ཁུལ་མི་དམངས་སྲིད་གཞུང་གིས་རྒྱུན་དོན་ཚོགས་འདུ་ཐེངས་65པ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2025-01-04   རྩོམ་ཁུངས།   

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ1པོའི་ཚེས་3ཉིན། ཁུལ་དཔོན་ཀྲང་ཝེ་ཏུང་གིས་ཁུལ་མི་དམངས་སྲིད་གཞུང་གིས་རྒྱུན་དོན་ཚོགས་འདུ་ཐེངས་65པ་གཙོ་སྐྱོང་གནང་ཞིང་འཚོགས་པ།

    ཚོགས་འདུའི་ཐོག་ཀྲུང་དབྱང་དང་ཞིང་ཨུའི་དཔལ་འབྱོར་ལས་དོན་ཚོགས་འདུའི་དགོངས་དོན་བརྒྱུད་བསྒྲགས་སློབ་སྦྱོང་བྱེད་སྐབས་རིམ་ཁག་སྡེ་ཚན་སོ་སོས་ཀྲུང་དབྱང་དང་ཞིང་ཨུའི་མིག་སྔའི་དཔལ་འབྱོར་གནས་བབ་ཐད་ཀྱི་དབྱེ་འབྱེད་ཡང་དག་གིས་ངོས་འཛིན་བྱེད་པ་དང་རྣམ་གྲངས་འཆར་བཀོད་སྐུལ་འདེད་དང་ཐོན་ལས་གསོ་སྐྱོང་བྱེད་ཤུགས་ཆེ་རུ་གཏོང་ནས་ལས་ཀའི་ལས་འགན་གྱི་དོན་འཁྱོལ་བྱེད་ཚད་དང་ལེགས་སྒྲུབ་བྱེད་ཚད་མུ་མཐུད་མཐོ་རུ་གཏོང་དགོས་པའི་ནན་བཤད་གནང་།

    ཚོགས་འདུའི་ཐོག་ཞིང་ཨུའི་ཧྲུའུ་ཅི་ཝང་ཉིང་གིས་བདེ་ཆེན་དུ་ཞིབ་དཔྱད་གནང་སྐབས་ཀྱི་མཛུབ་སྟོན་དགོངས་དོན་བརྒྱུད་བསྒྲགས་སློབ་སྦྱོང་གནང་སྐབས་རིམ་ཁག་སྡེ་ཚན་སོ་སོས་བསམ་བློ་ངོས་འཛིན་མཐོ་རུ་གཏོང་ནས་ལས་དོན་ཁག་སྐས་རིམ་གསར་པར་སླེབས་ཐུབ་པར་སྐུལ་འདེད་གཏོང་དགོས། ཡང་དག་གི་བྱས་རྗེས་ལྟ་བ་འཛུགས་པ་དང་ཕྱོགས་ཡོངས་ནས་ཏང་འཛིན་ཏང་སྐྱོང་གི་བྱེད་པོའི་ལས་འགན་དོན་འཁྱོལ་བྱེད་དགོས། ཇི་མ་ཇི་བཞིན་དུ་ཞིང་ཨུའི་ཧྲུའུ་ཅི་ཝང་ཉིང་གི་དྲོད་འདོན་རྣམ་གྲངས་དང་ཡུལ་སྐོར་འཕེལ་རྒྱས་སོགས་གནད་ཆེའི་ལས་ཀའི་ཐད་ཀྱི་བླང་བྱ་ལག་བསྟར་བྱེད། ཁུལ་སྲིད་གཞུང་གི་ལས་བགོས་འགོ་ཁྲིད་ཀྱིས་ཞིབ་འཇུག་གཏིང་ཟབ་དང་དུས་ཐོག་བཀོད་སྒྲིག  དུས་ལྟར་བཀོད་གཏོང་བྱེད་ནས་དོན་ཐོག་འཁྱོལ་བ་དང་གྲུབ་འབྲས་ཐོབ་པར་ཁག་ཐེག་བྱེད་དགོས་པའི་ནན་བཤད་གནང་།

    ཚོགས་འདུའི་ཐོག་ཞིང་ཡོངས་དམངས་སྲིད་ཚོགས་འདུའི་དགོངས་དོན་བརྒྱུད་བསྒྲགས་སློབ་སྦྱོང་བྱེད་སྐབས་རིམ་ཁག་སྡེ་ཚན་སོ་སོ་ལྷག་པར་ཁུལ་ཡོངས་དམངས་སྲིད་མ་ལག་གིས་ཚོགས་འདུའི་དགོངས་དོན་གཏིང་ཟབ་ཏུ་རྒྱུས་ལོན་བྱེད། ལོ་ཡོངས་ཀྱི་ལས་ཀ་གཏིང་ཟབ་ཏུ་ཞིབ་འཇུག་བྱེད། ཀུན་ཕན་རང་བཞིན་དང་རྨང་གཞིའི་རང་བཞིན། ཐ་སྐྱོང་རང་བཞིན་བཅས་ཀྱི་དམངས་འཚོ་འཛུགས་སྐྱོང་ཤུགས་ཆེ་རུ་གཏོང་ནས་ཁུལ་ཡོངས་དམངས་སྲིད་ལས་ཀ་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་པའི་ནན་བཤད་གནང་།

    ཚོགས་འདུའི་ཐོག་ད་དུང་ལས་དོན་གཞན་ཞིབ་འཇུག་གནང་།

    ཁུལ་འགོ་ཁྲིད་དབྱང་ཞུའེ་ཝེ། ཧུའུ་ཧྥེན་ཞུང་། ཡུས་ཀུའེ་ཧྥེན། ཞུས་ཀོང་ཏེ། ལིན་ཧའོ། པའོ་ཡུས་ཏུང་། ཧོང་ལུང་ཤིན། ཀྲོང་ཞའོ་ཕིང་ཚོགས་འདུར་ཞུགས།

 


分享到：QQ空间新浪微博腾讯微博人人网微信