བདེ་ཆེན་ཁུལ་གྱིས་ཁུལ་ཡོངས་ཀྱི་སྤྱི་བདེའི་ལས་དོན་ཚོགས་འདུ་འཚོགས་པ།
རྩོམ་པ་པོ། ཡིག་བསྒྱུར། དུས་ཚོད། 2024-12-11 རྩོམ་ཁུངས།
སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་12པའི་ཚེས་9ཉིན་ཁུལ་ཡོངས་ཀྱི་སྤྱི་བདེའི་ལས་དོན་ཚོགས་འདུ་འཚོགས་ཤིང་། ཚོགས་འདུའི་ཐོག་ཞི་ཅིན་ཕིང་གི་ཁྲིམས་སྐྱོང་དགོངས་པ་དང་། སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ། དུས་རབས་གསར་པའི་ཏང་གི་བོད་སྐྱོང་མཛད་ཇུས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དུས་རབས་གསར་པའི་སྤྱི་བདེའི་ལས་དོན་སྐོར་གྱི་རྣམ་བཤད་གལ་ཆེན་བཅས་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། རྒྱལ་ཡོངས་དང་ཞིང་ཆེན་ཡོངས་ཀྱི་སྤྱི་བདེའི་ལས་དོན་ཚོགས་འདུའི་དགོངས་དོན་དོན་འཁྱོལ་ནན་ཏན་བྱས་ནས། གྲུབ་འབྲས་ཕྱོགས་སྡོམ་དང་། དུས་བབ་དབྱེ་ཞིབ། བདེ་ཆེན་སྤྱི་བདེའི་ལས་དོན་དེང་རབས་ཅན་དུ་འགྱུར་རྒྱུར་སྐུལ་འདེད་གཏོང་རྒྱུ་ཞིབ་འཇུག་དང་བཀོད་སྒྲིག་བྱས་པ་རེད།
ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་དང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཝེ་ཏུང་གིས་མཆན་འགོད་མཛུབ་སྟོན་གནང་། ཁུལ་ཨུའི་རྒྱུན་ཨུའམ་ཁུལ་ཨུའི་སྲིད་ཁྲིམས་ཨུ་ལྷན་གྱི་ཧྲུའུ་ཅི་ཞུང་ཝུན་པིན་ཚོགས་འདུར་ཞུགས་པ་དང་འབྲེལ་གསུང་བཤད་ཀྱང་གནང་། ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པའམ་ཁུལ་སྤྱི་བདེ་ཅུས་ཏང་ཨུའི་ཧྲུའུ་ཅི། ཅུས་ཀྲང་པའོ་ཡུས་ཏུང་གིས་ཚོགས་འདུ་གཙོ་སྐྱོང་གནང་བ་རེད།
ལུའོ་ཁྲའོ་ཧྥེང་གིས་མཆན་བཀོད་མཛུབ་སྟོན་གནང་སྐབས། ཉེ་བའི་ལོ་ཤས་རིང་ཁུལ་ཡོངས་ཀྱི་སྤྱི་བདེ་ལས་ཁུངས་ཀྱིས་ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུས་ཏེ་བརྟན་ལྷིང་ལ་བརྟེན་ནས་འཕེལ་རྒྱས་འགན་ལེན་དང་བརྟན་ལྷིང་སྲུང་སྐྱོང་གི“སྔོན་འགོག”གི་རང་འགུལ་དམག་འཐབ་དང“ཐག་གཅོད”ཀྱི་གྲ་སྒྲིག་དམག་འཐབ་ཡག་པོ་བྱ་རྒྱུར་དམིགས་ཏེ་འགན་འཁྲི་གཙང་སྒྲུབ་དང་འགན་འཁྲི་འཁུར་ཕོད་པ་བྱས་ནས་འགག་རྩའི་དམག་འཐབ་ལ་རྒྱལ་ཁ་ལེན་པའི་ནུས་པ་ཕྱོགས་ཡོངས་ནས་ཆེ་རུ་ཕྱིན་པ་དང་ཁུལ་ཡོངས་ཀྱི་ཆབ་སྲིད་བདེ་འཇགས་དང་། སྤྱི་ཚོགས་བརྟན་ལྷིང་། མི་དམངས་བདེ་འཇགས་བཅས་ལ་སྲུང་སྐྱོང་ནུས་ལྡན་བྱས་པས་གྲུབ་འབྲས་ལ་ཁས་ལེན་གང་ལེགས་བྱེད་འོས་པ་ཞིག་ཡོད་ཅེས་གསུངས་པ་རེད། གོམ་སྟབས་རྗེས་མའི་ལས་དོན་ཁྲོད་ཁུལ་ཡོངས་ཀྱི་སྤྱི་བདེ་ལས་ཁུངས་ཀྱིས་དུས་རབས་གསར་པའི་སྤྱི་བདེའི་ལས་དོན་སྐོར་གྱི་ཞི་ཅིན་ཕིང་གྱི་སྤྱི་ཁྱབ་ཧྲུའུ་ཅིའི་རྣམ་བཤད་གལ་ཆེན་དང་རྒྱལ་ཡོངས་དང་ཞིང་ཆེན་ཡོངས་ཀྱི་སྤྱི་བདེའི་ལས་དོན་ཚོགས་འདུའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་།“གཏན་འབེབས་གཉིས”ལ་བརྩི་བཀུར་མཐའ་གཅིག་ཏུ་བྱེད་པ།“སྲུང་སྐྱོང་གཉིས”མཐའ་གཅིག་ཏུ་བྱེད་ཐུབ་པ་བཅས་བྱས་ནས་བདེ་ཆེན་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཆེད་བདེ་འཇགས་བརྟན་ལྷིང་གི་ཆབ་སྲིད་དང་སྤྱི་ཚོགས་ཀྱི་ཁོར་ཡུག་ཅིག་གཏོད་དགོས། འགལ་བ་དང་རྩོད་གཞི་གྲལ་བཤེར་དང་སེལ་རྒྱུར་ཤུགས་སྣོན་རྒྱག་པ་དང་མངོན་གསལ་དོད་པའི་ཁྲིམས་འགལ་ཉེས་གསོག་ལ་རྡུང་རྡེག་ཚ་ནན་བཏང་ནས་སྤྱི་བདེ་དང་འཐབ་ནུས་གསར་པ་མགྱོགས་མྱུར་ཆགས་པ་དང་རིམ་སྤོར་ཡོང་བ་བྱེད་དགོས། ཉེན་དོན་འདུ་ཤེས་གསར་གཏོད་ཧུར་ཐག་བྱེད་པ་དང་། ཉེན་དོན་སྒྲིག་སྲོལ་ལམ་སྲོལ་སྒྱུར་བཅོས་རྒྱུན་ཆད་མེད་པར་གཏིང་ཟབ་ཏུ་གཏོང་བ། བྱང་ཚད་མཐོ་ལ་ཉམས་སད་ཐེག་ཐུབ་པའི་སྤྱི་བདེའི་དམག་དཔུང་ཞིག་གཏོད་པ་བཅས་བྱས་ཏེ་བདེ་ཆེན་སྤྱི་ཚོགས་རིང་ལུགས་དེང་རབས་ཅན་གྱི་རྒྱང་སྐྱོད་ལམ་བུ་གསར་པར་སྐུལ་འདེད་གཏོང་ཆེད་སླར་ཡང་གྲུབ་འབྲས་བཟང་པོ་གཏོད་པ་དང་བྱས་རྗེས་གསར་པ་འཇོག་དགོས་ཞེས་གསུངས་པ་རེད།
ཀྲང་ཝེ་ཏུང་གིས་ཉེན་ཁ་སྔོན་འགོག་དང་། བདེ་འཇགས་འགན་ལེན། བརྟན་ལྷིང་སྲུང་སྐྱོང་། འཕེལ་རྒྱས་ལ་སྐུལ་འདེད་བཅས་ཀྱི་ནུས་པ་དང་ཆུ་ཚད་ཕྱོགས་ཡོངས་ནས་མཐོ་རུ་བཏང་ནས་བདེ་ཆེན་གྱི་སྤྱི་བདེའི་ལས་དོན་དེང་རབས་ཅན་དུ་འགྱུར་རྒྱུར་སྐུལ་འདེད་ཧུར་ཐག་བཏང་སྟེ་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་འགྲོ་རྒྱུར་འགན་ལེན་བྱེད་དགོས་པའི་བླང་བྱ་བཏོན་པ་རེད།
ཚོགས་འདུའི་ཐོག་ནན་བཤད་བྱས་དོན། ཞན་ཆ་གསབ་པ་དང་། ཉམས་ཞན་སྟོབས་ཆེན། རྨང་གཞི་བརྟན་གཏོང་བཅས་ཀྱི་ཐད་ཤུགས་སྣོན་བརྒྱབ་ནས་རང་འགུལ་ངང་འགྱུར་ལྡོག་གསལ་རྟོགས་དང་། སྟབས་བསྟུན་ཐུབ་པ། འགྱུར་ལྡོག་ཡོང་ཐབས་བཅས་བྱས་ཏེ་སྤྱི་བདེའི་ལས་དོན་དེང་རབས་ཅན་དུ་འགྱུར་བར་བརྟེན་ནས་ཁུལ་དེ་ཡོངས་ཀྱི་བདེ་འཇགས་བརྟན་ལྷིང་སྲུང་སྐྱོང་ལས་དོན་ལ་གྲུབ་འབྲས་གསར་པ་ཐོབ་རྒྱུར་སྐུལ་འདེད་གཏོང་དགོས་པ་དང་། རང་འགུལ་ངང་སྤྱི་བདེའི་ལས་དོན“རྒྱལ་ཁབ་ཀྱི་དོན་དག་ཆེན་པོ”དང“ཁུལ་གྱི་ཇུས་གཞི་ཆེན་པོའི”ནང་བཅུག་སྟེ་གཙོ་གནད་དང་དཀའ་གནད་དང་འགན་འཁྲི་གཙོ་བོ་དང་ལས་འགན་གཙོ་བོར་དམིགས་ཏེ་ཁུལ་དེ་ཡོངས་ཀྱི་སྤྱི་བདེའི་ལས་དོན་སླར་ཡང་སྐས་རིམ་གསར་པ་ཞིག་ཏུ་སླེབས་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་དགོས་པ། བློ་བརྟན་འགྱུར་མེད་ཀྱི་སྒོ་ནས་དུས་རབས་གསར་པའི་ཏང་ལ་དོ་དམ་དང་ཉེན་རྟོག་བཅོས་སྐྱོང་ནན་པོ་བྱེད་པའི་སྤྱིའི་བླང་བྱ་དོན་འཁྱོལ་ཡག་པོ་བྱས་ཏེ་རང་ངོས་འཛུགས་སྐྱོང་ལ་ཤུགས་སྣོན་རྒྱག་པ་དང་དུས་རབས་ཀྱི་འགན་འཁྲི་ལྕི་པོ་ཁུར་ཐུབ་པའི“འགྱུར་མེད་བཞིའི”སྤྱི་བདེའི་དམག་དཔུང་བརྟན་པོ་ཞིག་ཧུར་ཐག་གཏོད་དགོས་པ་དང་། རིམ་ཁག་ཏང་ཨུ་སྲིད་ཁྲིམས་ཨུ་ལྷན་གྱིས་སྣེ་ཁྲིད་དེ་སྤྱི་ཡོངས་དམ་འཛིན་དང་། སྤྱི་འདོམས་མཐུན་སྦྱོར། ལྟ་སྐུལ་དོན་འཁྱོལ་བཅས་ཀྱི་ནུས་པ་འདོན་སྤེལ་བྱས་ནས་ནུས་ཤུགས་ཡོད་རྒུས་སྤྱི་བདེའི་ལས་དོན་ལ་རྒྱབ་སྐྱོར་བྱེད་པ་དང་། འབྲེལ་ཡོད་སྡེ་ཚན་ཁག་གིས་སྤྱི་བདེའི་ལས་དོན་ལ་རྒྱབ་སྐྱོར་དང་གཞོགས་འདེགས་ཤུགས་ཆེན་བྱེད་པ། འགན་འཁྲི་འཁུར་ཤུགས་ཆེ་རུ་གཏོང་བ། མཐུན་སྦྱོར་ལམ་སྲོལ་འཐུས་ཚང་དུ་གཏོང་བ་བཅས་བྱས་ནས་ལས་ཀའི་མཉམ་ཤུགས་ཆེན་པོ་ཞིག་ཆགས་པ་བྱེད་དགོས།
ཚོགས་འདུའི་ཐོག་ཁུལ་ཨུའི་རྩ་འཛུགས་པུའུ་དང་། ཁུལ་ནོར་སྲིད་ཅུས། སེམས་ཀྱི་ཉི་ཟླའི་གྲོང་ཁྱེར་ཁྲིམས་ལུགས་ཨུ་ལྷན། འབའ་ལུང་རྫོང་སྤྱི་བདེ་ཅུས་བཅས་ཀྱིས་སྤེལ་རེས་གཏམ་བཤད་བྱས་པ་རེད།
ཞའོ་ཞུས་དང་དབྱང་ཅི་ཝུན་ཚོགས་འདུར་ཕེབས་ཡོད་པ་རེད།
