ཁུལ་ཨུའི་རིགས་གཞུང་སློབ་སྦྱོང་ལྟེ་བའི་ཚོ་ཆུང་གིས་2025ལོའི་གཅིག་སྡུད་སློབ་སྦྱོང་ཐེངས་དང་པོ་སྤེལ་བ།
རྩོམ་པ་པོ། ཡིག་བསྒྱུར། དུས་ཚོད། 2025-01-08 རྩོམ་ཁུངས།
སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་1པོའི་ཚེས་6ཉིན། ཁུལ་ཨུའི་རིགས་གཞུང་སློབ་སྦྱོང་ལྟེ་བའི་ཚོ་ཆུང་གིས་2025ལོའི་གཅིག་སྡུད་སློབ་སྦྱོང་ཐེངས་དང་པོ་སྤེལ་བ། ཏང་གི་འཛུགས་སྐྲུན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་དགོངས་དོན་དང་ཏང་གི་རང་ངོས་གསར་རྗེས་སྐོར་གྱི་གལ་ཆེའི་དགོངས་དོན། ཕྱོགས་ཡོངས་ནས་ཏང་གི་སྒྲིག་ཁྲིམས་འཛུགས་སྐྲུན་སྐོར་གྱི་གལ་ཆེའི་རྣམ་བཤད་བཅས་གཏིང་ཟབ་ཏུ་སློབ་སྦྱོང་རྒྱུས་ལོན་བྱེད་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཀྲུང་དབྱང་ཆབ་སྲིད་ཅུས་ཀྱི་2024ལོ་འཁོར་གྱི་དམངས་གཙོ་འཚོ་བའི་ཚོགས་འདུ་ཐོག་གི་གལ་ཆེའི་གསུང་བཤད་དགོངས་དོན་སློབ་སྦྱོང་ནན་པོ་བྱེད་དགོས། ཏང་གི་སྒྲིག་ཁྲིམས་སློབ་སྦྱོང་སློབ་གསོའི་གྲུབ་འབྲས་བརྟན་པོ་དང་གཏིང་ཟབ་ཏུ་གཏོང་བ་དང་ཏང་གི་སྒྲིག་ཁྲིམས་འཛུགས་སྐྲུན་ལ་ནན་པོའི་སྐུལ་འདེད་གཏོང་ནས་དམངས་གཙོའི་འཚོ་བའི་ཚོགས་འདུའི་ལེགས་སུ་འཛུགས་རྒྱུར་བསམ་པའི་རྨང་གཞི་བརྟན་པོ་འདིང་དགོས་པའི་ནན་བཤད་གནང་།
ཀྲང་ཝེ་ཏུང་། ཕེང་ཧྲན། ལི་ཡན་ལན། ཡུས་ཧྲེང་ཞང་། མིའོ་ཡིའུ་ཧྥ་སློབ་སྦྱོང་དུ་ཞུགས།
ཚོགས་འདུའི་ཐོག་ཏང་གི་སྒྲིག་ཁྲིམས་འཛུགས་སྐྲུན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་རྣམ་བཤད་དང་ཀྲུང་དབྱང་ཆབ་སྲིད་ཅུས་དམངས་གཙོའི་འཚོ་བའི་ཚོགས་འདུ་ཐོག་གི་གལ་ཆེའི་གསུང་བཤད་དགོངས་དོན་གཏིང་ཟབ་ཏུ་སློབ་སྦྱོང་རྒྱུས་ལོན་བྱེད་པ། རང་རྟོགས་ཀྱིས་ཏང་གི་སྒྲིག་ཁྲིམས་འཛུགས་སྐྲུན་གྱི་ཆབ་སྲིད་འགན་འཁྲི་འཁུར་བ་དང་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་གྲུབ་འབྲས་སྲ་བརྟན་དང་གཏིང་ཟབ་ཏུ་གཏོང་དགོས་པའི་ནན་བཤད་གནང་བ།
ཚོགས་འདུའི་ཐོག་ཁུལ་ཡོངས་རིམ་ཁག་འགོ་ཁྲིད་ལས་བྱེད་པས་ཤུགས་ཡོངས་ནས་བདེ་ཆེན་ཆབ་སྲིད་ཀྱི་སྣང་ཚུལ་ལེགས་སུ་གཏོང་བར་སྐུལ་འདེད་གཏོང་དགོས། འགན་ཁྲིད་གཉིས་དམ་འཛིན་བྱེད་ནས་ཚུན་མིན་སྤྱོད་ཚུལ་དང་རུལ་སུངས་རྣམ་པ་དང་འཐབ་རྩོད་བྱེད་དགོས། ཏང་གི་སྒྲིག་ཁྲིམས་སློབ་གསོའི་གྲུབ་འབྲས་སྲ་བརྟན་དང་གཏིང་ཟབ་ཏུ་གཏོང་ནས་ཏང་ཡོན་ལས་བྱེད་པའི་ཏང་གཤིས་སློབ་གསོ་དང་སྒྲིག་ཁྲིམས་སློབ་གསོ། ཁྱིམ་སྲོལ་སློབ་གསོ་མུ་མཐུད་དུ་གཏིང་ཟབ་གཏོང་དགོས། ཉེན་བརྡའི་སློབ་གསོའི་དམིགས་སའི་རང་བཞིན་དང་དངོས་ཕན་རང་བཞིན་མཐོ་རུ་གཏོང་ནས་ཏང་གི་སྒྲིག་ཁྲིམས་སློབ་གསོའི་རྒྱུན་རྣམ་ཅན་དང་ཕན་ཡུན་རིང་བར་སྐུལ་འདེད་གཏོང་དགོས། འགོ་ཁྲིད་ལས་བྱེད་པས་རྩ་དོན་བརྩི་སྲུང་དང་སྒྲིག་ཁྲིམས་སྲུང་བའི་མིག་དཔེ་བྱེད་དགོས། ཁྱིམ་གྱི་སློབ་གསོ་དང་ཁྱིམ་སྲོལ་སློབ་སྦྱོང་བྱེད་ཤུགས་ཆེ་རུ་གཏོང་དགོས་པའི་ནན་བཤད་གནང་།
ཚོགས་འདུའི་ཐོག་རིགས་གཞུང་སློབ་སྦྱོང་མུ་མཐུད་གཏིང་ཟབ་བླང་བྱ་ལྟར་དམངས་གཙོ་འཚོ་བའི་ཚོགས་འདུ་མ་འཚོགས་གོང་གི་འབྲེལ་ཡོད་གྲ་སྒྲིག་ལས་ཀ་དང་སྐྱོན་བརྗོད་དང་རང་སྐྱོན་རང་བརྗོད་ཡག་པོ་བྱེད་ནས་སྤུས་ཚད་མཐོ་བ། ཕན་ནུས་ཆེ་བ། རྣམ་པ་གསར་བའི་2024ལོ་འཁོར་གྱི་དམངས་གཙོ་འཚོ་བའི་ཚོགས་འདུ་འཚོགས་པར་ཁག་ཐེག་བྱེད་དགོས་པའི་བླང་བྱ་བཏོན།
ཚོགས་འདུའི་ཐོག་ལིའོ་ཝེ་ཚའེ། ཁྲིན་ཆོན། དབྱང་ཞུའེ་ཝུན། ཧུའུ་ཧྥེན་ཞུང་གིས་ལས་གནས་ཀྱི་ལས་ཀའི་དོན་དངོས་ལ་གཞིགས་ནས་སྤེལ་རེས་གཏམ་བཤད་གནང་། ཀྲུའུ་ཧུང་དང་ལི་དབྱང་གིས་ཡིག་ཐོག་སྤེལ་རེས་གནང་།
ཁུལ་ཨུའི་རིགས་གཞུང་སློབ་སྦྱོང་ལྟེ་བའི་ཁོངས་མི་སློབ་སྦྱོང་དུ་ཞུགས།
