བདེ་ཆེན་གྱི་ཡུལ་སྐོར་འགྲུལ་བཞུད་ཀྱི་ལེའུ་གསར་བ།

2023ལོའི་ཟླ་11པར་ས་དམ་ནས་སེམས་ཀྱི་ཉི་ཟླའི་བར་གྱི་ལྕགས་ལམ་དངོས་སུ་རླངས་འཁོར་ཤར་གཏོང་ཐུབ་པ་དང་བསྟུན་ནས། བདེ་ཆེན་ཁུལ་གྱིས་ལྕགས་ལམ་མེད་པའི་ལོ་རྒྱུས་མཇུག་འགྲིལ་ཞིང་། བདེ་ཆེན་གྱི་འགྲིམ་འགྲུལ་ལ་འགྱུར་ལྡོག་གིས་བསྐྱར་སྒྲིག་བྱས་པ་མ་ཟད།  དཔལ་འབྱོར་གྱི་མངའ་ཁོངས་བསྐྱར་སྒྲིག་བྱས་པ་རེད། དེ་ཕྱིར་ཡུལ་སྐོར་གནས་སྡོད་ཀྱི་མྱུ་གུ་ཡང་འབུས་འགོ་ཚུགས།

    ས་དམ་ནས་སེམས་ཀྱི་ཉི་ཟླའི་བར་གྱི་ལྕགས་ལམ་གྱིས་ས་མཐོའི་འགྲིམ་འགྲུལ་ལ་ནུས་པ་གསར་པ་སྤྲད།

    ས་དམ་ནས་སེམས་ཀྱི་ཉི་ཟླའི་བར་གྱི་ལྕགས་ལམ་ཀྱི་རིང་ཚད་སྤྱི་ལེ་139དང་ཇུས་འགོད་མྱུར་ཚད་སྤྱི་ལེ་140ཡིན། དུས་རིམ་ལོ་9རིང་ས་མཐོའི་འཁེངས་ས་དང་རྙོག་འཛིང་ཆེ་བའི་ས་གཤིས་སོགས་ཀྱི་དཀའ་གནད་ཁྱད་བསད་བྱས་ཤིང་།           ཟམ་དང་ཕུག་ལམ་གྱི་བསྡུར་ཚད་72.96%ཟིན་ནས་འཛམ་གླིང་གི་ཟིན་ཐོ་མང་པོ་བཏོད་ཡོད་པ་རེད། ལྕགས་ལམ་དེས་ཁུན་མིང་ནས་སེམས་ཀྱི་ཉི་ཟླའི་བར་གྱི་འགྲུལ་སྐྱེལ་ཕྲེང་བརྒྱུས་དུས་ཚོད་དེ་འདས་ཟིན་པའི་ཆུ་ཚོད་10ནས་ཆུ་ཚོད་4.5བར་ཐུང་དུ་བཏང་བ་དང་ས་དམ་ནས་སེམས་ཀྱི་ཉི་ཟླའི་བར་ཆུ་ཚོད་1དང་སྐར་མ་18ལས་དགོས་ཀྱི་མེད་པ་རེད། ལྕགས་ལམ་ཤར་གཏོང་བྱས་ནས་ལོ་གཅིག་ལྷག་ཙམ་རིང་རིམ་རྩིས་གྱིས་འགྲུལ་པ་ལ་མི་ཐེངས་ཁྲི་400ཙམ་སྐྱེལ་འདྲེན་བྱས་ཡོད་ལ། ཉིན་གཅིག་གི་འགྲུལ་པ་མང་ཤོས་མི་ཐེངས་ཁྲི་1ལྷག་ཙམ་ལས་བརྒལ་ཏེ་བདེ་ཆེན་གྱི་འགྲིམ་འགྲུལ་བཀག་རྒྱ་རྦད་དེ་གཏོར་ཡོད།

    ལྕགས་ལམ་གྱི་སྟབས་བདེའི་རང་བཞིན་གྱིས་བདེ་ཆེན་གྱི་ཡུལ་སྐོར་ཁྲོམ་རར་སྐུལ་སློང་བྱས། བོད་ལུགས་ཀྱི་དམངས་སྲོལ་གནས་ཚང་དང་། མངོན་མེད་རིག་གནས་ཤུལ་བཞག་ལག་རྩལ། ས་མཐོའི་རྐང་ཐང་སོགས་ཀྱི་ལས་རྣམ་དབྱར་མཚོ་རྒྱས་པ་ལྟར་འཕེལ་རྒྱས་ཆེན་པོ་བྱུང་། དེ་དང་ཆབས་ཅིག་ལྕགས་ལམ་གྱིས་ཡུན་ནན་ནུབ་བྱང་གི་ས་དམ་དང་། ཏ་ལི། སེམས་ཀྱི་ཉི་ཟླ་བཅས་ཡུལ་སྐོར་ལྟེ་བའི་ཁུལ་ཆེན་པོ་གསུམ་སྦྲེལ་མཐུད་བྱས་ཡོད། ལྕགས་ལམ་ཟོག་འདྲེན་གྱིས་བདེ་ཆེན་གྱི་བེ་ཤ་དང་། ནོར་ཤ།  ནས་ཀྱི་ཐོན་རྫས་སོགས་ཞིང་ལས་ཀྱི་དམིགས་བསལ་ཐོན་རྫས་ལ་ཕན་ནུས་ཆེ་བའི་བགྲོད་ལམ་བཏོད་ཡོད་པ་དང་2024ལོར་ལྕགས་ལམ་གྱི་ཟོག་འདྲེན་ཏུན་ཁྲི་50ལྷག་ཙམ་ཟིན་ཡོད་པ་རེད། སེམས་ཀྱི་ཉི་ཟླ་འབབ་ཚུགས་ཀྱི་ཁྱད་ཆོས་ལྡན་པའི་ཐོན་རྫས་ཆེད་གཉེར་ཚོང་ཁང་དང་མེ་འཁོར་ཐོག་གི་ཞིང་ལས་ཐོན་རྫས་ངོ་སྤྲོད་བྱས་པ་དེས་རྒྱ་ཆེའི་ཞིང་འབྲོག་པའི་ཡོང་འབབ་འཕར་རྒྱུར་སྐུལ་ཁྲིད་བྱས་ཡོད།

    ལངས་གཟུགས་འགྲིམ་འགྲུལ་དྲ་བ་དེ་“མཇུག་སྣེ”ནས“ལྟེ་རྒྱུ”བར་མཆོང་སྐྱོད་བྱས་པ།