2025དཔྱིད་གསར་དུས་ཆེན་གྱི་རིག་གནས་དམངས་ཕན་དང་དགའ་སྤྲོའི་ཤམ་བྷ་ལའི་རིམ་སྟར་བྱེད་སྒོ་སྤེལ་བ།

རྩོམ་པ་པོ།     ཡིག་བསྒྱུར།       དུས་ཚོད།   2025-01-31   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་1པོའི་ཚེས་30ཉིན་གྱི་སྔ་དྲོར།2025དཔྱིད་གསར་དུས་ཆེན་གྱི་རིག་གནས་དམངས་ཕན་དང་དགའ་སྤྲོའི་ཤམ་བྷ་ལའི་རིམ་སྟར་བྱེད་སྒོ་སེམས་ཀྱི་ཉི་ཟླ་རྡོ་མཁར་རྫོང་ཟླ་འོད་ཐང་ཆེན་དུ་སྤེལ་བ།

    ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཀྲང་ཝེ་ཏུང་བྱེད་སྒོ་འགོ་ཚུགས་པའི་ཁྱབ་བསྒྲགས་གནང་། ཁུལ་འགོ་ཁྲིད་སུང་ཡུང་ལི། ཧོང་ལུང་ཤིན།ཕན་ཞུའེ་དབྱིང་སོགས་བྱེད་སྒོར་ཕེབས།

  བྱེད་སྒོའི་ཐོག་དཔྱིད་གསར་གསོལ་འདེབས་མཛད་སྒོ་སྤེལ་བ།དེ་རྗེས་རྡོ་མཁར་རྫོང་ནས་ཡོང་བའི་འབྲུག་དང་སེང་གེ་རྩེད་པའི་རུ་ཁག་གིས་ཐུན་མོང་མ་ཡིན་པའི་འཁྲབ་སྟོན་བྱས་ནས་གྲོང་མི་དང་ཡུལ་སྐོར་བས་དགའ་བསུ་ཐོབ་པ་དང་དགའ་སྤྲོའི་རྣམ་པས་ཁེངས་པ།

བྱེད་སྒོའི་ཐོག་འདས་པའི་ལོ་གཅིག་རིང་ཁུལ་ཨུ་དང་ཁུལ་སྲིད་གཞུང་གིས་འགོ་ཁྲིད་འོག སེམས་ཀྱི་ཉི་ཟླ་གྲོང་ཁྱེར་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་རླབས་ཆེན་དར་ཆ་མཐོ་སྒྲེང་བྱས་པ།ཞིང་ཨུའི་“3815”ཐབས་ཇུས་དམིགས་འབེན་དམིགས་པ།བློ་བརྟན་འགྱུར་མེད་ཀྱིས་ཐོན་ལས་རིམ་སྤར་ལ་སྐུལ་འདེད་གཏོང་།ཡུས་སྐོར་ལས་རིགས་དང་ས་མཐོའི་ཁྱད་ལྡན་ཞིང་ལས་སོགས་འཕེལ་རྒྱས་བྱུང་བ་དང་ཐོན་ཁོངས་ཀྱི་ལེགས་ཆ་མགྱོགས་པོའི་ངང་འཕེལ་རྒྱས་ཀྱི་ལེགས་ཆར་བསྒྱུར། རྨང་གཞིའི་སྒྲིག་ཆས་འཛུགས་སྐྲུན་མུ་མཐུད་ངང་བྱེད་ཤུགས་ཆེ་རུ་གཏོང་བ་དང་རྣམ་གྲངས་འཛུགས་སྐྲུན་ལ་བརྟེན་ནས་གྲོང་ཁྱེར་གྱི་ནུས་པ་འཐུས་སྒོ་ཚང་བར་སྐུལ་འདེད་གཏོང་བ་དང་གྲོང་ཁྱེར་གྱི་རྣམ་པ་གསར་པོར་གྱུར་བ། སྐྱེ་ཁམས་སྲུང་སྐྱོང་ལ་མུ་མཐུད་དུ་སྐུལ་འདེད་གཏོང་བ་དང་ཞིང་ཆེན་རིམ་པའི་སྔོ་ཞིང་མཛེས་པའི་གྲོང་ཁྱེར་གསར་འཛུགས་བྱས། སྦྱི་ཚོགས་བརྟན་བརླིང་མུ་མཐུད་བརྟན་སྲུང་བྱས་ནས་སྤྱི་ཚོགས་བརྟན་བརླིང་གི་རྨང་གཞི་དེ་བས་བརྟན་པོ་གྱུར། ཐོག་མཐའ་བར་གསུམ་དུ་དམངས་འཚོ་འགན་སྲུང་དང་ལེགས་སུ་གཏོང་བ་དེ་ལས་ཀ་འགོ་ཚུགས་ས་དང་དམིགས་ཡུལ་དུ་གྱུར་ནས་སློབ་གསོ་དང་སྨན་བཅོས། ལས་ཞུགས་ཐད་བྱེད་ཤུགས་ཆེར་བཏང་ནས་མི་དམངས་མང་ཚོགས་ཀྱིས་སེམས་ཁུར་ཆེ་ཤོས་དང་འབྲེལ་བ་ཆེ་ཤོས་ཀྱི་ཁེ་ཕན་གནད་དོན་ནན་ཏན་གྱིས་ཐག་གཅོད་པ། ལོ་གསར་པར་གྲོང་ཨུ་དང་གྲོང་ཁྱེར་སྲིད་གཞུང་གིས་གྲོང་ཁྱེར་ཡོངས་ཀྱི་མི་དམངས་མཐུན་སྒྲིལ་ངང་སྣེ་ཁྲིད་བྱས་ནས་མཐུན་སྒྲིལ་འཆམ་མཐུན། འབྱོར་ཕྱུག་དཔལ་ཡོན། མཛེས་ཞིང་སྐྱིད་པའི་སེམས་ཀྱི་ཉི་ཟླ་སྐྲུན་རྒྱུར་འབད་བརྩོན་བྱེད་རྒྱུ་ཞེས་བསྟན།

བྱེད་འགོའི་ཡུལ་དངོས་སུ་ཁུལ་མི་རིགས་གླུ་གར་ཚོགས་པའི་འཁྲབ་སྟོན་པས་ངོ་མཚར་བའི་རིག་རྩལ་འཁྲབ་སྟོན་བྱས་ནས་དུས་ཆེན་གྱི་དགའ་སྤྲོ་རྣམ་པས་ཡུལ་སྐོར་བའི་ཡིད་དབང་བཀུག་པ། ཉིན་དེའི་ཕྱི་དྲོར་རྒྱལ་ཐང་གྲོང་རྡལ་གྱི་གྲོང་གསེབ་（སྡེ་ཁུལ）སོ་སོའི་མང་ཚོགས་ཀྱིས་མི་རིགས་ཁྱད་ཆོས་ལྡན་པའི་སྐོར་བྲོ་སོགས་དམངས་ཁྲོད་གླུ་གར་འཁྲབ་སྟོན་བྱས་ནས་སེམས་ཀྱི་ཉི་ཟླའི་ཁྱད་ལྡན་མི་རིགས་རིག་གནས་འགྲེམ་སྟོན་བྱས།


分享到：QQ空间新浪微博腾讯微博人人网微信