀོད་སྒྲིག་བྱེད་པའི་ལྗོངས་ཁུལ་ཞིག་ཡིན་པས།ལྗོངས་ཁུལ་གྱི་གངས་རྩེད་རྣམ་གྲངས་ཀྱི་འཁོར་སྐྱོད་གནས་ཚུལ་ནས་ཡུལ་སྐོར་བའི་ཚུར་སྣང་ལེགས་པོ་བྱུང་བ་དང་གྲུབ་འབྲས་དེ་ལ་ཁས་ལེན་བྱེད་རིན་ཡོད། ལྗོངས་ཁུལ་གྱིས་ཉམས་མྱོང་བཟང་པོ་ཕྱོགས་བསྡོམས་བྱེད་པ་དང་ལས་རྣམ་རྒྱུན་མཐུད་ངང་གསར་གཏོད་བྱེད་དེ་རང་ཁུལ་དགུན་དུས་ཡུལ་སྐོར་ཐད་ཀྱི་ཐོན་ཁུངས་ལེགས་ཆ་འདོན་སྤེལ་གང་ལེགས་བྱེད་དགོས་ཞེས་བསྟན།
ཀྲང་ཝེ་ཏུང་གིས་དགུན་དུས་ཡུལ་སྐོར་གྱི་ལེའུ་ཡག་པོ་རྩོམ་ནས་ཡུལ་སྐོར་ཞབས་ཞུ་སྤུས་ཚད་མཐོ་རུ་གཏོང་དགོས་དང་།ཕྱི་ཕྱོགས་ལ་དྲིལ་བསྒྲགས་ཁྱབ་སྤེལ་བྱེད་ཤུགས་ཆེ་རུ་གཏོང་ནས་ལྗོངས་ཁུལ་གྱི་ཡིད་དབང་འགུགས་ནུས་མཐོ་རུ་གཏོང་དགོས།བདེ་འཇགས་ཐོན་སྐྱེད་མཐའ་ཚད་བརྟན་དུ་སྲུང་ནས་ཡུལ་སྐོར་བ་སེམས་བདེ་ནས་རྩེད་ཐུབ་པར་འཇུག་དགོས། སྲིད་གཞུང་དང་ཁེ་ལས་ཀྱིས་རྒྱུན་མཐུད་མཉམ་ལས་ཟབ་སྤེལ་བྱེད་ནས་རང་ཁུལ་གྱི་རིག་གནས་ཡུལ་སྐོར་ཐོན་ལས་ལ་སྤུས་ཚད་མཐོ་བའི་འཕེལ་རྒྱས་བྱུང་རྒྱུར་ནུས་ལྡན་གྱིས་སྐུལ་འདེད་གཏོང་དགོས་པའི་ནན་བཤད་གནང་།
ཁུལ་འགོ་ཁྲིད་ལིན་ཧའོ།ཀྲོང་ཞའོ་ཕིང་། ཁུལ་ཐད་གཏོགས་འབྲེལ་ཡོད་སྡེ་ཚན་དང་སེམས་ཀྱི་ཉི་ཟླ་གྲོང་ཁྱེར་སྲིད་གཞུང་གིས་འགན་འཁུར་བ་གཙོ་བོ་ཞིབ་དཔྱད་དུ་ཕེབས།
