ཞིང་ཆེན་སྲིད་གྲོས་ཀྱི་ཨུ་ཡོན་དམ་ཆོས་ཕུན་ཚོགས་ཀྱི་སེམས་གཏམ།

    འདས་པའི་ལོ་ཞིག་རིང་དམ་ཆོས་ཕུན་ཚོགས་ཀྱིས་ལས་འགན་ནན་ཏན་དང་ལས་ཀ་ཧུར་ཐག་ངང་བསྒྲུབས་ནས་སྲིད་གྲོས་ཨུ་ཡོན་དང་ཆོས་ལུགས་ལས་རིགས་མི་སྣའི་ཟམ་པའི་ནུས་པ་གང་ཐུབ་འདོན་སྤེལ་བྱས་ནས་རྒྱ་ཆེའི་གྲྭ་པ་དང་ཆོས་དད་མང་ཚོགས་ཀྱིས“ཚད་གཞི་བཞི”ལག་བསྟར་བྱེད་པར་སྣེ་ཁྲིད་བྱས། བོད་བརྒྱུད་ནང་བསྟན་ཆོས་ལུགས་ཀྲུང་གོ་ཅན་གྱི་སུམ་རྩེན་གླིང་གི་ལག་བསྟར་ལ་སྐུལ་འདེད་ཟབ་སྤེལ་གཏོང་བ། མི་རིགས་མཐུན་སྒྲིལ་དང་ཆོས་ལུགས་ཞི་མཐུན། སྤྱི་ཚོགས་འཆམ་མཐུན་ཐད་རང་ངོས་ཀྱི་སྟོབས་ཤུགས་འབུལ་ཡོད།

    དགོན་པར་ཞུགས་ནས་སྒྲོག་འགྲེལ་དང་གྲྭ་པའི་གསོ་སྦྱོང་སོགས་བྱེད་སྒོའི་ཡུལ་དངོས་སུ་དམ་ཆོས་ཕུན་ཚོགས་ཀྱིས་སློབ་སྦྱོང་དང་ཟིན་འགོད་ནན་ཏན་བྱས།གྲྭ་ཤག་ཏུ་ཞུགས་ནས་སྒྲོག་འགྲིལ་བྱེད་སྒོ་སྤེལ་དུས་ཁོས་ཏང་གི་མི་རིགས་ཆོས་ལུགས་སྲིད་ཇུས་ཞིབ་ཕྲ་འགྲེལ་བཤད་རྒྱག་པ། སྤྱི་ཕན་བྱེད་སྒོའི་ཁྲོད་དུ་སྔོན་ལ་ཞལ་འདེབས་འཕུལ་བ། ལོ་གཅིག་རིང་ཁོས་དགོན་པའི་གྲྭ་པ་སྣེ་ཁྲིད་དེ་ཏང་གི་ཚོགས་ཆེན་ཉི་ཤུ་པ། སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་གཏིང་ཟབ་བྱས།

ཨུ་ཡོན་གྱི་ལས་འགན་ཡག་པོ་སྒྲུབ་ཆེད། ཁོ་གཞི་རིམ་དུ་ཟབ་ཞུགས་བྱས་ནས་ཞིབ་ཕྲའི་ངང་ཕྱོགས་ཡོངས་སུ་ཞིབ་འཇུག་ལས་ཀ་རྒྱུན་འཁྱོངས་བྱས། ཕྱོགས་ཁག་གི་བསམ་འཆར་དང་གྲོས་གཞི་རྒྱ་ཆེར་ཉན་པ། དུས་ཐོག་ཏུ་ཏང་དང་སྲིད་གཞུང་གི་ཐབས་ཇུས་སྲིད་ཇུས་ཡང་དག་པའི་བརྒྱུད་བསྒྲགས་བྱས་ནས་ཆོས་དད་མང་ཚོགས་ལ་ཞབས་འདེགས་དང་སྤྱི་ཚོགས་བརྟན་བརླིང་སྲུང་སྐྱོང་ཐད་དེ་བས་ཆེ་བའི་ནུས་པ་འདོན་པར་འབད་བརྩོན་བྱས།

    ད་ཕྱིན་རྒྱལ་གཅེས་ཆོས་གཅེས་ཀྱི་སྲོལ་རྒྱུན་བཟང་པོ་འདོན་སྤེལ་བྱེད་རྒྱུ་ཡིན་ཏེ། ཕྱོགས་གཅིག་ནས་སློབ་སྦྱོང་བྱེད་ཤུགས་ཆེ་རུ་བཏང་ནས་རང་ངོས་ཀྱི་ཆབ་སྲིད་བྱང་ཚད་དང་ཆོས་ལུགས་ཡོན་ཏན་མཐོ་རུ་མུ་མཐུད་གཏོང་བ། ཕྱོགས་གཞན་ནས་གཞི་རིམ་ཞིབ་འཇུག་མུ་མཐུད་གཏིང་ཟབ་བཏང་ནས་ཁོ་ཚོ་ལ་གཏན་འཕིགས་ནུས་ལྡན་ཞབས་འདེགས་འདོན་རྒྱུ་ཞེས་དམ་ཆོས་ཕུན་ཚོགས་ཀྱིས་བཤད།