ཁུའོ་ཧྲི་དུས་ཆེན་ལ་བཀྲ་ཤིས་བདེ་ལེགས་ཞུ།

        “ཁུའོ་ཧྲི་”དུས་ཆེན་ལ་བསུ་བ་ཞུ་ཆེད་ལི་སུའུ་རིགས་ཀྱི་བུད་མེད་ཚོས་སྔ་མོ་ནས་ལས་ལ་བྲེལ་ཏེ། གྱོན་གོས་གསར་པ་ཞིབ་ཚགས་བཟོས་ནས་ལོ་གསར་ལ་བསུ་བ་ཞུས། བུད་མེད་ཚོས་ཁབ་སྐུད་བྱང་ཆུབ་པའི་སྒོ་ནས་བཀོལ་སྤྱོད་བྱས་ཏེ་ཚོན་མདངས་རྣམ་པར་བཀྲ་བ་དང་། ཐུན་མོང་མ་ཡིན་པའི་མི་རིགས་ཀྱི་རི་མོ་ལྡན་པའི་རས་ཆ་ཞིབ་ཚགས་ངང་དྲས་པ་དང་འཚེམ་དྲུབ་བྱས་པ་རེད། ཁོ་ཚོས་བདེ་ལྕག་འཁྱུག་པའི་ལག་ཟུང་ལ་བརྟེན་ནས་མཛེས་སྡུག་ལྡན་པའི་མེ་ཏོག་གི་མཐའ་རྒྱན་དང་། རྒྱན་རིས་འཚེམ་དྲུབ་བྱས་པ་དང་ཁབ་སྐུད་རེ་རེ་བཞིན་གྱིས་ལོ་གསར་གྱི་མཛེས་སྡུག་ལྡན་པའི་སྨོན་ལམ་དང་སྲོལ་རྒྱུན་རིག་གནས་ལ་བརྩེ་དུང་ཟབ་མོ་བཅངས་ཡོད། ལི་སུའུ་རིགས་ཀྱི་གྱོན་ཆས་གསར་རྐྱང་བཟོས་ཚར་རྗེས། མི་རྣམས་ཀྱིས་དེ་གྱོན་ནས་ཐང་ཆེན་དུ་འདུས་ཡོད།  མཛེས་སྡུག་ལྡན་པའི་གྱོན་ཆས་དེ་ནི་མི་ཚོགས་ཁྲོད་ནས་ཕན་ཚུན་ལ་འོད་མདངས་འཕྲོ། དེ་ནི་རྒྱ་མཚོ་ཆེན་པོ་གཡོ་བ་དང་མཚུངས། “ཁུའོ་ཧྲི་”དུས་ཆེན་གྱི་དགའ་སྤྲོ་དང་འཆམ་མཐུན་ཁྲོད་ལི་སུའུ་རིགས་ལ་གཏོགས་པའི་ལོ་གསར་གྱི་དོན་ཆེན་དེར་ཐུན་མོང་ཐོག་རྟེན་འབྲེལ་ཞུས་པ་དང་། མི་རིགས་ཀྱི་དྲན་ཤེས་དང་སྙིང་སྟོབས་རྒྱུན་འཛིན་བྱས་ནས་ལི་སུའུ་རིགས་ཀྱི་ཐུན་མོང་མ་ཡིན་པའི་ཡིད་དབང་འཕྲོག་པའི་རིག་གནས་ཀྱི་ཡིད་དབང་འཕྲོག་བཞིན་མངོན་པར་བྱས་ཡོད།