​བདེ་ཆེན་ཁུལ་གྱིས་ཁུན་མིང་གྲོང་ཁྱེར་དང་ས་ཁོངས་བརྒལ་བའི་ཐོན་ལས་ཤུགས་ཆེ་རུ་གཏོང་བའི་མཉམ་ལས་སྒྲོམ་གཞིའི་གྲོས་མཐུན་འཇོག་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་1པོའི་ཚེས་16ཉིན། བདེ་ཆེན་ཁུལ་གྱིས་ཁུན་མིང་གྲོང་ཁྱེར་དང་ས་ཁོངས་བརྒལ་བའི་ཐོན་ལས་ཤུགས་ཆེ་རུ་གཏོང་བའི་མཉམ་ལས་སྒྲོམ་གཞི་གྲོས་མཐུན་འཇོག་པ། ཞིང་ཨུའི་རྒྱུན་ཨུ། ཁུན་མིང་གྲོང་ཨུའི་ཧྲུའུ་ཅི་ལིའུ་ཧུང་ཅན། བདེ་ཆེན་ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་། ཁུལ་ཨུའི་ཧྲུའུ་ཅི་གཞོན་པ་ཀྲང་ཝེ་ཏུང་དེར་ཞུགས་པ་དང་ཐུན་མོང་ཐོག་གན་འཇོག་ལ་བདེན་དཔང་གནང་།

    ཁུལ་མིང་དང་བདེ་ཆེན་ཁུལ་གྱིས་1996ལོར་མཛའ་མཐུན་ཁུལ་གྲོང་བཙུགས་པ་ནས་བཟུང་།སྤེལ་རེས་འགྲོ་འོང་རྒྱུན་མཐུད་ཟབ་སྤེལ་བཏང་བ་དང་རྨང་གཞིའི་སྒྲིག་ཆས་དང་ཐོན་ལས་འཕེལ་རྒྱས།དམངས་འཚོ་ལེགས་གཏོང་ཐད་རྣམ་པ་སྣ་མང་གི་འབྲེལ་གཏུག་མཉམ་ལས་བྱས་ནས་གྲུབ་འབྲས་ཕུན་སུམ་ཚོགས་པོ་ཐོབ་པ། གྲོས་མཐུན་ལྟར་ཕྱོགས་གཉིས་ཀྱིས་ཏང་གི་སྐབས་ཉི་ཤུ་པའི་ཚང་འཛོམས་གྲོས་ཚོགས་ཐེངས་གསུམ་པ་གཏིང་ཟབ་ཏུ་དོན་འཁྱོལ་ལག་བསྟར་བྱས། ཞིང་ཨུ་དང་ཞིང་ཆེན་སྲིད་གཞུང་གིས་བཀོད་སྒྲིག་བླང་བྱ་ལྟར་ཐོན་ལས་མཉམ་སྒྲུབ། མཉམ་ལས་གཉིས་ཕན། ཁེ་ཕན་མཉམ་སྤྱོད་ཀྱི་ས་ཁོངས་བརྒལ་བའི་མཉམ་ལས་ལམ་ལུགས་གསར་པ་བཙུགས་ནས། ཐུན་མོང་ཐོག་ཁུན་བདེ་མཛའ་མཐུན་མཉམ་ལས་ལ་སྐུལ་འདེད་གཏིང་ཟབ་གཏོང་བ་དང་ལག་གདང་སྦྲེལ་ནས་ཞིང་ཡོངས་དཔལ་འབྱོར་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་དེ་བས་ཆེ་བའི་སྟོབས་ཤུགས་འབུལ་ཡོད།

    གན་འཇོག་མཛད་སྒོའི་ཐོག་ཁུན་མིང་དཔལ་འབྱོར་གསར་སྤེལ་ཁུལ་གྱིས་ད་དུང་སོ་སོར་སེམས་ཀྱི་ཉི་ཟླ་ཐོན་ལས་གླིང་ཁུལ་དང་སེམས་ཀྱི་ཉི་ཟླ་ཧྲུན་ཡོན་སྐྱེ་དངོས་སྨན་བཟོ་ཚད་ཡོད་ཀུང་སི་དང་འབྲེལ་ཡོད་མཉམ་ལས་གྲོས་མཐུན་འཇོག་པ།

    བདེ་ཆེན་ཁུལ་ཁྲིན་ཆོན།ཧོང་ལུང་ཤིན། ཀྲའོ་ཞའོ་ཕིང་། ཁུན་མིང་གྲོང་ཁྱེར་དབྱི་ལིན་ཡུན། ལིའང་ཁུན། ཏའེ་ཧུན་མིང་། ཁྲིན་རུན་པིང་། ཀྲའོ་ཝུན་ཞུགས་པ།