ལུའོ་ཁྲའོ་ཧྥེང་གིས་ཀྲུང་གོའི་ལྕགས་ལམ་ཇུས་འགོད་ཁང་གཉིས་པ་ཚོགས་ཁག་ཀུང་སིའི་ཏང་ཨུའི་ཧྲུའུ་ཅི་གཞོན་པ་སྤྱི་ཁྱབ་ཅིང་ལིན་ཞེ་ཡི་དང་མཇལ་འཛོམས་གནང་།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་12པའི་ཚེས་18ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཀྲུང་གོའི་ལྕགས་ལམ་ཇུས་འགོད་ཁང་གཉིས་པའི་ཚོགས་ཁག་ཀུང་སིའི་ཏང་ཨུའི་ཧྲུའུ་ཅི་སྤྱི་ཁྱབ་ཅིང་ལིན་ཞེ་ཡི་དང་བཅས་པར་མཇལ་འཛོམས་གནང་ནས་ཕྱོགས་གཉིས་ཀྱིས་མཉམ་ལས་ཟབ་སྤེལ་དང་ཐུན་མོང་ཐོག་འཕེལ་རྒྱས་གཏོང་བར་སྤེལ་རེས་གཏིང་ཟབ་བྱེད།

    ལུའོ་ཁྲའོ་ཧྥེང་གིས་ཞེ་ཡི་དང་བཅས་པ་ཕེབས་པར་དགའ་བསུ་ཞུས། ཁོང་གིས་ཀྲུང་གོའི་ལྕགས་ལམ་ཇུས་འགོད་ཁང་གིས་ལྷོ་ནུབ་ས་ཁུལ་དུ་ཡུན་རིང་ཟབ་ཞུགས་བྱས་པ་དང་ལག་རྩལ་སྟོབས་ཤུགས་ཆེན་པོ་ལྡན་པས་ཕྱོགས་གཉིས་ཀྱིས་གལ་ཆེའི་འགྲིམ་འགྲུལ་རྨང་གཞིའི་བཀོད་སྒྲིག་འཛུགས་སྐྲུན་དང་ཆུ་གློག་གསར་སྤེལ། དམའ་དབྱིངས་དཔལ་འབྱོར། ཇུས་གཞི་འཆར་འགོད་སོགས་ཀྱི་ཐད་མཉམ་ལས་བྱེད་རྒྱ་ཆེན་པོ་ཡོད། ཀྲུང་གོའི་ལྕགས་ལམ་ཇུས་འགོད་ཁང་གཉིས་པས་ཁྲིམས་མཐུན་སྒྲིག་མཐུན་དང་ཡོངས་བསྒྲགས་གསལ་པོའི་ངང་ས་གནས་ཀྱི་འཛུགས་སྐྲུན་དུ་ཞུགས་རྒྱུར་དགའ་བསུ་ཞུ། ས་གནས་དང་ཁེ་ལས་ཕྱོགས་གཉིས་ཀྱིས་སྤེལ་རེས་མཐུན་སྦྱོར་ཤུགས་ཆེར་གཏོང་།ཐུན་མོང་ཐོག་འཕེལ་རྒྱས་ཇུས་འགོད་བྱེད་ནས་གཉིས་ཕན་མཉམ་རྒྱས་མངོན་འགྱུར་བྱེད་པའི་རེ་བ་བཏོན།

    ཞེ་ཡི་ཡིས་ཀྲུང་གོའི་ལྕགས་ལམ་ཇུས་འགོད་ཁང་གཉིས་པའི་གཞི་རྩའི་གནས་ཚུལ་དང་འབྲེལ་ཡོད་རྣམ་གྲངས་སྐུལ་འདེད་གཏོང་བའི་གནས་ཚུལ་མཚམས་སྦྱོར་བྱས། ཁོང་གིས་ཀྲུང་གོའི་ལྕགས་ལམ་བཟོ་ལས་རྩད་ཞིབ་ཇུས་འགོད་ས་ཁོངས་ཀྱི་སྐད་གྲགས་ཁེ་ལས་ཤིག་ཡིན་པའི་ངོས་ནས་རང་གི་ལས་རིགས་དང་ཆེད་ལས་ཀྱི་ལེགས་ཆ་ལྡན། གལ་ཆེའི་འགྲིམ་འགྲུལ་རྨང་གཞི་བཀོད་སྒྲིག་འཛུགས་སྐྲུན་དང་ཆུ་གློག་གསར་སྤེལ་སོགས་དེ་བས་རྒྱ་ཆེ་བའི་ས་ཁོངས་ཐད་བདེ་ཆེན་དང་བང་རིམ་དེ་བས་ཟབ་པ། ཆུ་ཚད་དེ་བས་མཐོ་བའི་དོན་དངོས་མཉམ་ལས་བྱས་ནས་བདེ་ཆེན་གྱི་དཔལ་འབྱོར་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་རོགས་སྐྱོབ་སྤྲོད་རྒྱུ་ཡིན་ཞེས་བསྟན།

    རང་ཁུལ་འགོ་ཁྲིད་དབྱང་ཞུའེ་ཝུན། ཀྲུང་གོའི་ལྕགས་ལམ་ཇུས་འགོད་གཉིས་པའི་ཚོགས་ཁག་ཀུང་སིའི་སྤྱི་ཁྱབ་ཅིང་ལིན་གཞོན་པ་ལིན་ཅན་ཕིང་། ཁུལ་རིམ་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་མཇལ་འཛོམས་དུ་ཕེབས།