འཇོལ་གླེགས་བམ་དུ་བསྐྱོད་ནས་ངོ་མཚར་བའི་གངས་རི་ལ་ལྟད་མོ་བལྟ།

   ནམ་ཟླ་དགུན་དུ་ཐོན་པ་ན། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་འཇོལ་རྫོང་མངའ་ཁོངས་ནང་གི་གླེགས་བམ་ནི་དེ་བས་ཀྱང་ལྐོག་གྱུར་གྱི་གྲོང་ཚོ་ཞིག་ཏུ་གྱུར་ཡོད།   ལྷིང་འཇགས་ཀྱི་གྲོང་ཚོ་ནི་གངས་རི་དང་ནགས་རི།  རྫ་རིའི་ཚོགས་ཀྱིས་ཡོངས་སུ་བསྐོར་ཡོད་ཅིང་།  བསང་དུད་སྔོན་མོ་དལ་གྱིས་ཨ་སྔོན་དབྱིངས་སུ་འཕྱོ།      གངས་ཆབ་སྔོན་མོ་ལྷང་ལྷུང་འབབ་པའི་སྐད་སྙན་ནི་ཕྱོགས་དུ་མ་ནས་མཆེད་ཅིང་།    སྡེ་འདབས་ནས་གཞོན་ནུ་མ་ཞིག་གིས་སྙན་པའི་གཞས་ཆུང་གྱེར་བ་རྣ་བའི་གསོས་སུ་སྨིན།   དགུན་དུས་ཀྱི་གླེགས་བམ་སྔར་ལས་མཛེས་སྡུག་ལྡན།   སྐུ་ཉིད་གངས་རིའི་མུ་ཁྱུད་ལ་ལྟད་མོར་ཕེབས་པར་དགའ་བསུ་ཞུ།