ལུའོ་ཁྲའོ་ཧྥེང་གིས་རུ་སྣེ་ཁྲིད་ནས་ཧྭ་ནེང་རྫ་ཆུ་ཆུ་གློག་མ་རྐང་ཚད་ཡོད་ཀུང་སིར་ལས་ཀ་འབྲེལ་མཐུད་བྱེད་པར་ཕེབས།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་12པའི་ཚེས་10ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་རུ་སྣེ་ཁྲིད་དེ་ཧྭ་ནེང་རྫ་ཆུ་ཆུ་གློག་མ་རྐང་ཚད་ཡོད་ཀུང་སིར་ཕེབས་ནས་ལས་ཀ་འབྲེལ་མཐུད་བྱེད་པ་དང་བཞུགས་མོལ་གནང་བ།

    ཧྭ་ནེང་རྫ་ཆུ་ཆུ་གློག་མ་རྐང་ཚད་ཡོད་ཀུང་སིའི་སྤྱི་ཁྱབ་ཅིང་ལིན།ཏང་ཨུའི་ཧྲུའུ་ཅི་གཞོན་པ་ལི་ཅན་ཕིང་བཞུགས་མོལ་དུ་ཞུགས།

    ལུའོ་ཁྲའོ་ཧྥེང་གིས་ཧྭ་ནེང་རྫ་ཆུ་ཆུ་གློག་མ་རྐང་ཚད་ཡོད་ཀུང་སིས་དུས་ཡུན་རིང་པོར་བདེ་ཆེན་གྱི་དཔལ་འབྱོར་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྤྲོད་པའི་ལེགས་སྐྱེས་ལ་ཐུགས་རྗེ་ཆེ་ཞུས། ཁོང་གིས་ཧྭ་ནེང་རྫ་ཆུ་ཆུ་གློག་མ་རྐང་ཚད་ཡོད་ཀུང་སིས་བློ་བརྟན་འགྱུར་མེད་ཀྱིས་མི་དམངས་ལྟེ་བར་འཛིན་པའི་འཕེལ་རྒྱས་དགོངས་པ་ལག་བསྟར་བྱེད་པ་དང་ཞིང་ཨུའི་“3815”་ཐབས་ཇུས་དམ་པོར་དམིགས་ནས་ཏང་ཨུ་སྲིད་གཞུང་གི་ཚད་མཐོའི་དོ་ཁུར་དང་མི་དམངས་མང་ཚོགས་ཀྱིས་དོ་ཁུར་ཆེན་པོ་བྱེད་པའི་གླེང་ཆ་ཆེ་བའི་གནད་དོན་ནན་པོའི་ངང་ཐག་གཅོད་དེ་མི་དམངས་མང་ཚོགས་ཀྱི་ཐོབ་ཚོར་ལེགས་པ། བདེ་སྐྱིད་ཚོར་སེམས་དེ་བས་རྒྱུན་མཐུད་རུང་བ། བདེ་འཇགས་ཚོར་སེམས་དེ་བས་འགན་སྲུང་ཐུབ་པར་འཇོག་པའི་རེ་བ་བཏོན།

    ལི་ཅན་ཕིང་གིས་ལུའོ་ཁྲའོ་ཧྥེང་དང་བཅས་པ་འཚམས་འདྲིར་ཕེབས་པར་དགའ་བསུ་ཞུས། ཁོང་གིས་ཧྭ་ནེང་རྫ་ཆུ་ཆུ་གློག་མ་རྐང་ཚད་ཡོད་ཀུང་སིས་ཁེ་ལས་ཀྱི་ཆབ་སྲིད་ལས་འགན་དང་སྤྱི་ཚོགས་ལས་འགན་བརྟན་དུ་འཁུར་ནས་བདེ་ཆེན་དཔལ་འབྱོར་སྤྱི་ཚོགས་ཀྱི་འཕེལ་རྒྱས་སྤྱི་ཁོག་ཏུ་ཧུར་ཐག་ངང་ཞུགས་པ། ས་གནས་ཏང་ཨུ་དང་སྲིད་གཞུང་ལ་འབྲེལ་མཐུད་བྱེད་ཤུགས་ཆེ་རུ་གཏོང་བ།མང་ཚོགས་ཀྱི་ལུགས་མཐུན་རེ་བ་ནན་ཏན་གྱིས་ཐག་གཅོད་བྱེད་དེ།བདེ་ཆེན་དཔལ་འབྱོར་སྤྱི་ཚོགས་ཀྱི་ལས་དོན་ཁག་སྤུས་ཚད་མཐོ་བའི་འཕེལ་རྒྱས་ལ་རོགས་སྐྱོར་གནང་རྒྱུ་ཞེས་བསྟན་པ།

    རང་ཁུལ་གྱི་འགོ་ཁྲིད་དབྱང་ཞུའེ་ཝུན། ཧྭ་ནེང་རྫ་ཆུ་ཆུ་གློག་མ་རྐང་ཚད་ཡོད་ཀུང་སིའི་འབྲེལ་ཡོད་འགོ་ཁྲིད། ཁུལ་རིམ་འབྲེལ་ཡོད་སྡེ་ཚན། འབའ་ལུང་རྫོང་འབྲེལ་ཡོད་འགན་འཁུར་བ་བཞུགས་མོལ་དུ་ཞུགས།