བདེ་ཆེན་ཁུལ་གྱི་ཞིང་ལས་ཐོན་རྫས1རྒྱལ་ཡོངས་ཀྱི་ཁྱད་ལྡན་ཞིང་ལས་ཐོན་རྫས་ཀྱི་མིང་གཞུང་ནང་བདམས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-12-16   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        ཉིན་ཤས་གོང་ཞིང་ལས་དང་གྲོང་གསེབ་པུའི་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ལྟེ་གནས་ཀྱིས་2024ལོའི་ཁྱད་ཆོས་ལྡན་པའི་ཞིང་ལས་ཐོན་རྫས་ཁག་གསུམ་པའི་མིང་ཐོ་ཁྱབ་བསྒྲགས་བྱས་ཤིང་། འབའ་ལུང་ན་སྨི་བྱ་རིགས་གསོ་ཚགས་ཞིང་པའི་ཆེད་ལས་མཉམ་ལས་ཁང་གིས་རེ་ཞུ་བྱས་པའི་“ན་སྨི་བྱ་”དེ་གྲལ་སྟར་སྒྲིག་པ་དང་སྐབས་དེར་བདེ་ཆེན་ཁུལ་གྱི་རྒྱལ་ཡོངས་ཀྱི་ཁྱད་ལྡན་ཞིང་ལས་ཐོན་རྫས་མེད་པའི་ལོ་རྒྱུས་མཇུག་འགྲིལ་བ་རེད།   


        《ཁྱད་ལྡན་ཞིང་ལས་ཐོན་རྫས་ཐོ་འགོད་ལག་རྩལ་ཚད་ལྡན་(ཚོད་ལྟའི་ལག་བསྟར་)》གྱི་གཏན་འབེབས་གོ་རིམ་གཞིར་བཟུང་“ན་སྨི་བྱ”་དེ་རྫོང་རིམ་པའི་ཁྱད་ལྡན་ཞིང་ལས་ཐོན་རྫས་ལས་དོན་སྒྲིག་གཞིས་འོས་སྦྱོར་བྱས་པ་བརྒྱུད་ས་ཁུལ་དང་། གྲོང་ཁྱེར་རིམ་པ། ཞིང་ཆེན་རིམ་པའི་བཅས་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་དང་སྤུས་ལེགས་ཅན་གྱི་ལས་སྒོའི་ལག་རྩལ་ལས་དོན་སྒྲིག་གཞིས་ཞིབ་བཤེར་གཏན་འབེབས་བྱས་པ། ཞིང་ལས་དང་གྲོང་གསེབ་པུའི་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་ལྟེ་གནས་ཀྱིས་རིགས་གཅིག་མཁས་ཅན་སྒྲིག་འཛུགས་བྱས་ཏེ་ཀྲུང་གོའི་ཞིང་ལས་ཐོན་རྫས་ཀྱི་སྤུས་ཚད་བདེ་འཇགས་དྲ་བར་སྤྱི་བསྒྲགས་བྱས་པ་དང་།    ཁྱད་ལྡན་ཞིང་ལས་ཐོན་རྫས་ཐོ་འགོད་ལག་རྩལ་ཚད་ལྡན་གྱི་བླང་བྱ་དང་མཐུན་ནས་ཁྱད་ལྡན་ཞིང་ལས་ཐོན་རྫས་ཐོ་འགོད་ལག་རྩལ་གྱི་མིང་ཐོའི་ནང་བཅུག་ཡོད།

        ཤེས་རྟོགས་བྱུང་བར་གཞིགས་ན། ཁྱད་ལྡན་ཞིང་ལས་ཐོན་རྫས་ཐོ་འགོད་ལས་ཀ་ནི་ཞིང་ལས་དང་གྲོང་གསེབ་པུའུ་ཡི་ཞིང་ལས་ཐོན་རྫས་སྤུས་ཚད་བདེ་འཇགས་ལྟེ་གནས་ཀྱིས་ཁྱད་ཆོས་ལྡན་པའི་ཞིང་ལས་ཀྱི་ཚོང་རྟགས་གྲགས་ཅན་གསོ་སྐྱོང་གང་མགྱོགས་དང་། ཚན་རིག་དང་མཐུན་པའི་སྒོ་ནས་འཛད་སྤྱོད་ལ་ཁྲིད་སྟོན། ཐོན་སྐྱེད་ལ་དུས་ཐོག་ཏུ་མཛུབ་སྟོན། ཐོན་སྐྱེད་དང་ཕྱིར་འཚོང་འབྲེལ་མཐུད་ལ་སྐུལ་འདེད། མང་ཚོགས་ཀྱིས་ཁྱད་ལྡན་ཞིང་ལས་ཐོན་རྫས་སྤུས་ལེགས་ཀྱི་རང་གཤིས་ཅན་གྱི་དགོས་མཁོ་སྔར་ལས་ལེགས་པར་སྐོང་བ་བཅས་ཀྱི་ཆེད་དུ་འཚོལ་ཞིབ་དང་སྤེལ་བའི་ལས་ཀ་ཞིག་རེད། ཁྱད་ལྡན་ཞིང་ལས་ཐོན་རྫས་ཞེས་པ་ནི་དམིགས་བསལ་གྱི་ཐོན་ཡུལ་ནས་ཐོན་པའི་ཁོར་ཡུག་གི་ཆ་རྐྱེན་ལ་ཟེར་ཞིང་། ཤེས་ཚོར་ཐུབ་པ་དང་། དབྱེ་འབྱེད་ཐུབ་པ། ཚད་འབེབས་ཐུབ་པ་བཅས་ཀྱི་ཐུན་མོང་མ་ཡིན་པའི་སྤུས་ཀའི་ཁྱད་ཆོས་ལྡན་པ་དང་། ཐོན་སྐྱེད་ཀྱི་གཞི་ཁྱོན་ངེས་ཅན་ལྡན་པ། མཁོ་འདོན་བྱེད་ཚད་དང་འཛད་སྤྱོད་ཚོགས་པ་བརྟན་པོ་ཡོད་པ་མ་ཟད། ཞིང་ལས་དང་གྲོང་གསེབ་པུའུ་ཡི་ཞིང་ལས་ཐོན་རྫས་སྤུས་ཚད་བདེ་འཇགས་ལྟེ་གནས་ཀྱིས་ཐོ་འགོད་བྱས་པའི་ཞིང་ལས་ཐོན་རྫས་ལ་ཟེར། ཁྱད་ལྡན་ཞིང་ལས་ཐོན་རྫས་ཀྱི་ལག་ཁྱེར་གོ་ཆོད་པའི་དུས་ཡུན་ལོ་3ཡིན་པ་དང་། དུས་ཚད་ཐིམ་རྗེས་ཐོག་མའི་གོ་རིམ་ལྟར་ཁས་ལེན་ཡོང་རེ་ཞུ་རྒྱུ་དང་། ཆ་རྐྱེན་དང་མཐུན་རིགས་ལ་ཁྱད་ལྡན་ཞིང་ལས་ཐོན་རྫས་ཀྱི་ལག་ཁྱེར་བསྐྱར་དུ་དཔྱད་སྤྲོད་བྱ་རྒྱུ།

         ཉེ་བའི་ལོ་ཤས་རིང་བདེ་ཆེན་ཁུལ་གྱིས་ཐོན་ཁུངས་ཀྱི་ལེགས་ཆར་བརྟེན་པ་དང་ཁྱད་ཆོས་ལ་གཞི་ཚུགས་ཏེ་སྤུས་ཚད་ལ་བརྟེན་ནས་ཞིང་ལས་དར་རྒྱས་གཏོང་བ་དང་སྤུས་རྟགས་ལ་བརྟེན་ནས་ཞིང་ལས་སྟོབས་ཆེར་གཏོང་བའི་འདུ་ཤེས་གཞིར་བཟུང་ཐོན་ལས་ཁེ་ལས་ཁག་གིས་རང་ངོས་ཀྱི་སྤུས་རྟགས་གཏོད་རྒྱུར་མཛུབ་ཁྲིད་བྱས་ཡོད། “ན་སྨི་བྱ”དེ་ནི་བདེ་ཆེན་ཁུལ་གྱིས་སྐྱེད་སྲིང་བྱས་པའི་ས་གནས་ཀྱི་ཁྱད་ལྡན་ཞིང་ལས་ཐོན་རྫས་ཀྱི་སྤུས་རྟགས་ཤིག་ཡིན་ཞིང་། བདེ་ཆེན་གྱི་ལྗང་མདོག་སྤུས་ལེགས་ཞིང་ལས་ཐོན་རྫས་འཕེལ་རྒྱས་ལ་རོགས་རམ་བྱས་པ་དང་བདེ་ཆེན་གྱི་ཞིང་ལས་ཐོན་ལས་ཀྱི་སྤུས་ཚད་མཐོར་གཏོང་དང་ཕན་འབྲས་ཆེ་རུ་གཏོང་བ། ཞིང་པའི་འབབ་འཕར་ལ་སྐུལ་འདེད་བཏང་སྟེ་གྲོང་གསེབ་དར་རྒྱས་ཀྱི་གོང་བུ་འགྲིལ་ཤུགས་ལ་ནུས་པ་སྦྱིན་པའི་བསྡུས་རིས་ཤིག་རྒྱུན་མཐུད་ངང་བཏོད་ཡོད།

分享到：QQ空间新浪微博腾讯微博人人网微信