རང་ཁུལ་གྱིས་ཡུས་ཧྲང་ཧོ་མེན་ཚོགས་ཁག་དང་བཞུགས་མོལ་གནང་།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཡུས་ཧྲང་ཧོ་མེན་ཚོགས་ཁག་གི་གསར་གཏོད་འབྱེད་མཁན།  ཏུང་ཧྲི་ཀྲང་ཆིའུ་ཝེ་དང་བཅས་པར་བཞུགས་མོལ་གནང་། ཕྱོགས་གཉིས་ཀྱིས་རང་ཁུལ་གྱི་རིག་གནས་ཡུལ་སྐོར་འཁྲབ་སྟོན་རྣམ་གྲངས་མཉམ་ལས་ལས་དོན་སྐུལ་འདེད་གཏོང་རྒྱུའི་སྐོར་སྤེལ་རེས་གནང་།

    ཚོགས་འདུའི་ཐོག་ད་དུང་རྣམ་གྲངས་སྐུལ་འདེད་གཏོང་བའི་གནས་ཚུལ་གྱི་སྙན་སེང་ཉན་པ།

    ལུའོ་ཁྲའོ་ཧྥེང་གིས་རང་ཁུལ་གྱིས་ན་ནིང་ཚུན་དུ་ཡུས་ཧྲན་ཧོ་མེན་ཚོགས་ཁག་དང་མཉམ་ལས་བྱས་ནས་ཕྱོགས་གཉིས་ཀྱིས་དུས་འགོའི་མཉམ་ལས་ལས་དོན་བདེ་བླག་ངང་སྒྲུབ་པ། རྗེས་སུ་རྣམ་གྲངས་ཀྱི་ས་གནས་ལེགས་སུ་འདེམས་དགོས། མཉམ་ལས་རྣམ་པ་ཡང་བསྐྱར་ཞིབ་འཇུག་བྱེད་དགོས། རྣམ་གྲངས་དེ་བས་མགྱོགས་སུ་སྐུལ་འདེད་གཏོང་དགོས། ཕྱོགས་གཉིས་ཀྱིས་ལས་དོན་ཆེད་སྒྲུབ་ཚོགས་ཆུང་གིས་སྤེལ་རེས་འབྲེལ་བ་རྒྱུན་མཐུད་ངང་བྱེད་ནས་རྣམ་གྲངས་བདེ་བླག་ངང་སྐུལ་འདེད་གཏོང་རྒྱུར་ཁག་ཐེག་བྱེད་དགོས་ཞེས་བསྟན།

    ཆིའུ་ཝེ་ཡིས་བདེ་ཆེན་གྱི་ཡུལ་སྐོར་ཐོར་ཁུངས་ཕུན་སུམ་ཚོགས་པ། ཡུལ་སྐོར་སྣེ་ལེན་མི་ཐེངས་མུ་མཐུད་སྤར་བ། རིག་གནས་ཡུལ་སྐོར་འཁྲབ་སྟོན་གྱི་འཛད་སྤྱོད་ཁྲོམ་རར་མི་མངོན་པའི་སྟོབས་ཤུགས་ཆེ་བ་འབྱུང་འགྱུར་གྱི་གནས་ཚུལ་ལེགས་པ། ཁེ་ལས་ཀྱིས་བདེ་ཆེན་གྱི་རིག་གནས་ནང་དོན་སྔོག་འདོན་བྱས་ནས་འབྲེལ་ཡོད་རིག་གནས་ཡུལ་སྐོར་ཐོན་རྫས་གསར་གཏོད་བྱེད་པ། བདེ་ཆེན་གྱི་རིམ་ཁག་སྡེ་ཚན་དང་འབྲེལ་བ་བྱེད་ཤུགས་ཆེ་རུ་གཏོང་ནས་ཐུན་མོང་ཐོག་རྣམ་གྲངས་སྐུལ་འདེད་གཏོང་བའི་ཁྲོད་ཀྱི་གནད་དོན་ཐག་གཅོད་པ་དང་རྣམ་གྲངས་འཕེལ་རྒྱས་ལ་སྐུལ་འདེད་མགྱོགས་སུ་གཏོང་དགོས་ཞེས་བསྟན།

    ཁུལ་འགོ་ཁྲིད་དབྱང་ཙི་ཅང་།ཁྲིན་ཆོན། ལིན་ཧའོ། ཁུལ་ཐད་གཏོགས་འབྲེལ་ཡོད་སྡེ་ཁག  སེམས་ཀྱི་ཉི་ཟླ་གྲོང་ཁྱེར་སྲིད་གཞུང་། འབྲེལ་ཡོད་ཁེ་ལས་ཀྱི་འགན་འཁུར་བ་བཞུགས་མོལ་དུ་ཞུགས།