ཁུལ་ཨུ་ཡིས་ཆེད་དོན་ཚོགས་འདུ་འཚོགས་ནས་2025ལོའི་དཔལ་འབྱོར་ལས་དོན་ཞིབ་འཇུག་བྱས།

རྩོམ་པ་པོ།     ཡིག་བསྒྱུར།       དུས་ཚོད།   2025-01-03   རྩོམ་ཁུངས།   

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་1པོའི་ཚེས་2ཉིན།  ཁུལ་ཨུ་ཡིས་ཆེད་དོན་ཚོགས་འདུ་འཚོགས་ནས་2025ལོའི་དཔལ་འབྱོར་ལས་དོན་ཞིབ་འཇུག་བྱས།ཚོགས་འདུའི་ཐོག་ཁུལ་ཡོངས་གོང་འོག་གིས་ཀྲུང་དབྱང་དང་ཞིང་ཨུའི་དཔལ་འབྱོར་ལས་དོན་ཚོགས་འདུའི་དགོངས་དོན་དོན་འཁྱོལ་ལག་བསྟར་གཏིང་ཟབ་བྱས་ནས་ལོ་ཡོངས་ཀྱི་དཔལ་འབྱོལ་ལས་དོན་འགོ་ཡག་པོ་རྩོམ་རྒྱུར་སྐུལ་འདེད་གཏོང་དགོས་པའི་ནན་བཤད་གནང་།

    ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་ཞིང་གསུང་བཤད་གནང་།

    ཚོགས་འདུའི་ཐོག་2025ལོ་ནི་“ལོ་ལྔ་ཚན་བཅུ་བཞི་པའི”འཆར་གཞི་མཇུག་བསྡུའི་ལོ་ཞིག་ཡིན། “ལོ་ལྔ་ཚན་བཅོ་ལྔ་པའི”འཆར་གཞི་འགོ་རྩོམ་པའི་ལོ་ཞིག་ཀྱང་ཡིན། དཔལ་འབྱོར་ལས་དོན་ཡག་པོ་སྒྲུབ་པའི་དོན་སྙིང་གལ་ཆེན་ལྡན། རིམ་ཁག་སྡེ་ཚན་སོ་སོས་མིག་སྔའི་དཔལ་འབྱོར་གནས་བབ་གསལ་འབྱེད་བྱེད་པ་དང་། འགན་འཁྲི་འཁུར་སེམས་དང་དུས་གཏུག་གི་བསམ་པ་ཤུགས་ཆེར་གཏོང་ནས་2024ལོའི་ལས་དོན་ཁག་ལེགས་སྒྲུབ་ངང་མཇུག་བསྡུ་ལ་ཁག་ཐེག་བྱེད་པ་དང་2025ལོའི་དམིགས་འབེན་ལྟར་གསོག་འབོར་བརྟན་པོར་གཏོང་།འཕར་ཚད་རྒྱ་ཆེར་སྐྱེད་དེ་དཔལ་འབྱོར་སྤུས་ཚད་མཐོ་བའི་འཕེལ་རྒྱས་མངོན་འགྱུར་བྱུང་རྒྱུར་འབད་བརྩོན་བྱེད་དགོས་ཞེས་བསྟན།

    ཚོགས་འདུའི་ཐོག་ཁུལ་ཡོངས་གོང་འོག་གིས་ཀྲུང་དབྱང་དང་ཞིང་ཨུའི་དཔལ་འབྱོར་ལས་དོན་ཚོགས་འདུའི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱེད་པ་ཇི་མ་ཇི་བཞིན་གྱིས་ཏང་ཀྲུང་དབྱང་གིས་ཐབས་ཇུས་བཀོད་སྒྲིག་དང་ཞིང་ཨུའི་ལས་དོན་བླང་བྱ་བདེ་ཆེན་དུ་དོན་འཁྱོལ་བྱེད་རྒྱུ་ལ་སྐུལ་འདེད་གཏོང་དགོས།གོང་ལ་སྙན་སེང་བྱེད་ཤུགས་ཆེ་རུ་གཏོང་ནས་རྣམ་གྲངས་དེ་བས་མང་བ་ཀྲུང་དབྱང་དང་ཞིང་རིམ་གྱི་འཆར་གཞིར་ཚུད་ཐུབ་པར་བརྩོན་ལེན་ཧུར་ཐག་བྱེད་དགོས། དམིགས་ཚད་ཁྲིད་ཕྱོགས་རྒྱུན་འཁྱོངས་བྱེད་ནས་2025ལོར་འགོ་བརྟན་པོ་ཚུགས་རྒྱུ་མངོན་འགྱུར་བྱེད་དགོས། ཐོན་ལས་དམ་འཛིན་བྱེད་ཤུགས་ཆེ་རུ་གཏོང་ནས་ཐོན་ཁུངས་ལེགས་ཆ་དེ་འཕེལ་རྒྱས་ལེགས་ཆར་བསྒྱུར་དགོས། རྣམ་གྲངས་ཀྱི་དུས་སྔོན་ལས་དོན་ཡག་པོ་སྒྲུབ་ནས་རྣམ་གྲངས་དེ་བས་མང་བ་དོན་འཁྱོལ་བྱེད་པར་སྐུལ་འདེད་གཏོང་དགོས། རྣམ་པ་གསར་བའི་གྲོང་རྡལ་ཅན་གྱི་འཛུགས་སྐྲུན་ལ་སྐུལ་འདེད་གཏོང་ནས་གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་ལ་སྐུལ་འདེད་མགྱོགས་པོ་གཏོང་དགོས། བདེ་འཇགས་མཐའ་ཚད་བརྟན་སྲུང་བྱེད་ནས་བདེ་འཇགས་དོན་རྐྱེན་ནན་འགོག་བྱེད་དགོས་པའི་ནན་བཤད་གནང་།

    ཚོགས་འདུའི་ཐོག་ཁུལ་རིམ་འབྲེལ་ཡོད་སྡེ་ཚན་གྱི་ལས་ཀའི་གནས་ཚུལ་སྙན་སེང་གསན་པ།

    ཁུལ་འགོ་ཁྲིད་ཁྲིན་ཆོན། དབྱང་ཞུའེ་ཝུན་ཚོགས་འདུར་ཞུགས།


分享到：QQ空间新浪微博腾讯微博人人网微信