བདེ་ཆེན་གྱི་གླུ་གར་འཁྲབ་སྟོན་ཨ་མདོ་བརྙན་འཕྲིན་གྱི་ལེ་ཚན་ནང་ཞུགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2025-01-03   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

   ཉེ་སྔོན། 2025ལོའི་ཨ་མདོ་བརྙན་འཕྲིན་ཁང་གི་ཤིང་སྦྲུལ་ལོའི་ལོ་གསར་གྱི་རིག་རྩལ་སྤྲོ་ཚོགས་ཆེན་མོ་ཟི་ལང་གྲོང་ཁྱེར་ཨ་མདོ་བརྙན་འཕྲིན་ཁང་ནས་བརྙན་ཕབ་བྱས་ཤིང་། བོད་འབྲེལ་ས་ཁུལ་དག་ནས་ཐོན་པའི་གླུ་བ་གླུ་མ་དང་འཁྲབ་སྟོན་པ་སོ་སོས་ས་གནས་ཀྱི་ཁྱད་ཆོས་ལྡན་པའི་གླུ་གར་གྱི་སྟོན་མོ་མང་བོ་འཁྱེར་ནས་སྟེགས་འདིར་འཛོམས་ཡོད་པ་རེད། ད་ལོ་ཡང་བདེ་ཆེན་གླུ་གར་འཁྲབ་སྟོན་ཨ་མདོ་བརྙན་འཕྲིན་ཁང་གི་ལོ་གསར་དགོང་ཚོགས་ཀྱི་བརྙན་ཕབ་ཚོ་ཆུང་ནང་ཞུགས་པ་རེད།

    རྒྱུས་ལོན་བྱུང་བ་ལྟར་ན་ཐེངས་འདིའི་མདོ་བརྙན་འཕྲིན་ཁང་གི་ལོ་གསར་གྱི་རིག་རྩལ་དགོངས་ཚོགས་ནང་བདེ་ཆེན་གྱི་འཇོལ་གཞས་གཅིག་དང་དམ་པ་ཀླུ་སྒྲུབ་ཀྱི་ཁེར་ལེན་གཅིག  དབྱངས་ཅན་ལྷ་མོ་དང་སམ་བྷོ་ཊྲ་ཚན་སྡེབ་ཀྱི་མཉམ་ལེན་བཅས་འཁྲབ་ཚན་གསུམ་ཞུགས། བསྡོམས་པས་ཡུན་ནན་གྱི་མི་སྣ་42ཞུགས་ཡོད་དེ། བདེ་ཆེན་ས་གནས་དང་ཡུལ་ཕྱོགས་ཀྱི་ཁྱད་ཆོས་མངོན་པར་ཐོན་པའི་རིག་རྩལ་འཁྲབ་སྟོན་གྱིས་ལྟ་མཁན་རྣམ་པའི་མིག་དབང་འཕྲོག་ཅིང་དགའ་བསུ་གྲངས་མེད་ཐོབ་པ་རེད།

    བདེ་ཆེན་གྱི་གླུ་གར་འཁྲབ་སྟོན་ཨ་མདོ་བརྙན་འཕྲིན་ཁང་གི་ལོ་གསར་དགོང་ཚོགས་ནང་ཞུགས་པས་བདེ་ཆེན་གྱི་རིག་གནས་ཞིང་ཆེན་བརྒལ་པའི་དྲིལ་བསྒྲགས་ཀྱི་ནུས་པ་ཞིག་ཐོན་ཡོད་ལ། བསམ་བློ་རྗེ་རེས་དང་ཕན་ཚུན་སྤེལ་རེས་ཀྱི་ཐད་ལ་ཡང་ནུས་པ་ཆེན་པོ་ཐོན་པ་རེད།






分享到：QQ空间新浪微博腾讯微博人人网微信