ཞིང་ཆེན་དམངས་ཆེན་འཐུས་མི་ཨ་ཚེ་མའི་སེམས་གཏམ།

    ནས་འདེབས་འཛུགས་དང་སྡུད་རུབ་དུས་སུ་སླེབས་སྐབས་ཞིང་ཆེན་དམངས་ཆེན་འཐུས་མི་འཇོལ་རྫོང་ཨ་ཚེ་མ་ཞིང་ལས་ཐོན་རྫས་གསར་གཏོད་ཚད་ཡོད་ཀུང་སིའི་སྤྱི་ཁྱབ་ཅིང་ལིན་ཨ་ཚེ་མ་དུས་རྟག་པར་ཞིང་ཁར་ཕེབས་ནས་ཞིང་པ་དང་ཁ་བརྡ་སྤེལ་རེས་བྱས་ནས་ཁོ་ཚོའི་བསམ་གཞི་དང་རེ་བ་རྒྱུས་ལོན་བྱེད།ཞིང་པའི་དོ་སྣང་ཆེ་ཤོས་ནི་ཐོན་ལས་གང་འདྲ་ཞིག་གིས་ཁོ་ཚོ་རྒྱུན་མཐུད་ངང་དུས་ཡུན་རིང་པོར་ཡོང་སྒོར་འཕར་བ་བྱེད་ཐུབ་བམ། གྲོང་གསེབ་ཁོར་ཡུག་གང་འདྲ་ཞིག་གིས་གཞོན་ནུ་ཚོ་གྲོང་གསེབ་ཏུ་ལོག་ནས་འཕེལ་རྒྱས་གཏོང་ཐུབ་བམ།འདི་ཡང་མི་དམངས་འཐུས་མིའི་ཚོགས་ཆེན་གྱི་འཐུས་མི་ཡིན་པའི་ང་འབད་བརྩོན་བྱེད་དགོས་པའི་ཁ་ཕྱོགས་ཡིན་ཞེས་ཨ་ཚེ་མས་བཤད།   

    ཞིང་ཆེན་དམངས་ཆེན་འཐུས་མི་བདམས་ཐོན་བྱུང་ནས་བཟུང་ཐོག་མཐའ་བར་གསུམ་དུ་ནས་ཀྱི་ཐོན་ལས་འཕེལ་རྒྱས་དང་ཞིང་པའི་ཡོང་སྒོར་སྤར་བར་དེ་དམིགས་འབེན་དུ་གྱུར་ནས་ས་མཐོའི་ཁྱད་ལྡན་ཞིང་ལས་ཐོན་སྐྱེད་ཀྱི་ཡུལ་དངོས་སུ་སླེབས་ནས་གྲོང་གསེབ་དར་རྒྱས་ལ་རོགས་སྐྱོར་བྱེད་པར་འབད་བརྩོན་བྱེད། ཞིང་ལས་ཐོན་རྫས་ཀྱི་སྤུས་ཚད་མུ་མཐུད་མཐོ་རུ་གཏོང་བ་དང་སྤུས་རྟགས་གསར་གཏོད་དང་ཚོང་ར་རྒྱ་ཆེར་སྐྱེད་ནས་ཞིང་ལས་ཐོན་རྫས་རིན་འཕར་མངོན་འགྱུར་བྱུང་རིམ་ནི་ཐོན་ལས་ཀྱིས་ཞིང་རོགས་ཡོང་སྤར་གྱི་བྱེད་རིམ་ཡིན་ཞེས་ཨ་ཚེ་མས་བཤད། དེར་བརྟེན་མོས་ཀུང་སི+གནས་གཞི+ཞིང་དུད་ཞེས་པའི་མངག་ཐོའི་ཞིང་ལས་རྣམ་པས་ཞིང་པས་ཚན་རིག་དང་མཐུན་པའི་ཞིང་འདེབས་ལ་སྣེ་ཁྲིད་བྱས། ས་གནས་དེ་གའི་ཞིང་དུད་དང་མངག་ཐོའི་ཞིང་ལས་མཉམ་ལས་འབྲེལ་བ་དམ་པོ་བཙུགས་པ་དང་། ནས། བྲ་བོ། ཡུ་གུ་སོགས་ས་མཐོའི་ལྗང་མདོག་སྐྱེ་ལྡན་ཞིང་ལས་ཁྱད་ལྡན་ཐོན་རྫས་འདེབས་འཛུགས་དང་ལས་སྣོན། ཕྱིར་འཚོང་ནས་སྤུས་རྟགས་ཚོང་གཉེར་གྱི་ཆ་ཚང་བའི་ཐོན་ལས་འཁོར་འབྲེལ་བཙུགས་ཡོད་པ་མ་ཟད། ད་དུང་བདེ་ཆེན་ས་མཐོའི་ཁྱད་ལྡན་ཐོན་རྫས་བདེ་ཆེན་ནས་རྒྱལ་ཡོངས་སུ་འབྱོར་ཆེད་ཨ་ཚེ་མས་དྲ་ཐོག་དྲ་འོག་མཉམ་འབྲེལ་བྱེད་པའི་ཕྱིར་འཚོང་ཐབས་ལམ་གྱི་སྒོ་ནས་ཐོན་རྫས་རྒྱལ་ཡོངས་དབུལ་སྒྲོལ་ལས་སྟེགས་ཐོག་འཚོང་བ་དང་ཞིང་པ་ཐོན་ལས་འཕེལ་རྒྱས་ཀྱི་ཕན་ནུས་ལོངས་སྤྱོད་ཐོབ་པར་བརྩོན་ལེན་བྱེད།

    ད་ལྟར་འཇོལ་རྫོང་ཨ་ཚེ་མ་ཞིང་ལས་ཐོན་རྫས་གསར་སྤེལ་ཚད་ཡོད་ཀུང་སིས་ཞིང་དུད་200ལྷག་སྣེ་ཁྲིད་བྱས་ནས་དུད་རེའི་ལོ་རེར་ཡོང་སྒོར་3500འཕར་བ་མངོན་འགྱུར་བྱུང་། ཉེ་བའི་ལོ་འགའི་རིང་། ཞིང་ལས་ཐོན་རྫས་ཀྱི་རིན་གོང་མཐོ་རུ་གཏོང་བ་དང་སྤུས་ཚད་འགན་སྲུང་ཐུབ་པ།ཀུང་སིས་གསར་གཏོད་བྱེད་པའི་ཐོན་རྫས་ལ་དགའ་བསུ་ཐོབ་པ་དང་ཞིང་འདེབས་འདོད་ཡོད་པའི་ཞིང་པ་དེ་བས་མང་བ་ཞེས་ཨ་ཚེ་མས་བཤད།

    ལོ་གསར་པར་ཞིབ་འཇུག་ཧུར་ཐག་བྱེད་ནས་མང་ཚོགས་ཀྱི་དཀའ་ངལ་དང་རེ་བར་རྒྱུས་ལོན་བྱེད།མི་དམངས་མང་ཚོགས་ཀྱི་མགྲིན་ཚབ་པ་ཡག་པོ་བྱེད་པ་དང་ཆབས་ཅིག་ཏུ། ཞིང་པ་ཡོང་སྤར་ལ་སྣེ་ཁྲིད་བྱེད་པའི་ལས་འགན་ལེགས་གྲུབ་བྱེད། བདེ་ཆེན་ནས་ཀྱི་ཐོན་ལས་བྱེད་ཤུགས་ཆེ་རུ་གཏོང་བ་དང་ནས་ཀྱི་ཐོན་ལས་རྒྱལ་ཡོངས་སུ་སླེབས་ནས། ས་མཐོའི་ཁྱད་ལྡན་ཞིང་ལས་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་རོགས་སྐྱོར་བྱེད་རྒྱུ་ཡིན་ཞེས་བཤད།