ཁུལ་མི་དམངས་སྲིད་གཞུང་གི་ཏང་ཙུའུ་འགོ་ཁྲིད་ཚན་ཁག་གི་2024ལོ་འཁོར་གྱི་དམངས་གཙོ་འཚོ་བའི་ཚོགས་འདུ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2025-01-15   རྩོམ་ཁུངས།   

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཏང་ཀྲུང་དབྱང་དང་ཞིང་ཨུ་ཁུལ་ཨུའི་གཅིག་གྱུར་བཀོད་སྒྲིག་བླང་བྱ་ལྟར། ཟླ་1པོའི་ཚེས་14ཉིན། ཁུལ་མི་དམངས་སྲིད་གཞུང་ཏང་ཙུའུ་འགོ་ཁྲིད་ཚན་ཁག་གི་2024ལོ་འཁོར་གྱི་དམངས་གཙོ་འཚོ་བའི་ཚོགས་འདུ་འཚོགས་པ།

    ཁུལ་སྲིད་གཞུང་གི་ཏང་ཙུའུ་ཧྲུའུ་ཅི།ཁུལ་དཔོན་ཀྲང་ཝེ་ཏུང་གིས་ཚོགས་འདུ་གཙོ་སྐྱོང་དང་གསུང་བཤད་གནང་།

    ཚོགས་འདུ་མ་འཚོགས་གོང་ཁུལ་སྲིད་གཞུང་གིས་ཏང་ཙུའུ་ཁོངས་མིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་གསུང་བཤད་དགོངས་དོན་དང་འབྲེལ་ཡོད་ཡིག་ཆ་སློབ་སྦྱོང་གཏིང་ཟབ་བྱས།དུས་ཐོག་ཏུ་ཇུས་གཞི་ཞིབ་འཇུག་གཏན་འབེབས་བྱས། རྒྱ་ཁྱབ་ཏུ་བསམ་འཆར་གྲོས་གཞི་བསྡུ་ལེན་བྱས། རིགས་གཞུང་སློབ་སྦྱོང་གཏིང་ཟབ་བྱས། ནན་ཏན་གྱིས་སྙིང་གཏམ་ཤོད་རེས་བྱས། དབྱེ་ཞིབ་གཏིང་ཟབ་བྱས། ལྟ་བསྡུར་ཞིབ་བཤེར་དཔྱད་ཡིག་ཞིབ་ཏུ་འབྲི་ནས་དམངས་གཙོའི་འཚོ་བའི་ཚོགས་འདུ་འཚོགས་རྒྱུར་རྨང་གཞི་བརྟན་པོ་ཡོད། ཚོགས་འདུའི་ཐོག་ཡིག་ཐོག་ནས་2023ལོར་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་གཙོ་དོན་སློབ་གསོའི་ཆེད་དོན་དམངས་གཙོའི་འཚོ་བའི་ཚོགས་འདུ་དང་སྐོར་ཞིབ་དག་བཅོས་ཆབ་སྲིད་ཀྱི་སྣང་ཚུལ་འཛུགས་སྐྲུན་གྱི་ཆེད་དོན་དམངས་གཙོ་འཚོ་བའི་ཚོགས་འདུ་དག་བཅོས་དོན་ལག་བསྟར་གནས་ཚུལ་བརྡ་ཁྱབ་བཏང་བ། ཀྲང་ཝེ་ཏུང་གིས་ཚན་ཁག་གི་ཚབ་བྱས་ནས་ལྟ་བསྡུར་ཞིབ་བཤེར་དང་རང་སྐྱོན་རང་བརྗོད་སྣེ་ཁྲིད་གནང་བ། ཏང་ཙུའུ་ཚན་ཁག་གི་ཁོངས་མི་གཞན་དག་སོ་སོས་ལྟ་བསྡུར་ཞིབ་བཤེར་བྱས་པ་དང་ནན་ཏན་གྱིས་ཕན་ཚུན་སྐྱོན་བརྗོད་བྱས།

    ཀྲུང་ཝེ་ཏུང་གིས་ཐེངས་འདིའི་ལོ་འཁོར་གྱི་དམངས་གཙོ་འཚོ་བའི་ཚོགས་འདུས་གཙོ་དོན་དམ་འཛིན་བྱས་པ་དང་ཏང་ཙུའུ་ཚན་ཁག་གི་ཁོངས་མིས་བསམ་བློ་སྤེལ་རེས།གནད་དོན་དབྱེ་ཞིབ། དག་བཅོས་ཀྱི་ཕྱོགས་གཏན་འབེབས་བྱས་ནས་བསམ་བློ་གཅིག་འགྱུར། མཐུན་སྒྲིལ་དམ་ཟབ། ཕན་ཚུལ་ལྟ་སྐུལ། ལས་ཀ་ཤུགས་ཆེ་རུ་གཏོང་དགོས་སྐུལ་འདེད་གཏོང་ཡོད་ཅེས་བསྟན།

    ཀྲང་ཝེ་ཏུང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་དོན་གྱིས་བློ་སྒྲིལ་སེམས་སྐྱེད་ལ་རྒྱུན་འཁྱོངས་བྱེད་དགོས།སྲིད་གཞུང་ཏང་ཙུའུ་ཚན་ཁག་གི་རང་ངོས་འཛུགས་སྐྲུན་ཤུགས་ཆེར་གཏོང་དགོས། ཀྲུང་དབྱང་གི་གཏན་འབེབས་ཁག་བརྒྱད་དང་ལག་བསྟར་སྲོལ་ཡིག་དེའི་དགོངས་དོན་ནན་ཏན་གྱིས་དོན་འཁྱོལ་བྱེད་དགོས། ཕྱོགས་ཡོངས་ནས་ཏང་ནན་སྐྱོང་གི་ཆབ་སྲིད་ལས་འགན་ནན་པོའི་འཁུར་དགོས། རང་དཔེ་གཞན་སྟོན་གྱིས་སྤྱོད་ཚུལ་གསར་བརྗེ་དང་ནུས་ཕྱོད་གསར་བརྗེ་མུ་མཐུད་ཟབ་སྤེལ་བྱེད་དགོས་པའི་ནན་བཤད་གནང་།


分享到：QQ空间新浪微博腾讯微博人人网微信