​ལུའོ་ཁྲའོ་ཧྥེང་གིས་ཁུན་མིང་དུ་སྡོད་པའི་ལས་བྲལ་ལས་འཁྱུར་ལས་བྱེད་རྒན་པར་འཚམས་འདྲི་ཞུས།

རྩོམ་པ་པོ།     ཡིག་བསྒྱུར།       དུས་ཚོད།   2025-01-17   རྩོམ་ཁུངས།   

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་1པོའི་ཚེས་16ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཁུན་མིང་དུ་ཕེབས་ནས་རང་ཁུལ་གྱི་ཁུལ་མིང་དུ་སྡོད་པའི་ལས་བྲལ་ལས་འཁྱུར་ལས་བྱེད་པ་རྒན་པ་ལི་ཡུས་ཧྥང་། ཆུས་ཡུན་ཧྥུ། དབྱང་ཀུང་ཡན་བཅས་ལ་འཚམས་འདྲི་ཞུས་ནས་ཁོ་ཚོས་བདེ་ཆེན་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་གནང་བའི་ལེགས་སྐྱེས་ལ་ཐུགས་རྗེ་ཆེ་ཞུས་བ་མ་ཟད། ཁོ་ཚོར་ཁམས་བདེ་འདྲི་བ་དང་ལོ་གསར་གྱི་རྟེན་འབྲེལ་ཞུས།

    ལས་བྱེད་པ་རྒན་པའི་ཁྱིམ་དུ་སླེབས་ནས་ལུའོ་ཁྲའོ་ཧྥེང་གིས་བློ་མཐུན་རྒན་པ་དང་བྱམས་བརྩེའི་ངང་ནས་གླེང་མོལ་གནང་བ། ཁོ་ཚོའི་ལུས་ཁམས་དང་འཚོ་བའི་གནས་ཚུལ་འདྲི་བ།  ཁོ་ཚོའི་ཁུལ་ཨུ་དང་ཁུལ་སྲིད་གཞུང་གི་ལས་ཀ་དང་ཁུལ་ཡོངས་དཔལ་འབྱོར་སྤྱི་ཚོགས་འཕེལ་རྒྱས་ཐད་ཀྱི་བསམ་འཆར་གྲོས་གཞི་གསན་པ།ལུའོ་ཁྲའོ་ཧྥེང་གིས་འདས་པའི་ལོ་གཅིག་རིང་ཁུལ་ཡོངས་ཀྱི་ལས་ཀ་ཁག་གོམ་སྟབས་གསར་པ་སྤོས་བ་དང་གྲུབ་འབྲས་གསར་པ་ཐོབ་པ། དེའི་ནང་ལས་བྱེད་པ་རྒན་པའི་སེམས་ཤུགས་དང་བློ་རིག་ཡོད་པ། ལྷག་བསམ་རྣམ་དག་ནས་འགོ་ཁྲིད་རྒན་པ་བློ་མཐུན་རྒན་པ་རྣམ་གྱིས་ལུས་ཁམས་བདེ་ཐང་ཡོང་བ། སྔ་མ་ནང་བཞིན་ཁུལ་ཨུ་དང་ཁུལ་སྲིད་གཞུང་གི་ལས་ཀར་སེམས་ཁུར་དང་རོགས་སྐྱོར་གནང་ནས་སྤྱི་ཚོགས་རིང་ལུགས་དེང་རབས་ཅན་གྱི་བདེ་ཆེན་གསར་པ་འཛུགས་སྐྲུན་ཐད་བསམ་འཆར་འདོན་པའི་རེ་བ་བཏོན།

    ལས་བྱེད་པ་རྒན་པ་རྣམས་ཀྱིས་ཁུལ་ཨུ་དང་ཁུལ་སྲིད་གཞུང་གིས་གནང་བའི་འཚམས་འདྲི་ལ་ཐུགས་རྗེ་ཆེ་ཞུས།ཁུལ་ཨུ་དང་ཁུལ་སྲིད་གཞུང་གིས་ཁུལ་ཡོངས་མི་རིགས་ཁག་གི་ལས་བྱེད་པ་མང་ཚོགས་མཐུན་སྒྲིལ་ཐོག་སྣེ་ཁྲིད་བྱས་ནས་ཡིད་ཆེས་བརྟན་པོ་དང་ངེས་ཤུགས་རྒྱུན་འཁྱོངས་ངང་བདེ་ཆེན་སྤུས་ཚད་མཐོ་བའི་འཕེལ་རྒྱས་ཀྱི་རྣམ་པ་གསར་པ་མུ་མཐུད་དུ་གསར་གཏོད་བྱེད་པའི་རེ་བ་བཏོན།

    ཁུལ་འགོ་ཁྲིད་ཁྲིན་ཆོན་འཚམས་འདྲི་རུ་ཕེབས་རོགས་གནང་།


分享到：QQ空间新浪微博腾讯微博人人网微信