བདེ་ཆེན་ཁུལ་ཁུལ་རིམ་པའི་སྲིད་གཞུང་གི་གཞུང་རྒྱུ་མཛོད་ཁང་སྒོ་བྱང་ཕྱེ་ནས་སྤྱོད་འགོ་ཚུགས་པ།

    ཉེ་སྔོན། བདེ་ཆེན་ཁུལ་ཁུལ་རིམ་སྲིད་གཞུང་གི་གཞུང་རྒྱུ་མཛོད་ཁང་དངོས་སུ་སྒོ་བྱང་ཕྱེ་ནས་སྤྱོད་འགོ་ཚུགས་པ་དེ་རང་ཁུལ་གྱི་ཁུལ་རིམ་བེད་མེད་རྒྱུ་ནོར་ལ་གཅིག་བསྡུས་གཅིག་འགྱུར་གྱིས་དོ་དམ་བྱེད་པའི་སྙོམ་སྒྲིག་ལས་སྟེགས་ཞིག་ཡོད་པ་མཚོན།

    ཁུལ་རིམ་སྲིད་གཞུང་གི་གཞུང་རྒྱུ་མཛོད་ཁང་ནས་གཞུང་སྒྲུབ་ཅོག་ཙེ་དང་འཐུང་ཆུའི་འཕྲུལ་ཆས།   པར་རྒྱག་འཕྲུལ་ཆས་སོགས་བེད་མེད་རྒྱུ་ནོར་སྣ་རིགས་སྒོ་ནས་གྲལ་འགྲིག་པོའི་ངང་བཞག་ཡོད། གཞུང་རྒྱུ་མཛོད་ཁང་གི་མཛོད་ཁང་དུ་ནང་འཇུག་དང་།  སྙོམ་སྒྲིག གཡར་སྤྱོད་སོགས་འབྲེལ་ཡོད་ལམ་ལུགས་འཛུགས་པ་དང་གྱང་ཐོག་སྦྱོར་ནས་རྒྱུ་ནོར་དོ་དམ་ལ་བསྲུང་བྱའི་སྒྲིག་ལམ་ཡོད་པར་འཇུག

    ཁུལ་རིམ་སྲིད་གཞུང་གི་གཞུང་རྒྱུ་མཛོད་ཁང་གིས་གཅིག་བསྡུས་གསོག་ཉར་དང་ལུགས་མཐུན་སྙོམ་སྒྲིག ཁྲིམས་མཐུན་ཐག་གཅོད་སོགས་བྱ་ཐབས་སྤྱོད་པའི་སྒོ་ནས། འཁོར་སྤྱོད་ཀྱི་སྤྱིའི་སྒྲོམ་གཞི་ལ་གསོག་ཉར། གསོག་ཐེབས། སྙོམ་སྒྲིག་ཁག་གསུམ་བགོས་ཡོད། གསོག་ཉར་ཐད་སྡེ་ཚན་སོ་སོའི་བེད་མེད་རྒྱུ་ནོར་དེ་སྲིད་གཞུང་གཞུང་རྒྱུ་མཛོད་ཁང་དུ་གསོག་ཉར་བྱས་ནས་གཅིག་བསྡུས་ཀྱིས་དོ་དམ་བྱེད་རྒྱུ།   གསོག་ཐེབས་ཐད་སྤྱོད་ཚད་དམའ་བ། གསོག་ཉར་སྟབས་བདེ་མེད། གསོག་ཉར་བྱེད་མི་དགོས་པའི་རྒྱུ་ནོར་དེ་དག་    རིན་བཅག་ཚོང་བསྒྱུར། འཚོང་བ། གླར་གཏོང་བ་སོགས་བྱ་ཐབས་སྒོ་ནས་གསོག་ཐེབས་བྱེད་རྒྱུ། སྙོམ་སྒྲིག་ཐད་རྒྱུ་ནོར་དགོས་མཁོ་ཡོད་པའི་ལས་ཁུངས་ཀྱིས་གཞུང་རྒྱུ་མཛོད་ཁང་དུ་དགོས་མཁོ་ལྟ་ཞིབ་བྱས་པ། སྙོམ་སྒྲིག་ཡིག་ཐོག་རེ་ཞུ་འདོན།  རྒྱུ་ནོར་དོ་དམ་སྡེ་ཚན་གྱིས་ཞིབ་དཔྱད་བྱས་ནས་རྒྱུ་ནོར་སྙོམ་སྒྲིག་ལས་ཀ་སྒྲུབ་པ་དང་འབྲེལ་ཡོད་རྩིས་དོན་ཐག་གཅོད་བྱེད་རྒྱུ།

    བདེ་ཆེན་ཁུལ་ཁུལ་རིམ་སྲིད་གཞུང་གི་གཞུང་རྒྱུ་མཛོད་ཁང་བཙུགས་ནས་རྒྱུ་ནོར་གྲོན་ཆུང་ཞིབ་བསྡུས་ཀྱིས་སྤྱོད་པ་ལ་སྐུལ་འདེད་ནུས་ལྡན་དང་རྒྱུ་ནོར་བེད་སྤྱོད་ཀྱི་ཁེ་ཕན་ཆེས་ཆེ་བ་མངོན་གྱུར་བྱུང་རྒྱུ། དུས་མཚུངས་སུ་གཞུང་རྒྱུ་མཛོད་ཁང་ལས་སྟེགས་ནས་ལས་ཁུངས་སོ་སོས་དུས་ཐོག་ཏུ་དགོས་མཁོ་དང་འདོན་སྤྱོད་གནས་ཚུལ་དུས་ཐོག་ཏུ་རྒྱུས་ལོན་བྱས་ནས་མཁོ་ཆས་སྙོམ་སྒྲིག་དེ་བས་གནད་འཕིགས་བྱེད་པ་དང་མཁོ་ཆས་དོ་དམ་གྱི་ཕན་ནུས་དེ་བས་མཐོ་རུ་གཏོང་བ། སྲིད་གཞུང་དང་སྡེ་ཚན་བར་གྱི་གོང་བུ་འགྲིལ་ཤུགས་དང་མཉམ་ལས་ནུས་ཤུགས་ཆེ་རུ་གཏོང་བ།