​ཀྲང་ཝེ་ཏུང་རྒྱལ་ཁབ་འབྲེལ་ཡོད་སྡེ་ཚན་དུ་སོང་ནས་ལས་ཀ་སྙན་སེང་ཞུས།

སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཉེ་བའི་ལོ་འགའི་རིང་། ཁུལ་ཨུའི་ཧྲུའུ་ཅི། ཁུལ་དཔོན་ཀྲང་ཝེ་ཏུང་རྒྱལ་ཁབ་གནས་སྤོས་དོ་དམ་ཅུས། ཀྲུང་གོའི་དམངས་སྤྱོད་མཁའ་འགྲུལ་དུ་སོང་ནས་བདེ་ཆེན་སེམས་ཀྱི་ཉི་ཟླ་གནམ་ཐང་དམངས་སྤྱོད་མཁའ་འགྲུལ་འགག་སྒོ་འཛུགས་སྐྲུན་དང་གནས་སྐབས་གསར་གཏོད་སོགས་ལས་ཀ་སྙན་སེང་འབྲེལ་མཐུད་བྱས་ནས་རྒྱལ་ཁབ་སྡེ་ཁག་གིས་རོགས་སྐྱོར་སྤྲད་པར་བརྩོན་ལེན་བྱས།

 རྒྱལ་ཁབ་གནས་སྤོ་དོ་དམ་ཅུས་མཐའ་སྲུང་ཞིབ་བཤེར་དོ་དམ་སིའི་སི་ཀྲང་གཞོན་པ་མུའོ་ཧའེ་དབྱིང་།ཀྲུང་གོ་དམངས་སྤྱོད་མཁའ་འགྲུལ་སྐྱེལ་འདྲེན་སིའི་སི་ཀྲང་གཞོན་པ་ཧྲང་ཁོ་ཅ་སོ་སོས་རང་ཁུལ་གྱི་གནས་ཚུལ་སྙན་སེང་ཉན་པ།

ཚོགས་འདུའི་ཐོག་ཀྲང་ཝེ་ཏུང་གིས་རྒྱལ་ཁབ་གནས་སྤོ་དོ་དམ་ཅུས་དང་ཀྲུང་གོའི་དམངས་སྤྱོད་མཁའ་འགྲུལ་གིས་བདེ་ཆེན་ལ་གནང་བའི་སེམས་ཁུར་དང་རོགས་སྐྱོར་ལ་ཐུགས་རྗེ་ཆེ་ཞུས་བ་མ་ཟད།ད་དུང་བདེ་ཆེན་གྱི་དོན་དངོས་ལ་དམིགས་ནས་ཕྱོགས་ཡོངས་ནས་བདེ་ཆེན་སེམས་ཀྱི་ཉི་ཟླ་གནམ་ཐང་གི་དམངས་སྤྱོད་མཁའ་འགྲུལ་འགག་སྒོ་འཛུགས་སྐྲུན་དང་གནས་སྐབས་གསར་གཏོད་ལས་ཀའི་སྐུལ་འདེད་གནས་ཚུལ། འགག་སྒོ་གསར་གཏོད་བྱེད་ནས་བདེ་ཆེན་གྱི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་བྱུང་བའི་གལ་ཆེའི་དོན་སྙིང་སྙན་སེང་ཞུས། དུས་མཚམས་སུ་བདེ་ཆེན་ལ་སེམས་ཁུར་དང་རོགས་སྐྱོར་སྤྲོད་པ་དང་ལྷག་པར་དུ་སེམས་ཀྱི་ཉི་ཟླ་གནམ་ཐང་འགག་སྒོའི་གནས་སྐབས་གསར་གཏོད་ཐད་བདེ་ཆེན་ལ་གནད་ཆེའི་རོགས་སྐྱོར་སྤྲོད་པའི་རེ་བ་བཏོན།

སྙན་སེང་ཉན་རྗེས།རྒྱལ་ཁབ་གནས་སྤོ་ཅུས་དང་ཀྲུང་གོ་དམངས་སྤྱོད་མཁའ་འགྲུལ་ཅུས་ཀྱི་འབྲེལ་ཡོད་འགོ་ཁྲིད་ཀྱིས་བདེ་ཆེན་གྱི་འབྲེལ་ཡོད་ལས་ཀར་ཐོབ་པའི་གྲུབ་འབྲས་ལ་ཁས་བླངས་པ་མ་ཟད། ད་དུང་རང་ཁུལ་གྱི་དམངས་སྤྱོད་མཁའ་འགྲུལ་འགག་སྒོའི་འཛུགས་སྐྲུན་དང་གནས་སྐབས་གསར་གཏོད་ལས་ཀར་མཛུབ་སྟོན་གནང་བ། བདེ་ཆེན་གྱིས་མུ་མཐུད་དམངས་སྤྱོད་མཁའ་འགྲུལ་འགག་སྒོའི་གནས་སྐབས་གསར་གཏོད་ཀྱི་དུས་འགོའི་གྲ་སྒྲིག་ལས་ཀ་ཡག་པོ་སྒྲུབ་ནས་གནས་སྐབས་གསར་གཏོད་ཆོག་མཆན་ཐོབ་མ་ཐག་ལྷུ་ཚིགས་ཁག་འཁོར་སྤྱོད་བདེ་བར་ཁག་ཐེག་བྱེད་དགོས་པའི་བླང་བྱ་བཏོན། སྟོབས་ཤུགས་གང་ཡོད་ཀྱིས་བདེ་ཆེན་སེམས་ཀྱི་ཉི་ཟླ་གནམ་ཐང་དམངས་སྤྱོད་མཁའ་འགྲུལ་འགོག་སྒོའི་གནས་སྐབས་གསར་གཏོད་ལས་ཀར་རོགས་སྐྱོར་བྱེད་རྒྱུ་ཞེས་བསྟན།