ཀྲུང་གུང་ཡུན་ནན་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་བདུན་པ་ཁུན་མིང་དུ་འཚོགས།

ཞིང་ཨུའི་རྒྱུན་ལས་ཨུ་ལྷན་གྱི་གྲོས་ཚོགས་གཙོ་སྐྱོང་གནང་།  ཞིང་ཨུའི་ཧྲུའུ་ཅི་ཝང་ཉིང་གིས་གསུང་བཤད་གནང་།

     ཀྲུང་གོ་གུང་ཁྲན་ཏང་ཡུན་ནན་ཞིང་ཆེན་སྐབས་བཅུ་གཅིག་པའི་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་བདུན་པའི་སྤྱི་བསྒྲགས།

    （2024ལོའི་ཟླ་12པའི་ཚེས་24ཉིན་ཀྲུང་གོ་གུང་ཁྲན་ཏང་ཡུན་ནན་ཞིང་ཆེན་སྐབས་བཅུ་གཅིག་པའི་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་བདུན་པ་གྲོས་འཆམ་བྱུང་བ།）

    ཟླ་12པའི་ཚེས་24ཉིན་ཀྲུང་གོ་གུང་ཁྲན་ཏང་ཡུན་ནན་ཞིང་ཆེན་སྐབས་བཅུ་གཅིག་པའི་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་བདུན་པ་ཁུན་མིང་དུ་འཚོགས་པ།

    ཀྲུང་གོ་གུང་ཁྲན་ཏང་ཡུན་ནན་ཞིང་ཆེན་སྐབས་བཅུ་གཅིག་པའི་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་བདུན་2024ལོའི་ཟླ་12པའི་ཚེས་24ཉིན་ནས་ཁུན་མིང་དུ་འཚོགས་པ།

ཐེངས་འདིའི་ཚང་འཛོམས་གྲོས་ཚོགས་སུ་ཞིང་ཨུའི་ཨུན་ཡོན་63། ཞིང་ཨུའི་རྗེས་སྣོན་ཨུ་ཡོན་11། ཞིང་ཆེན་སྒྲིག་ཨུའི་ཨུ་ཡོན། ཞིང་ཆེན་ལྟ་སྐུལ་ཨུ་ལྷན་གྱི་ཨུ་ཡོན་དང་འབྲེལ་ཡོད་ཕྱོགས་ཀྱི་འགན་འཁུར་བློ་མཐུན། ཞིང་ཆེན་ཏང་གི་འཐུས་མི་ཚོགས་ཆེན་གྱི་གཞི་རིམ་འཐུས་མི་འགའ་ཞུགས་ཡོད།

    ཚང་འཛོམས་གྲོས་ཚོགས་དེ་ཞིང་ཨུའི་རྒྱུན་ཨུས་གཙོ་སྐྱོང་གནང་། ཞིང་ཨུའི་ཧྲུའུ་ཅི་ཝང་ཉིང་གིས་གསུང་བཤད་གནང་།

    ཚང་འཛོམས་གྲོས་ཚོགས་ཐོག་ཝང་ཉིང་གིས་ཞིང་ཨུའི་རྒྱུན་ལས་ཨུ་ལྷན་གྱི་མངགས་བཅོལ་ལྟར་ནས་ཞུས་པའི་ལས་ཀའི་སྙན་སེང་གསན་པ་དང་གྲོས་བསྡུར་བྱས། ཡུན་ནན་ཞིང་ཆེན་2024ལོའི་ཏང་གི་འཛུགས་སྐྲུན་ལས་ཀའི་ཆེད་དོན་སྙན་སེང་། ཀྲུང་གུང་ཡུན་ནན་ཞིང་ཨུའི་2024ལོར་ཏང་ནན་སྐྱོང་བྱེད་པོའི་འགན་འཁྲི་ཕྱོགས་ཡོངས་ནས་ལག་བསྟར་བྱེད་པའི་སྙན་སེང་གསན་པ་དང་གྲོས་བསྡུར་བྱས།

    ཚང་འཛོམས་གྲོས་ཚོགས་ཐོག་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་ལྔ་པའི་ཚུན་གྱི་ལས་ཀ་ལ་ཁས་ལེན་པ།བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བློ་བརྟན་འགྱུར་མེད་ཀྱི་འགོ་ཁྲིད་འོག་ཞིང་ཨུའི་རྒྱུན་ལས་ཨུ་ལྷན་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་རྒྱུན་འཁྱོངས་བྱས།ཞིང་ཡོངས་རྒྱ་ཆེའི་ལས་བྱེད་པ་དང་མང་ཚོགས་མཐུན་སྒྲིལ་ཐོག་སྣེ་ཁྲིད་དེ་ཏང་གི་ཚོགས་ཆེན་ཉི་ཤུ་པ་དང་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་གཉིས་པ། ཐེངས་གསུམ་པའི་དགོངས་དོན་སློབ་སྦྱོང་གཏིང་ཟབ་བྱས། ཏང་ཀྲུང་དབྱང་གི་ཐབས་ཇུས་བཀོད་སྒྲིག་ཕྱོགས་ཡོངས་ནས་ལག་བསྟར་བྱེད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཡུན་ནན་དུ་རྟོག་ཞིང་གནང་སྐབས་ཀྱི་གལ་ཆེའི་གསུང་བཤད་དགོངས་དོན་ལག་བསྟར་གཏིང་ཟབ་བྱེད།ཏང་གི་སྒྲིག་ཁྲིམས་སློབ་སྦྱོང་སློབ་གསོ་ནན་ཏན་གྱི་སྤེལ་བ།བསྒྱུར་བཅོས་ཟབ་སྤེལ་སྔ་བས་ཟབ་སྤེལ་འཆར་གཞི་བཀོད་པ་དང་ལག་བསྟར་བྱས།“3815”འཐབ་ཇུས་འཕེལ་རྒྱས་དམིགས་འབེན་ལ་དམ་འཛིན་བྱས། “དཔལ་འབྱོར་ཆེན་པོ་གསུམ”འཕེལ་རྒྱས་སྟོབས་ཆེར་བཏང་།དཔལ་འབྱོར་རིགས་བསྒྱུར་རིམ་སྤར་བརྟན་པོའི་ངང་སྐུལ་འདེད་གཏོང་བ། དམངས་འཚོ་འཛུགས་སྐྲུན་ནན་པོ་དང་སྟོབས་ཤུགས་ལྡན།སྤྱི་ཚོགས་སྤྱི་ཁོག་འཆམ་མཐུན་བརྟན་པོ་བྱུང་། ཏང་གི་འཛུགས་སྐྲུན་ལ་རྣམ་པ་གསར་པོ་བསྟན། “ལོ་གསུམ་དུ་སྐལ་རིམ་གསར་པར་སླེབས་པའི”གོང་མཐུད་འོག་འདྲེན་གྱི་འགག་རྩའི་གོམ་པ་ཞིག་སྤོ་ནས། གྲུབ་འབྲས་དང་ཕན་ནུས་དངོས་ཀྱིས་“གཏན་འཁེལ་གཉིས”བློ་བརྟན་འགྱུར་མེད་ཀྱིས་སྲུང་སྐྱོང་བྱེད།“སྲུང་སྐྱོང་གཉིས”མཐའ་གཅིག་ཏུ་བྱེད།གཅིག་ནས་ཏང་གི་སྐབས་ཉི་ཤུ་པའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དྲིལ་བསྒྲགས་ལག་བསྟར་ཟབ་སྤེལ་ལ་སྐུལ་འདེད་གཏོང་། གཉིས་ནས་དཔལ་འབྱོར་རིགས་བསྒྱུར་རིམ་སྤར་མགྱོགས་སུ་གཏོང་།གསུམ་ནས་ནུས་ལྡན་གྱིས་ཀྲུང་ཧྭ་མི་རིགས་ཐུན་མོང་འདུ་ཤེས་བརྟན་པོ་འཛུགས་པ། བཞི་ནས་ཞི་ཅིན་ཕིང་གི་སྐྱེ་ཁམས་དགོངས་པ་ནན་ཏན་གྱིས་སློབ་སྦྱོང་ལག་བསྟར་བྱེད། ལྔ་ནས་རང་འགུལ་གྱིས་རྒྱལ་ཁབ་འཕེལ་རྒྱས་ཐབས་ཇུས་སུ་ཞུགས་པ་དང་འདྲེས་པ།དྲུག་ནས་ཀུན་ཕན་རང་བཞིན། རྨང་གཞི་རང་བཞིན། ཐ་སྐྱོང་རང་བཞིན་བཅས་ཀྱི་དམངས་འཚོའི་འཛུགས་སྐྱོང་ཤུགས་ཆེ་གཏོང་།བདུན་ནས་བརྒྱུད་རིམ་ཡོངས་མི་དམངས་དམངས་གཙོ་ཤུགས་ཆེར་འཕེལ་རྒྱས་གཏོང་།བརྒྱད་ནས་ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་ལག་བསྟར་གཏིང་ཟབ་བྱེད། དགུ་ནས་ནུས་ལྡན་གྱིས་རིགས་སོ་སོའི་ཉེན་ཁ་གལ་ཆེ་སྔོན་འགོག་དང་ཐག་གཅོད་པ།བཅུ་ནས་ཕྱོགས་ཡོངས་ནས་ཏང་ནན་སྐྱོང་ལ་སྐུལ་འདེད་གཏིང་ཟབ་གཏོང་།

    ཚང་འཛོམས་གྲོས་ཚོགས་ཐོག་ཏང་གི་ཚོགས་ཆེན་བཅུ་བརྒྱད་པའི་ཚུན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་ཐེངས་གཉིས་གནང་བ། རང་ཞིང་ཆེན་གྱི་མི་རིགས་སོ་སོའི་ལས་བྱེད་པ་དང་མང་ཚོགས་ལ་ཡིག་ལན་སྐུར་བ། སྐབས་དྲུག་པའི་ལྷོ་ཕྱོགས་བཤམས་སྟོན་ཚོགས་འདུ་དང་ཡུན་ནན་སློབ་ཆེན་བཙུགས་ནས་ལོ་100འཁོར་བར་རྟེན་འབྲེལ་འཕྲིན་ཡིག་སྐུར་ནས་ཡུན་ནན་གྱི་འཕེལ་རྒྱས་ལ་འཆར་གཞི་ཡག་པོ་བཀོད་ཡོད་དེ་ཞིང་ཡོངས་ལས་བྱེད་པ་དང་མང་ཚོགས་ལ་སྐུལ་སློང་དང་འབད་བརྩོན་སྣེ་ཁྲིད་བཏོན། ཡུན་ནན་མི་རིགས་ཁག་གི་མང་ཚོགས་ཀྱིས་མངག་བཅོལ་བརྟན་པོར་ངེས་པ་དང་བཀའ་དྲིན་འབད་བརྩོན་བྱས་ནས་སྤུས་ཚད་མཐོ་བའི་འཕེལ་རྒྱས་སྐལ་རིམ་གསར་པར་སླེབས་པ། མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་ནས་གྲུབ་འབྲས་གསར་པ་ཐོན། སྐྱེ་ཁམས་དཔལ་ཡོན་འཛུགས་སྐྲུན་ཐད་རྣམ་པ་གསར་པ་བཏོན་རྒྱུ་ལ་སྐུལ་འདེད་གཏོང་དགོས་ཞེས་བསྟན།

    ཚང་འཛོམས་གྲོས་ཚོགས་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཁྲིད་སྟོན་བྱེད་པའི་ཕྱོགས་སུ་མདུན་སྐྱོད་བྱེད་པར་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་པས་བློ་སྒྲིལ་སེམས་སྐྱེད་རྒྱུན་འཁྱོངས་བྱེད་དགོས། འཕེལ་རྒྱས་ལས་དོན་གཙོ་བོ་བརྟན་པོར་འཛུགས་དགོས། བསྒྱུར་བཅོས་སྒོ་འབྱེད་གསར་སྤེལ་རྒྱུན་འཁྱོངས་བྱེད་དགོས། ཀྲུང་ཧྭ་མི་རིགས་ཐུན་མོང་འདུས་གྲུབ་འཛུགས་སྐྲུན་གྱི་དངོས་ཟོག་རྨང་གཞི་བརྟན་པོར་འཛུགས་དགོས་པའི་ནན་བཤད་གནང་།

ཚང་འཛོམས་གྲོས་ཚོགས་ཐོག་སང་ལོ་ནི་“ལོ་ངོ་ལྔ་ཚན་བཅུ་བཞི་པའི་འཆར་གཞི”ཡི་མཇུག་བསྡུའི་ལོ་ཡིན། “ལོ་ངོ་ལྔ་ཚན་བཅུ་ལྔ་པའི”འཆར་གཞི་འགོ་འཛུགས་པའི་ལོ་ཡང་ཡིན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་དོན་མཛུབ་སྟོན་དུ་རྒྱུན་འཁྱོངས་བྱེད། ཏང་གི་ཚོགས་ཆེན་ཉི་ཤུ་པ་དང་། སྐབས་ཉི་ཤུ་པའི་ཚང་འཛོམས་གྲོས་ཚོགས་ཐེངས་གཉིས་པ། ཐེངས་གསུམ་པ། ཀྲུང་དབྱང་དཔལ་འབྱོར་ལས་ཀའི་ཚོགས་འདུའི་དགོངས་དོན་ཕྱོགས་ཡོངས་ནས་ལག་བསྟར་བྱེད།སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་དགོངས་དོན་གཙོ་བོ་གཏིང་ཟབ་ལག་བསྟར་བྱེད། བསྒྱུར་བཅོས་ཟབ་སྤེལ་སྔ་བས་ཟབ་ཏུ་གཏོང་། ཆུ་ཚད་མཐོ་བའི་ཕྱི་ཕྱོགས་ལ་སྒོ་ཆེར་འབྱེད། དཔལ་འབྱོར་རིགས་བསྒྱུར་རིམ་སྤར་ཡག་པོ་སྒྲུབ་པ།དཔལ་འབྱོར་རྒྱུན་མཐུན་འཕར་བ་དང་ལེགས་གྱུར་ལ་སྐུལ་འདེད་གཏོང་། མི་དམངས་ཀྱི་འཚོ་བའི་ཆུ་ཚད་རྒྱུན་མཐུད་མཐོ་རུ་གཏོང་།སྤྱི་ཚོགས་འཆམ་མཐུན་བརྟན་བརླིང་ལ་རྒྱུན་འཁྱོངས་བྱེད་དགོས། སྤུས་ཚད་མཐོ་བའི་“ལོ་ངོ་ལྔ་ཚན་བཅུ་བཞི་པའི”འཆར་གཞིའི་དམིགས་འབེན་ལས་འགན་ལེགས་སྒྲུབ་བྱེད། “ལོ་ངོ་ལྔ་ཚན་བཅུ་ལྔ་པའི”འཆར་གཞི་འགོ་ཡག་པོ་འཛུགས་པར་རྨང་གཞི་བརྟན་པོ་བཏིང་དགོས་ཞེས་བསྟན།

ཚང་འཛོམས་གྲོས་ཚོགས་ཐོག་ཡིད་ཆེས་བརྟན་པོ་དང་ངེས་ཤུགས་རྒྱུན་འཁྱོངས། གོ་སྐབས་དམ་འཛིན་བྱས་ནས་སྤུས་ཚད་མཐོ་བའི་མཆོང་སྐྱོད་ལུགས་ཀྱི་འཕེལ་རྒྱས་ལམ་བུ་ཞིག་གསར་གཏོད་བྱེད་དགོས། “དཔལ་འབྱོར་ཆེན་པོ་གསུམ”རྒྱུན་མཐུད་འཕེལ་རྒྱས་གཏོང་དགོས། ཡུན་ནན་ཡུལ་སྐོར་དེ་ལྟ་སྐོར་ཡུལ་སྐོར་ནས་གཏིང་ཟབ་ཡུལ་སྐོར་དུ་རིམ་སྤར་ལ་སྐུལ་འདེད་གཏོང་དགོས། ས་མཐོའི་ཁྱད་ལྡན་ཞིང་ལས་སྟོབས་ཆེར་གཏོང་དགོས། དཔལ་འབྱོར་སྤྱི་ཚོགས་ཀྱི་འཕེལ་རྒྱས་མངོན་མེད་ནུས་ཤུགས་འདོན་དགོས། ཚོང་རའི་དཔལ་འབྱོར་གྱི་གསོན་ཤུགས་ཆེར་གཏོང་དགོས། མི་དམངས་ལྟེ་བར་འཛིན་པ་རྒྱུན་འཁྱོངས་བྱེད་དགོས། འཕེལ་རྒྱས་དང་བདེ་འཇགས་གཅིག་འགྱུར་བྱེད་དགོས་པའི་ནན་བཤད་གནང་།

    ཚང་འཛོམས་གྲོས་ཚོགས་ཐོག་ཏང་གི་འགོ་ཁྲིད་ནི་ལས་ཀ་ཁག་ཡག་པོ་སྒྲུབ་པའི་འགན་ལེན་རྩ་བ་ཡིན་པས་ཏང་གི་ཕྱོགས་ཡོངས་འགོ་ཁྲིད་ངེས་པར་དུ་རྒྱུན་འཁྱོངས་དང་ཤུགས་ཆེར་གཏོང་དགོས། ཏང་གི་ཆབ་སྲིད་འཛུགས་སྐྲུན་གཅིག་འགྱུར་དུ་རྒྱུན་འཁྱོངས་བྱེད་པ་དང་ཡང་དག་པའི་མི་སྤྱོད་པའི་སྟོན་ཕྱོགས་ཀྱིས་ལས་སྒྲུབ་ལས་བརྩོན་གྱི་སྟོན་ཕྱོགས་སྣེ་ཁྲིད་བྱེད་དགོས། ཏང་གི་སྒྲིག་ཁྲིམས་སློབ་སྦྱོང་སློབ་གསོ་རྒྱུན་རྣམ་ཅན་ཡུན་རིང་ཅན་ལ་སྐུལ་འདེད་གཏོང་བ་དང་རྒྱ་ཆེའི་ལས་བྱེད་པ་དེ་བས་མང་པའི་དུས་ཚོད་དང་སེམས་ཤུགས་དོན་དངོས་སྒྲུབ་པ།ལག་བསྟར་བྱེད་པ། མི་དམངས་ལ་ཞབས་འདེགས་ཞུ་བར་སྤྱོད་པར་འཇུག་དགོས། རང་འགུལ་གྱི་བསམ་བློ་གཏོང་བ། ནན་ཏན་གྱིས་ལས་ཀ་སྒྲུབ་པ། ཕན་ནུས་ལ་ལྟ་བ་བཅས་བྱས་པས་ལས་ཀའི་རྣམ་པ་གསར་པ་བཏོད་དགོས་པའི་ནན་བཤད་གནང་།

    ཚང་འཛོམས་གྲོས་ཚོགས་ཐོག་“ལོ་ངོ་ལྔ་ཚན་བཅུ་ལྔ་པའི”འཆར་གཞི་ཡག་པོ་བཀོད་སྒྲིག་བྱེད་པ། དམངས་འཚོ་འགན་སྲུང་དང་བདེ་འཇགས་བརྟན་བརླིང་ལས་ཀ་ཁག་དམ་འཛིན་བྱེད། སྤྱི་ཚོགས་ཡོངས་འཆམ་མཐུན་བརྟན་བརླིང་དང་མི་རིགས་ཁག་གི་མང་ཚོགས་ཀྱིས་ལོ་གསར་སྐྱིད་པོ་གཏོང་རྒྱུར་འགན་སྲུང་བྱེད་དགོས་པའི་ནན་བཤད་གནང་།

    ཚང་འཛོམས་གྲོས་ཚོགས་ཐོག་ཞིང་ཡོངས་གོང་འོག་གིས་བློ་མཐུན་ཞི་ཅིན་ཕིང་སྲོག་ཤིང་དུ་གནང་བའི་ཏང་ཀྲུང་དབྱང་གི་མཐའ་འཁོར་དུ་དེ་བས་མཐུན་སྒྲིལ་དམ་ཟབ་བྱེད་པ། མངག་བཅོལ་བརྟན་ངེས།རྒྱུན་མཐུན་འབད་བརྩོན། དམ་འཛིན་དངོས་སྒྲུབ་བཅས་བྱས་ནས་ཀྲུང་གོའི་ལུགས་ཀྱི་དེང་རབས་ཅན་གྱི་ཡུན་ནན་ལག་བསྟར་འབད་བརྩོན་ངང་སྐུལ་འདེད་གཏོང་བ་དང་། ཏན་ཏན་ཏིག་ཏིག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་བཀོད་པའི་འཆར་གཞི་དེ་བདེ་སྐྱིད་ཡུལ་དངོས་སུ་འགྱུར་དགོས་པའི་འབོད་སྐུལ་བྱེད།