ཝང་ཉིང་གིས་བདེ་ཆེན་དུ་བརྟག་ཞིབ་གནང་།

    ཟླ་12པའི་ཚེས་26ཉིན་ནས་ཚེས་27ཉིན། ཞིང་ཨུའི་ཧྲུའུ་ཅི་ཝང་ཉིང་གིས་བདེ་ཆེན་བོད་རིགས་རང་སྐྱོང་ཁུལ་དུ་བརྟག་ཞིབ་གནང་སྐབས་ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་ཡུན་ནན་དུ་རྟོག་ཞིབ་གནང་སྐབས་ཀྱི་གལ་ཆེའི་གསུང་བཤད་དགོངས་དོན་ལག་བསྟར་གཏིང་ཟབ་བྱེད་པ་དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་བདུན་པ་ལག་བསྟར་བྱེད་པ། ཕྱོགས་ཡོངས་ནས་ཏང་ནན་སྐྱོང་ལ་སྐུལ་འདེད་གཏིང་ཟབ་བྱེད་ནས་བདེ་ཆེན་དེ་བས་ལེགས་པར་འཕེལ་རྒྱས་དང་དེ་བས་མཛེས་པར་འཛུགས་སྐྲུན་བྱེད་དགོས་པའི་ནན་བཤད་གནང་།

    ཝང་ཉིང་སེམས་ཀྱི་ཉི་ཟླ་གྲོང་ཁྱེར་རྒྱལ་ཐང་གྲོང་རྡལ་རྒྱ་ལམ་སྡེ་ཁུལ་དུ་ཕེབས་ནས་ཏང་གི་འགོ་ཁྲིད་གཞི་རིམ་དུ་ཡོད་པ་དང་ཞབས་འདེགས་འགན་སྲུང་གཞི་རིམ་དུ་ཡོད་པ་སོགས་“ཁག་དྲུག་གཞི་རིམ་དུ་ཡོད་པའི”གཞི་རིམ་གྱི་བདག་སྐྱོང་རྣམ་པའི་མཚམས་སྦྱོར་ཉན་པ།གཞི་རིམ་ཏང་རྩ་འཛུགས་ཀྱི་ཆབ་སྲིད་ནུས་པ་དང་རྩ་འཛུགས་ནུས་པ་འདོན་སྤེལ་བྱེད་པ། ལས་རིགས་མཐུན་ཚོགས་གཞི་རིམ་བདག་སྐྱོང་དུ་ཞུགས་པ་གསར་གཏོད་བྱེད། གཏན་ཁེལ་མེད་པའི་མི་གྲངས་ཀྱི་ཞབས་འདེགས་དོ་དམ་ཡག་པོ་བྱེད། དྲ་མིག་ཅན་དམ་པོར་འཛིན་པ་ལ་བརྟེན་ནས་གཞི་རིམ་བདག་སྐྱོང་གི་ནུས་ཤུགས་མཐོ་རུ་གཏོང་བ་དང་འཆམ་མཐུན་བརྟན་བརླིང་གི་རྨང་གཞི་བརྟན་པོར་འཛུགས་དགོས་པའི་ནན་བཤད་གནང་། ཝང་ཉིང་ད་དུང་ཚ་ཤུགས་ཀུང་སིའི་དྲོད་འདོན་ས་ཚིགས་སུ་ཕེབས་ནས་དྲོད་འདོན་རྣམ་གྲངས་ཀྱི་འཛུགས་སྐྲུན་བདག་གཉེར་དང་སྡོད་དམངས་ཀྱི་བེད་སྤྱོད་གནས་ཚུལ་ལ་ཞིབ་འཇུག་བྱས་ནས་ཕྱོགས་ཡོངས་ནས་ནུས་ཁུངས་གྲོན་ཆུང་། ལག་རྩལ་བསྒྱུར་བཅོས། མ་གཅོག་ནུས་སྤར་ཁྱབ་སྤེལ་བྱས་ཏེ་གཅིག་བསྡུད་དྲོད་འདོན་གྱིས་དེ་བས་མང་བའའི་མང་ཚོགས་ལ་ཕན་ནུས་སྤྲོད་དགོས་པའི་བླང་བྱ་བཏོན།

    བརྟག་ཞིབ་བཞུགས་མོལ་ཚོགས་འདུའི་ཐོག་ཝང་ཉིང་གིས་བདེ་ཆེན་ཁུལ་གྱི་ལས་ཀའི་སྙན་སེང་གསན་པ། ཁོང་གིས་ཏང་གི་རང་ངོས་གསར་རྗེས་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ། ཏང་གི་ཆབ་སྲིད་འཛུགས་སྐྲུན་ཐོག་མར་བཞག་པ། ཆི་ཅན་ཞིན་སོགས་ཁྲིམས་འགལ་སྒྲིག་འགལ་གྱོན་གཞིའི་བསླབ་བྱ་བསྡུ་ལེན་གཏིང་ཟབ་བྱེད།ཏང་གི་སྒྲིག་ཁྲིམས་སློབ་སྦྱོང་སློབ་གསོའི་གྲུབ་འབྲས་བརྟན་དུ་འཛུགས་དགོས། རིམ་ཁག་ཏང་རྩ་འཛུགས་ཀྱིས་ཏང་ལ་དོ་དམ་དང་ཏང་སྐྱོང་གི་བྱེད་པོའི་འགན་འཁྲི་ལག་བསྟར་བྱེད་པ།སྲོལ་བཟང་སྤྱོད་བཟང་གི་ཆབ་སྲིད་ཀྱི་སྣང་ཚུལ་དང་ལས་སྒྲུབ་ལས་གཏོད་ཀྱི་ཁོར་ཡུག་ལེགས་པོ་ཞིག་འཛུགས་སྐྲུན་བྱེད་དགོས་དགོས་པའི་ནན་བཤད་གནང་།

    ཝང་ཉིང་གིས་ཕྱོགས་ཡོངས་ནས་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་བྱེད།ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་གཙོ་བོར་རྒྱུན་འཁྱོངས་བྱེད། མི་རིགས་མཐུན་སྒྲིལ་ཡར་མཐུན་གསར་འཛུགས་ལ་ཟབ་སྤེལ་བྱེད། སྤྱི་ཚོགས་འཆམ་མཐུན་བརྟན་བརླིང་སྲུང་སྐྱོང་བྱེད། དབུལ་སྒྲོལ་འགག་སྒྲོལ་གྱི་གྲུབ་འབྲས་བརྟན་ཞིང་རྒྱ་ཆེར་སྐྱེད་པ། ས་མཐོའི་ཁྱད་ལྡན་ཞིང་ལས་ལེགས་སུ་གཏོང་། རིག་གནས་ཡུལ་སྐོར་སྟོབས་ཆེར་གཏོང་། སྔོ་ལྗང་ནུས་ཁུངས་ཆེར་གཏོང་། དམངས་འཚོའི་དོན་ཆེན་ཡག་པོ་སྒྲུབ་དགོས། རིམ་ཁག་འགོ་ཁྲིད་ལས་བྱེད་པས་ཡང་དག་པའི་བྱས་བརྗེ་ལྟ་བ་འཛུགས་པ། བརྟན་བརླིང་། འཕེལ་རྒྱས། སྐྱེ་ཁམས། མཐའ་མཚམས་བརྟན་པོའི་ལས་འགན་ཁག་ལག་བསྟར་བྱེད་ནས་མི་རིགས་ཁག་གི་མང་ཚོགས་ཀྱི་འཚོ་བ་དེ་བས་བདེ་སྐྱིད་ཡོང་བར་བྱེད་དགོས་པའི་ནན་བཤད་གནང་དགོས།

    ཝང་ཉིང་གིས་ཞིང་ཨུ་དང་ཞིང་ཆེན་སྲིད་གཞུང་གི་ཚབ་བྱས་ནས་བདེ་ཆེན་ས་མཐོར་ཡུན་རིང་འབད་བརྩོན་བྱས་པའི་མི་རིགས་ཁག་གི་ལས་བྱེད་པ་དང་མང་ཚོགས། རོགས་སྐྱོར་ལས་བྱེད་པ་ལ་ལོ་གསར་གྱི་རྟེན་འབྲེལ་ཞུས། ཁོང་གིས་ལོ་གསར་དང་དཔྱིད་གསར་དུས་ཆེན་བར་གྱི་དམངས་འཚོའི་འགན་སྲུང་བདེ་འཇགས་ཐོན་སྐྱེད་སོགས་ལས་ཀ་གཅིག་འགྱུར་གྱིས་འཆར་འགོད་བྱེད། དཀའ་ངལ་མང་ཚོགས་ལ་རོགས་སྐྱོར་བྱེད། མི་དམངས་མང་ཚོགས་ཀྱིས་དགའ་སྤྲོ་བདེ་སྐྱིད་འཆམ་མཐུན་བཅས་ལྡན་གྱི་དུས་ཆེན་ཞིག་གཏོང་རྒྱུར་ཁག་ཐེག་བྱེད་དགོས་པའི་ནན་བཤད་གནང་།

    ཆིའུ་ཅང་།ལིའུ་ཧྥེན།ཝང་ཀྲེང་དབྱིང་བརྟག་ཞིབ་ཏུ་ཞུགས།