2024ལོར་རྡོ་མཁར་རྫོང་གི་ཡུལ་སྐོར་བའི་སྣེ་ལེན་བྱེད་ཚད་མི་ཐེངས་ཁྲི་1185ཟིན་པ་དེ་དུས་མཚུངས་ལས་52.43%འཕར་བ།

རྩོམ་པ་པོ།     ཡིག་བསྒྱུར།       དུས་ཚོད།   2025-01-10   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    རྡོ་མཁར་རྫོང་ནི་ས་དམ་ནས་སེམས་ཀྱི་ཉི་ཟླའི་ལྕགས་ལམ་གྱི་སེམས་ཀྱི་ཉི་ཟླའི་ས་ཚིགས་དང་ཆེས་ཐག་ཉེ་བའི་4Aརིམ་པའི་ཡུལ་སྐོར་མཛེས་ལྗོངས་ཁུལ་ཡིན་པས། གནས་འདི་ནི་ཡུལ་སྐོར་བ་རྣམས་ཀྱིས་སེམས་ཀྱི་ཉི་ཟླར་ཡུལ་སྐོར་བྱེད་སའི་གནས་ཡུལ་དང་པོར་གྱུར་འདུགཉེ་སྔོན།གསར་འགོད་པས་སེམས་ཀྱི་ཉི་ཟླ་གྲོང་ཁྱེར་རྡོ་མཁར་རྫོང་དོ་དམ་ཚད་ཡོད་ཀུང་སི་ནས་རྒྱུས་ལོན་བྱུང་བ་ལྟར་ན།2024ལོའི་ལོ་ཧྲིལ་བོར་རྡོ་མཁར་རྫོང་ལྗོངས་ཁུལ་དུ་ཡུལ་སྐོར་བའི་སྣེ་ལེན་བྱེད་ཚད་མི་ཐེངས་ཁྲི་1185ཟིན་པ་དེ་དུས་མཚུངས་ལས་52.43%འཕར་བས། འབྲུག་ལོའི་ཡུལ་སྐོར་སྤྲོ་འཆམ་གྱི་ཚ་རླབས་མངོན་འགྱུར་བྱུང་ཡོད།  

    རྡོ་མཁར་རྫོང་ནི་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་གྲོང་ཁྱེར་དུ་ཆགས་པའི་ལོ་རྒྱུས་རིག་གནས་གྲགས་ཅན་གྱི་གྲོང་ཁྱེར་ཞིག་ཡིན་པ་མ་ཟད། ཡུན་བོད་ཇ་རྟ་གནའ་ལམ་གྱི་ལྟེ་གནས་དང་ཡུན་ཁྲོན་བོད་ཀྱི་དངོས་ཟོག་བརྒྱུད་སྤྲོད་དང་།    རིག་གནས།    དཔལ་འབྱོར་སྤེལ་རེས་ལྟེ་གནས་ཡིན་པས།    ལོ་རྒྱུས་ཀྱི་རྒྱུན་རིང་བ་དང་རིག་གནས་ཀྱི་རྨང་གཞི་གཏིང་ཟབ་ལྡན་ཡོད།  

    ཡུལ་སྐོར་བ་རྣམས་ཀྱི་དགོས་མཁོ་དེ་བས་ལེགས་པའི་སྒོ་ནས་སྐོང་ཐུབ་པ་དང་ཡུལ་སྐོར་ཞབས་ཞུའི་སྤུས་ཚད་མཐོ་རུ་གཏོང་ཆེད།     ཉེ་བའི་ལོ་ཤས་རིང་།    རྡོ་མཁར་རྫོང་གིས་མ་དངུལ་གཏོང་ཤུགས་རྒྱུན་ཆད་མེད་པར་ཆེ་རུ་བཏང་ནས་ཡུལ་སྐོར་གྱི་རྨང་གཞིའི་སྒྲིག་བཀོད་འཐུས་ཚང་དུ་བཏང་བ་རེད།     རྡོ་མཁར་རྫོང་གི་འགྲོ་ལམ་ཉམས་གསོ་དང་རྒྱ་བསྐྱེད་པས་འགྲིམ་འགྲུལ་དེ་བས་སྟབས་བདེ་རུ་སོང་ཡོད།  སྤྱི་པའི་ངལ་གསོའི་ས་ཁོངས་དང་ཡུལ་སྐོར་མཚོན་རྟགས།    ཡུལ་སྐོར་བ་ཞབས་ཞུའི་ལྟེ་གནས་སོགས་མང་པོ་གསར་དུ་བསྣན་ནས་ཡུལ་སྐོར་བ་རྣམས་ལ་བློ་འདྲི་དང་།    སྣེ་ཤན་སྐོར།    ངལ་གསོ་སོགས་གཅིག་གྱུར་གྱི་ཞབས་ཞུ་མཁོ་འདོན་བྱས་ཡོད།    དུས་མཚུངས་སུ། ད་དུང་ཡུལ་སྐོར་ལས་གཉེར་མི་སྣར་གསོ་སྦྱོང་བྱེད་ཤུགས་ཆེ་རུ་བཏང་ནས་ཞབས་ཞུའི་ཆུ་ཚད་དང་ཆེད་ལས་བྱང་ཚད་མཐོ་རུ་བཏང་ཡོད།     ཡུལ་སྐོར་བ་ཚོས་རྡོ་མཁར་རྫོང་དུ་མཛེས་སྡུག་ལྡན་པའི་ཡུལ་ལྗོངས་ལ་རོལ་མྱོང་ཐུབ་པ་མ་ཟད།    ད་དུང་སྤུས་ལེགས་ཀྱི་ཡུལ་སྐོར་ཞབས་ཞུ་ལོངས་སྤྱོད་བྱེད་ཐུབ།    ཡུལ་སྐོར་བའི་གྲངས་འབོར་རྒྱུན་ཆད་མེད་པར་མང་དུ་ཕྱིན་པ་དང་བསྟུན་ནས་རྡོ་མཁར་རྫོང་གི་ཡུལ་སྐོར་ལས་རིགས་ཀྱང་དབྱར་མཚོ་རྒྱས་པ་ལྟར་འཕེལ་རྒྱས་འགྲོ་བའི་རྣམ་པ་མངོན་ཡོད།   ས་གནས་དེ་གའི་ཡུལ་མི་དེ་བས་མང་བ་ཡུལ་སྐོར་ཞབས་ཞུའི་ནང་ཞུགས་ནས་ཁྱད་ཆོས་ལྡན་པའི་སྡོད་ཁང་དང་།    ཟ་ཁང་།    བཟོ་རྩལ་ཐོན་རྫས་ཚོང་ཁང་བཅས་བཙུགས་ནས་ཡུལ་སྐོར་བ་ཚོར་གདམ་ག་དེ་བས་མང་བ་མཁོ་འདོན་བྱས་ཡོད།     ཡུལ་སྐོར་ལས་རིགས་འཕེལ་རྒྱས་ཕྱིན་པ་དེས་ས་གནས་དེ་གའི་དཔལ་འབྱོར་འཕར་རྒྱུར་སྐུལ་ཁྲིད་བྱས་པ་མ་ཟད། སྲོལ་རྒྱུན་རིག་གནས་རྒྱུན་འཛིན་དང་སྲུང་སྐྱོང་བྱ་རྒྱུར་རྒྱབ་སྐྱོར་ནུས་ལྡན་ཀྱང་བྱས་ཡོད།     


分享到：QQ空间新浪微博腾讯微博人人网微信