རང་བྱུང་སོལ་རླངས་ལས་གྲྭས་གྲོང་མིར་བདེ་སྐྱིད་ཀྱི་འཚོ་བ་སྤྲད་ཡོད།

        2024ལོའི་ཟླ་10ཚེས་21ཉིན།    བདེ་ཆེན་ཐ་ལ་སོལ་རླངས་ཚད་ཡོད་ཀུང་སིས་སེམས་ཀྱི་ཉི་ཟླ་གྲོང་ཁྱེར་གྱི་གྲོང་ཁུལ་ལྟེ་བའི་སོལ་རླངས་སྡེབ་སྦྱོར་དང་སོལ་རླངས་སྣོན་སའི་ས་ཚིགས་སུ་གྲོང་མིའི་སྤྱོད་མཁན་གྱི་སྦུབས་ལམ་རང་བྱུང་སོལ་རླངས་མཁོ་སྤྲོད་ཚོད་ལྟ་བྱེད་པའི་མེ་སྤར་མཛད་སྒོ་འཚོགས་པ་དང་ལུང་ཆོན་སྡེ་ཁུལ་གྱི་མཁྱེན་ལྡན་མ་ཀྲང་གི་ཁྱིམ་ཚང་ཡང་ཁུལ་ཡོངས་ཀྱི་རང་བྱུང་སོལ་རླངས་འབྲེལ་མཐུད་དང་སྤྱོད་པའི་ཁྱིམ་ཚང་དང་པོར་གྱུར།“སྔོན་ཆད་ཤེལ་དམ་ནང་བླུགས་པའི་གཤེར་འགྱུར་སོལ་རླངས་སྤྱོད་སྐབས་བེད་སྤྱད་ཚར་རྗེས་ད་དུང་ཁ་པར་བཏང་ནས་བརྗེ་རྒྱུར་སྒུག་དགོས་ལ་རིན་གོང་ཡང་ཅུང་མཐོ་པོ་ཡོད་མོད།    ད་ཆ་རང་བྱུང་སོལ་རླངས་སྤྱོད་སྐབས་ལག་ཐོགས་ཁ་པར་ཐོག་ནས་གྲངས་ཐང་བླངས་ནས་སྤྲོད་དགོས་པས་བེད་སྤྱོད་བྱས་ན་དེ་བས་སྟབས་བདེ་དང་།    དེ་བས་ཕན་བདེ་ལྡན་པ།    དེ་བས་བདེ་འཇགས་བཅས་ཡིན།    ” མཁྱེན་ལྡན་མ་ཀྲང་གིས“ད་ཆ་རྒྱལ་ཁབ་ཀྱིས་ལྗང་མདོག་དང་ཐཱན་ཉུང་འཕེལ་རྒྱས་དར་སྤེལ་ཤུགས་ཆེན་བྱེད་པ་དང་།    རང་བྱུང་སོལ་རླངས་ནི་ལྗང་མདོག་དང་དྭངས་གཙང་གི་ནུས་རྒྱུ་ཡིན་པའི་ངོས་ནས་ཁྱབ་གདལ་གཏོང་རྒྱུ་ངེས་པར་དུ་བྱེད་དགོས་པས།    སྔ་ཙམ་ཞུགས་ནས་སྔ་ཙམ་ལོངས་སྤྱོད་མི་བྱེད་དོན་ཅི་ཡིན”ཞེས་བཤད།