བདེ་ཆེན་ཁུལ་གྱིས་དྭང་ས་གསལ་དུས་ཆེན་ནང་སྔོན་གཤེགས་དཔའ་བོར་དྲན་གསོ་ཞུ་བའི་བྱེད་སྒོ་སྤེལ་བ།

ཟླ་4པའི་ཚེས་3ཉིན་གྱི་སྔ་དྲོ། བདེ་ཆེན་ཁུལ་དང་སེམས་ཀྱི་ཉི་ཟླ་གྲོང་ཁྱེར་གྱི་འབྲེལ་ཡོད་སྡེ་ཚན་དང་། མི་དམངས་ཚོགས་པ། སློབ་གྲྭའི་དགེ་སློབ་བཅས་མི་གྲངས་བརྒྱ་ལྷག་སེམས་ཀྱི་ཉི་ཟླ་གྲོང་ཁྱེར་གྱི་སྔོན་གཤེགས་དཔའ་བོའི་བང་སོ་ར་བར་ཕེབས་ནས་གསར་བརྗེའི་དཔའ་བོར་དྲན་གསོ་དང་། གཞི་རྒྱུ་དམར་པོ་རྒྱུན་འཛིན། གསར་བརྗེའི་སྙིང་སྟོབས་དར་སྤེལ་བཅས་བྱས་ཡོད།    

    ཉིན་དེར། སྔོན་གཤེགས་དཔའ་བོའི་བང་སོ་ར་བའི་མཁའ་དབྱིངས་སུ་སྦྲང་ཆར་བསིལ་མ་བབས་བྱུང་། ཐང་ཆེན་ན་དར་དམར་ལྷབ་ལྷུབ་གཡོ་ཞིང་དང་རྔམ་བརྗིད་ཀྱི་ཉངས་དང་ལྡན། ཆུ་ཚོད་9ཡས་མས་སུ། མི་སྣ་ཡོངས་ཀྱིས་ལས་ཡུལ་དངོས་ནས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་གླུ་》བླངས་པ་དང་ཞྭ་ཕུད་ནས་མྱ་ངན་ཞུས་ཏེ་སྔོན་གཤེགས་གསར་བརྗེའི་དཔའ་བོའི་བྱས་རྗེས་རླབས་ཆེན་ལ་དྲན་གསོ་ཟབ་མོ་བྱས་ཡོད།

    གཞོན་ནུ་གདོང་ལེན་རུ་ཁག་གི་འཐུས་མིས་ལག་པ་གཡས་པ་མཐོན་པོར་བསྒྲེངས་ནས་གུས་འདུད་གནང་བ་དང་སྔོན་གཤེགས་གསར་བརྗེའི་དཔའ་བོ་རྣམས་ལ་མེ་ཏོག་ཕུལ་ཡོད། མེ་གསོད་དམག་དཔོན་གྱིས་མེ་ཏོག་གི་ཚོམ་བུ་བཟུང་ནས་དལ་མོར་མདུན་དུ་བསྐྱོད་དེ་དྲན་གསོའི་རྡོ་རིང་གི་མདུན་དུ་གཟབ་ནན་གྱིས་བཤམས་ཡོད། མེ་ཏོག་ཚོམ་བུའི་སྟེང་དུ“མི་དམངས་ཀྱི་དཔའ་བོ་ནམ་ཡང་བརྗེད་པ་མེད”ཞེས་པའི་ཡི་གེ་མངོན་གསལ་དོད་ཅིང་སྔོན་གཤེགས་དཔའ་བོ་རྣམས་ལ་བླ་ན་མེད་པའི་གུས་བཀུར་བཅངས་ཡོད།མཛད་སྒོར་ཞུགས་པའི་ལས་རིགས་ཁག་གི་མང་ཚོགས་འཐུས་མི་རིམ་བཞིན་དྲན་གསོའི་རྡོ་རིང་གི་མདུན་དུ་བསྐྱོད་དེ་མེ་ཏོག་ཕུལ་ནས་གསར་བརྗེའི་དཔའ་བོ་རྣམས་ལ་དྲན་གསོ་ཟབ་མོ་ཞུས་ཡོད།

   ཟླ་4པའི་ཚེས་3ཉིན་འཇོལ་རྫོང་གིས་གསར་བརྗེའི་དཔའ་བོའི་བང་སོ་ར་བར་རྒྱུན་མཐུད·2025·དྭངས་གསལ་སྐབས་སུ་དཔའ་བོར་དྲན་གསོ་ཞེས་པ་བརྗོད་བྱ་གཙོ་བོར་བྱས་པའི་དྲན་གསོའི་བྱེད་སྒོ་སྤེལ་ཡོད། འཇོལ་རྫོང་གི་ཚན་ཁག་གཙོ་བོ་བཞི་ཡི་ཁོངས་མི་དང་། བཅའ་སྡོད་ཡུལ་གྱི་དཔུང་སྡེའི་འཐུས་མི། དཔའ་བོའི་ཁྱིམ་རྒྱུད་འཐུས་མི། སློབ་གྲྭའི་དགེ་སློབ་སོགས་མི་1000ལྷག་ཙམ་བྱེད་སྒོར་ཞུགས་ཡོད།

    དྲན་གསོའི་བྱེད་སྒོ་བརྒྱུད་ནས་ཁྲག་རྒྱུད་དམར་པོ་རྒྱུན་མཐུད་བྱུང་ཐུབ་ཡོད་པ་དང་གསར་བརྗེའི་སྙིང་སྟོབས་རྒྱུན་འཛིན་ཐུབ་ཡོད། ཚང་མས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན་དང་དུས་རབས་གསར་པའི་ཏང་གི་བོད་སྐྱོང་ཐབས་ཇུས་ཁྲིད་སྟོན་དུ་བྱས་ཏེ་དཔའ་བོ་རྣམས་ལ་དྲན་གསོ་ཞུ་བ་དེ་འགན་འཁྲི་བསྒྲུབས་པའི་སྒུལ་ཤུགས་སྟོབས་ཆེན་དུ་བསྒྱུར་ནས། སྔར་ལས་སྤྲོ་སེམས་ཆེ་བ་དང་། སེམས་ཤུགས་འཕེལ་བ། འཐབ་འཛིང་གི་བློ་སྟོབས་མཐོ་བ་བཅས་ཀྱི་ཐོག་ནས་རང་གི་ལས་འགན་ཏན་ཏིག་ངང་ལེགས་པར་བསྒྲུབ་རྒྱུ་ཡིན་ཞེས་གཅིག་རྗེས་གཉིས་མཐུད་ངང་བཤད་ཡོད།

    ཟླ་4པའི་ཚེས་3ཉིན་གྱི་སྔ་དྲོ། གུང་གཞོན་ཚོགས་པ་འབའ་ལུང་རྫོང་ཨུས་སློབ་གྲྭ་འབྲིང་ཆུང་གི་དགེ་སློབ་འཐུས་མི་ཁག་གཅིག་སྒྲིག་འཛུགས་བྱས་ཏེ་འབའ་ལུང་རྫོང་སྔོན་གཤེགས་གསར་བརྗེའི་དཔའ་བོའི་བང་སོ་ར་བར་ཕེབས་ནས་དྭངས་གསལ་དུས་ཆེན་ལ་དཔའ་བོར་དྲན་གསོ་བྱེད་ཅེས་པའི་བརྗོད་བྱ་གཙོ་བོའི་སློབ་གསོའི་བྱེད་སྒོ་སྤེལ་ཡོད་པ་དང་གཟི་བརྗིད་ལྡན་པའི་མཛད་སྒོ་བརྒྱུད་ནས་གཞོན་ནུ་ལོ་ཆུང་རྣམས་ཀྱིས་ལོ་རྒྱུས་བློ་ལ་བརྟན་པོར་ངེས་བ་དང་འབད་བརྩོན་ཆེན་པོས་མདུན་དུ་བསྐྱོད་པར་སྐུལ་སློང་བྱས་ཡོད།