ཤྭ་ཁ་རི་བོའི་གངས་རྩེད་སྤྲོ་གླིང་དངོས་སུ་སྒོ་འབྱེད་པ།

        ཟླ1པོའི་ཚེས་15ཉིན། ཤྭ་ཁ་རི་བོའི་གངས་རྩེད་སྤྲོ་གླིང་དངོས་སུ་སྒོ་འབྱེད་པ། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་། ཁུལ་ཨུའི་ཧྲུའུ་ཅི་གཞོན་པ་ཀྲང་ཝེ་ཏུང་། ཁུལ་ཨུའི་ཧྲུའུ་ཅི་གཞོན་པ་ཕེང་ཧྲན། ཁུལ་མི་དམངས་འཐུས་ཚོགས་རྒྱུན་ལས་ཨུ་ལྷན་ཏང་ཙུའུ་ཡི་ཧྲུུའུ་ཅི་ལི་ཡན་ལན། ཁུལ་སྲིད་གྲོས་ཀྲུའུ་ཞི་མུའོ་ཡིའུ་ཧྥ་བཅས་ཀྱིས་གངས་རྩེད་སྤྲོ་གླིང་གི་སྒོ་བྱང་གི་ཁེབས་རེས་ཕྱེ་བ།

        ཤེས་གསལ་བྱུང་དོན། ད་ལོ་ནས་བཟུང་རང་ཁུལ་གྱིས་“3331”རིག་གནས་ཡུལ་སྐོར་ཐོན་ལས་འཕེལ་རྒྱས་ཀྱི་བསམ་འཆར་གཏན་འབེབས་བྱས། ཁུལ་ཡོངས་ལྗོངས་ཁུལ་གཙོ་བོས་རང་ངོས་ཀྱི་ལེགས་ཆ་དང་ཁྱད་ཆོས་དང་བསྟུན་ནས་དགུན་དུས་ཡུལ་སྐོར་རྣམ་གྲངས་ཁག་ཅིག་གསར་གཏོད་བྱས་ནས་ཡུལ་སྐོར་བས་གངས་ལྟ་བ། གངས་རྩེད་པར་འཇོག་པ་དང་དེ་བས་ལེགས་པས་རང་ཁུལ་གྱི་གངས་འཁྱགས་ཐོན་ཁུངས་ལེགས་ཆ་དེ་དཔལ་འབྱོར་འཕེལ་རྒྱས་ལེགས་ཆར་བསྒྱུར་བ།

        ད་ལོ་ནས་བཟུང་ཤྭ་ཁ་རི་བོ་ལྗོངས་ཁུལ་གྱིས་གངས་རྩེད་སྤྲོ་གླིང་གསར་གཏོད་བྱས་ནས་བདེ་ཆེན་གྱི་དགུན་དུས་ཡུལ་སྐོར་གྱི་གསོན་ཤུགས་ཆེ་རུ་གཏོང་བ། གངས་རྩེད་སྤྲོ་གླིང་སྒོ་འབྱེད་ནས་གངས་རིར་ལྟ་བ་དང་གངས་རི་རྩེད་པ་ཞེས་པའི་གཙོ་དོན་གཏིང་ཟབ་ཏུ་སྤེལ་བ་མ་ཟད། ད་དུང་རང་ཁུལ་དགུན་དུས་ཡུལ་སྐོར་ཐོན་རྫས་མ་ལག་འཐུས་ཚང་གཏོང་བ་དང་ཡུལ་སྐོར་འཕྲོག་ཤུགས་མཐོ་རུ་གཏོང་བའི་བྱ་ཐབས་རྩ་བ་ཞིག་ཡིན་པ་དང་ས་ཁོངས་ཡུལ་སྐོར་མཉམ་ལས་ལ་སྐུལ་འདེད་གཏོང་བ་དང་བདེ་ཆེན་ཁུལ་ཡུལ་སྐོར་ཐོན་ལས་ཤུགས་ཆེ་རུ་གཏོང་བར་གལ་ཆེའི་དོན་སྙིང་ལྡན།

        ཤྭ་ཁ་རི་བོ་ལྗོངས་ཁུལ་གྱི་གངས་རྩེད་རྣམ་གྲངས་ཐད་རོལ་རྩེད་དང་ལུས་རྩལ་བྱེད་སྒོ་སྣ་མང་མྱོང་རོལ་བྱེད་ཐུབ། བྱེད་སྒོའི་དུས་ཡུན་2025ལོའི་ཟླ་1པོའི་ཚེས་15ཉིན་ནས་ཟླ་4པའི་བར་ཡིན། ཡུལ་སྐོར་བས་ལྗོངས་ཁུལ་གྱི་ལྟ་སྐོར་རླངས་འཁོར་དུ་སྡོད་ནས་གངས་རྩེད་སྤྲོ་གླིང་དུ་སླེབས་ཆོག་པ་རེད།

        ཁུལ་ཨུ། ཁུལ་མི་དམངས་འཐུས་ཚོགས། ཁུལ་སྲིད་གཞུང་། ཁུལ་སྲིད་གྲོས་བཅས་ཀྱི་འབྲེལ་ཡོད་འགོ་ཁྲིད། རང་ཁུལ་གྱི་གཞུང་ཁོངས་ཁེ་ལས་ཀྱི་འཐུས་མི་འགའ། ཏྰ་ལི། ས་དམ། སེམས་ཀྱི་ཉི་ཟླ་ཡུལ་སྐོར་ལས་དོན་ཁང་གི་འཐུས་མི་དང་སྡེ་ཁུལ་གྱི་མང་ཚོགས་འགའ་ཉིན་དེའི་བྱེད་སྒོར་ཞུགས