ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་…

རྩོམ་པ་པོ།     ཡིག་བསྒྱུར།       དུས་ཚོད།   2025-04-02   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    ཟླ་4ཚེས་1ཉིན་ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚོགས་ཆུང་གིས་2025ལོའི་གཅིག་སྡུད་སློབ་སྦྱོང་ཐེངས་གསུམ་པ་འཚོགས་པ་རེད། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་སྐབས་གོང་དཔེ་འོག་སྟོན་མཐའ་འཁྱོངས་བྱས་ཏེ་ཁུལ་ཡོངས་ཀྱི“འགག་རྩའི་ཉུང་ཤས་”སྒྲིག་འཛུགས་བྱས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་གོ་བ་གཏིང་ཟབ་བྱས་ནས་ཁུལ་ཡོངས་ཀྱི་རྒྱུན་མཐུད་ལ་སློབ་སྦྱོང་དྲིལ་བསྒྲགས་ལག་བསྟར་བྱེད་པའི་ཚ་རླབས་དར་རྒྱུར་དཔེ་སྟོན་སྐུལ་ཁྲིད་བྱེད་པ་དང་གསུང་བཤད་གལ་ཆེན་གྱི་དགོངས་དོན་བདེ་ཆེན་དུ་རྩ་བ་ཚུགས་པ་དང་ཕན་འབྲས་དངོས་ཐོན་རྒྱུར་སྐུལ་འདེད་གཏོང་དགོས་པའི་ནན་བཤད་གནང་།    
    ཀྲང་ཝེ་ཏུང་དང་། ཕེང་ཧྲན། ཀྲུའུ་ཧུང་། ལི་དབྱང་། དབྱང་ཞུའེ་ཝན། ལི་ཐའོ་བཅས་ཀྱིས་ལས་ཀའི་དོན་དངོས་དངོས་ཡོད་དང་ཟུང་འབྲེལ་བྱས་ནས་སློབ་སྦྱོང་སྤེལ་རེས་ཀྱི་གཏམ་བཤད་གནང་བ་རེད། ལི་ཡན་ལན་དང་མིའོ་ཡིའུ་ཧྥ་སློབ་སྦྱོང་ལ་ཞུགས་པ།    
    ཚོགས་འདུའི་ཐོག་ཇི་མ་ཇི་བཞིན་དུ་སློབ་སྦྱོང་བྱེད་པ་དང་གཞི་གཅིག་ཏུ་སློབ་སྦྱོང་བྱེད།  འགན་འཁྲི་ཡོད་པའི་སྒོ་ནས་སློབ་སྦྱོང་བྱེད་པ། རྒྱུད་རིམ་ལྡན་པའི་གཏིང་ཟབ་ཏུ་སློབ་སྦྱོང་བྱེད་པ་རྒྱུན་འཁྱོངས་བྱས་ནས། འབད་བརྩོན་གྱིས་ལས་དོན་ཁག་ལ་ཕན་འབྲས་གསར་པ་ཡོང་བར་སྐུལ་འདེད་གཏོང་དགོས་པ་ནན་བཤད་གནང་།  
    ཚོགས་འདུའི་ཐོག་ནན་བཤད་བྱས་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གྱི་གསུང་བཤད་གལ་ཆེན་གྱི་དགོངས་དོན་ལ་བདེ་ཆེན་གྱི་བསྒྱུར་བཅོས་འཕེལ་རྒྱས་བརྟན་རླིང་བརྒྱུད་རིམ་ཧྲིལ་པོར་ཁྱབ་པ་དང་། ཀྲུང་གོའི་ལུགས་ཀྱི་དེང་རབས་ཅན་གྱི་ཡུན་ནན་གྱི་ལག་ལེན་ལ་སྐུལ་འདེད་གཏོང་བའི་ཁྲོད་བདེ་ཆེན་གྱི་འགན་འཁུར་བྱས་རྗེས་མངོན་པར་བྱ་དགོས། བདེ་ཆེན་གྱི་ཐུན་མོང་མ་ཡིན་པའི་ཐོན་ཁུངས་དགེ་མཚན་ལ་གཞི་ཚུགས་ནས་ཐོན་ལས་རིགས་སྒྱུར་རིམ་སྤར་ལ་སྐུལ་འདེད་མགྱོགས་སུ་གཏོང་དགོས་ལ། ནང་ཕྱི་མཉམ་འབྲེལ་གྱིས་བདེ་བླག་གི་འགྲིམ་འགྲུལ་མ་ལག་མགྱོགས་མྱུར་ངང་འཛུགས་པ་དང་། རང་འགུལ་ངང་ཞིང་ཆེན་ཡོངས་ཀྱི་ཕྱི་ཕྱོགས་སྒོ་འབྱེད་ཀྱི་རྣམ་པ་ཆེན་པོར་འདྲེས་དགོས། ནུས་ཤུགས་གང་ཡོད་ཀྱིས་གནད་དོན་བཅོས་སྒྲིག་དམ་འཛིན་ཡག་པོ་བྱས་ཏེ། སེམས་ཀྱི་ཉི་ཟླའི་རྒྱལ་ཁབ་སྤྱི་གླིང་གི་གསར་འཛུགས་ལས་ཀ་མགྱོགས་སུ་གཏོང་བ་དང་། སྐྱེ་ཁམས་ཀྱི་ལེགས་ཆ་འཕེལ་རྒྱས་ཀྱི་ལེགས་ཆར་བསྒྱུར་རྒྱུར་སྐུལ་འདེད་མགྱོགས་སུ་གཏོང་དགོས། བདེ་འཇགས་ཐོན་སྐྱེད་དང་གནོད་འགོག་གནོད་འཚེ་ཉུང་དུ་གཏོང་བ་སོགས་ཀྱི་ལས་དོན་དམ་འཛིན་ཡག་པོ་བྱས་ཏེ། བློ་བརྟན་འགྱུར་མེད་ཀྱིས་མེས་རྒྱལ་གཅིག་གྱུར་སྲུང་སྐྱོང་དང་མི་རིགས་ཀྱི་ཆོས་ལུགས་ལས་དོན་ལེགས་པར་བསྒྲུབ་དགོས། ཏང་གི་འགོ་ཁྲིད་དང་ཏང་འཛུགས་སྐྱོང་ལ་ཤུགས་སྣོན་བརྒྱབ་ནས་ཏང་གི་སྲིད་འཛིན་རྨང་གཞི་རྒྱུན་ཆད་མེད་པར་སྲ་བརྟན་དུ་གཏོང་དགོས། ལས་ཀའི་འགན་འཁྲི་དམ་ཟབ་བྱས་ཏེ་དོན་འཁྱོལ་ལག་བསྟར་ལས་དོན་ལག་ལེན་བསྟར་ནས་ཕན་འབྲས་ཐོན་རྒྱུར་འགན་ལེན་བྱ་དགོས་པ་ནན་གྱིས་བསྟན།    
    ཚོགས་འདུའི་ཐོག་ཁུལ་རིམ་པའི་འགོ་ཁྲིད་ཀྱིས་སློབ་སྦྱོང་སྣེ་ཁྲིད་དང་དྲིལ་བསྒྲགས་སྣེ་ཁྲིད་བྱེད་པ་དང་།ལས་བགོས་ཟུང་འབྲེལ་མངའ་ཁོངས་ཀྱི་སློབ་སྦྱོང་ལ་སྒྲིག་འཛུགས་དང་མཇུབ་ཁྲིད་སྐུལ་སྤེལ་བྱེད་དགོས།  རིམ་པ་ཁག་དང་སྡེ་ཚན་ཁག་གིས་སློབ་སྦྱོང་དང་གྲོས་བསྡུར་བྱེད་སྒོ་ཧུར་ཐག་སྤེལ་བ་དང་། དྲིལ་བསྒྲགས་བྱེད་སྒོ་སྒྲིག་འཛུགས་བྱེད་པ། སྨྱན་སྦྱོར་སྣ་ཚོགས་དང་དྲ་ཐོག་ཏུ་གཅིག་གྱུར་འཆར་འགོད་བཅས་བྱས་ཏེ་རྒྱུན་མཐུད་དུ་སློབ་སྦྱོང་། དྲིལ་བསྒྲགས་ལག་བསྟར་བྱེད་པའི་རྣམ་པ་ཟབ་མོ་བསྐྲུན་ནས་གྱི་གསུང་བཤད་གལ་ཆེན་གྱི་དགོངས་དོན་གཞི་རིམ་ལ་བརྒྱུད་བསྒྲགས་བྱ་རྒྱུར་འགན་ལེན་བྱེད་དགོས་བའི་བླང་བྱ་བཏོན།    
    ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་གནས་ཚོགས་ཆུང་གི་ཁོངས་མི་དང་། འབྲེལ་ཡོད་ཁུལ་གྱི་འགོ་ཁྲིད། ཁུལ་རིམ་འབྲེལ་ཡོད་སྡེ་ཁག་གི་འགན་འཁུར་བློ་མཐུན་བཅས་ཞུགས་ཡོད་པ་རེད།


分享到：QQ空间新浪微博腾讯微博人人网微信