ཆམ་རིམས་སྔོན་འགོག་བྱེད་སྟངས་དང་ཡིད་གཟབ་བྱ་ཡུལ།

        ཆམ་རིམས་དང་སྤྱིར་བཏང་གི་ཆམ་པ་དབྱེ་བ་ཇི་ལྟར་ཕྱེ་དགོས་མིན་ཐད་པེ་ཅིང་ཡིའུ་ཨེན་སྨན་ཁང་གི་གཙོ་བཅོས་སྨན་པ་ལི་ཐུང་གིས། ཆམ་རིམས་ཕོག་ན་སྤྱིར་བཏང་བྱས་ན་ཚ་བ་ཧྲེ་ཧྲི་ཏུའུ་38.5ཡན་རྒྱག་གི་ཡོད་པ་དང་། གློ་ལུ་བ་དང་མིད་པ་ན་བ་ཕུད། ད་དུང་དཔེར་ན་མགོ་ན་བ་དང་། ཤ་གནད་ལ་ཟུག་གཟེར་རྒྱག་པ། རྦད་དེ་ཐང་ཆད་པ་སོགས་ཀྱི་ནད་རྟགས་ཐོན་གྱི་ཡོད་ཅེས་བརྗོད།

        ལི་ཐུང་གིས་ཆམ་རིམས་ཕོག་པ་ཚང་མ་སྨན་ཁང་དུ་འགྲོ་དགོས་ཀྱི་མེད་པར་ནད་རྟགས་ཡང་བ་རྣམས་ཀྱིས་ཁྱིམ་དུ་ལོགས་སུ་བསྡད་དེ་ཚ་བ་དང་ཟུག་གཟེར་གཅོག་པ་དང་གློ་འཇགས་ལུད་སེལ་གྱི་སྨན་བཏང་ཚེ་སྤྱིར་བཏང་བྱས་ན་ཉིན་བདུན་ཡས་མས་ནང་དྲག་སྐྱེད་ཡོང་གི་ཡོད། འོན་ཀྱང་ཚ་བ་ཧྲེ་ཧྲི་ཏུའུ་39ཡན་བརྒྱབ་པ་དང་ཚ་བ་གཅོག་པའི་སྨན་བཏང་ཡང་ཚ་བ་མ་འཇགས་པ། ཡང་ན་གློ་ཞེ་དྲག་ལུ་བ་དང་། དབུགས་ཧལ་བ། བྲང་ཁ་བསྡམས་པ། དབུགས་འགག་པ་སོགས་ཀྱི་ནད་རྟགས་ཚབས་ལྕི་པོ་ཐོན་པ། ཡང་ན་མགོ་བོ་ཤུགས་ཆེན་ན་བ་དང་། ཡང་སེ་སྐྱུགས་པ། ཐམ་མེ་ཐོམ་མེར་གྱུར་པ་སོགས་བྱས་ཚེ་འཕྲལ་དུ་སྨན་ཁང་དུ་འགྲོ་དགོས་ཞེས་བརྗོད།

        ཀྲུང་རི་མཛའ་གྲོགས་སྨན་ཁང་གི་སྨན་པ་ཁྲེན་ཝུན་ཧུད་ཀྱིས་ཆམ་རིམས་ནི་ནད་དུག་འགོས་པ་ཞིག་ཡིན་པས་ཆུ་ཚོད་48ནང་དམིགས་བསལ་གྱི་ནད་དུག་འགོག་པའི་སྨན་དཔེར་ན། 磷酸奥司他韦དང་玛巴洛沙韦片（ཇི་ལྟར་མཆོད་དགོས་མིན་སྨན་པར་བཀའ་འདྲི་ཞུ་བ་དང་གསལ་བཤད་ཡི་གེར་ལྟ་དགོས）བཏང་ན་ཕན་ནུས་ཡག་པོ་ཐོན་ཐུབ། དེ་དང་ཆབས་ཅིག་ཟས་སྤྱོད་སྤང་བླང་ལ་དོ་སྣང་བྱས་ནས་ཚན་རིག་དང་མཐུན་པའི་སྨན་བཅོས་བྱས་ཚེ་གང་མྱུར་དྲག་སྐྱེད་ཡོང་བར་ཕན་ཐོགས་ཡོང་སྲིད་ཅེས་ངོ་སྤྲོད་བྱས།