ཁུལ་འགོ་ཁྲིད་ལས་བྱེད་པས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དོན་འཁྱོལ་གཏིང་ཟབ་བྱེད་པའི་སློབ་སྦྱོང་སློབ་གསོའི་སློབ་སྦྱོང་འཛིན་གྲྭ་དང་ཁུལ་ཨུ་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་བཅས་ཀྱིས་གཅིག་སྡུད་སློབ་སྦྱོང་བྱས་པ།

        ལུའོ་ཁྲའོ་ཧྥེང་གིས་ཏང་སྲོལ་བཟང་པོར་བརྟེན་ནས་སྤྱི་ཚོགས་ཀྱི་དར་སྲོལ་དང་དམངས་སྲོལ་ལ་ཁྲིད་སྟོན་བྱེད་དགོས། ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་གྱི་དགོངས་དོན་རྒྱུན་སྲིང་ལྷོད་མེད་ངང་ལག་བསྟར་བྱེད་དེ་ཁུལ་ཡོངས་ཀྱི་ཏང་གི་སྤྱོད་ཚུལ་འཛུགས་སྐྱོང་གི་གོམ་སྟབས་མཚམས་མི་འཇོག་པ་དང་། ངར་ཤུགས་མི་གློད་པ། སླར་ཡང་འགོ་ཚུགས་པ་བཅས་ལ་སྐུལ་འདེད་གཏོང་དགོས། ཏང་ལ་དོ་དམ་དང་ཏང་བཅོས་སྐྱོང་གི་འགན་འཁྲི་ཏན་ཏིག་བསྒྲུབས་ཏེ། རང་ཁུལ་གྱི་ཏང་ཡོན་འགོ་ཁྲིད་ལས་བྱེད་པ་ཉུང་ཤས་ཀྱི་དམིགས་བསལ་དབང་ཆའི་བསམ་བློ་དང་། དམིགས་བསལ་དབང་ཆའི་བྱ་སྤྱོད་མངོན་གསལ་བྱུང་བ་དང་། སྤྱོད་ཚུལ་གསར་བརྗེ། ཕན་ནུས་གསར་བརྗེ་རྗེས་སུ་ལུས་པ་སོགས་ཀྱི་གནད་དོན་ཐག་གཅོད་ཧུར་ཐག་བྱེད་དགོས། དུས་རབས་གསར་པའི་ཏང་གི་མང་ཚོགས་ལམ་ཕྱོགས་ཡག་པོ་སྐྱོད་དགོས། གཟེར་འདེབས་སྙིང་སྟོབས་ལ་བརྟེན་ནས“སྤྱོད་ཚུལ་བཞིའི”གནད་དོན་མུ་མཐུད་བཅོས་སྒྲིག་བྱེད་དགོས་ཞེས་བསྟན་པ།

        ལུའོ་ཁྲའོ་ཧྥེང་གིས་སྣེ་ཁྲིད་དེ་སློབ་སྦྱོང་གཏིང་ཟབ་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་ལག་བསྟར་བྱ་རྒྱུ་དེ་ཐོག་མཐའ་བར་གསུམ་དུ་ཁྱབ་པ་དང་ལྷག་པར་དུ་ཕྱོགས་ཡོངས་ནས་ཏང་ནན་པོས་སྐྱོང་རྒྱུར་སྐུལ་འདེད་གཏོང་བ་དང་ཏང་ཡོན་ལས་བྱེད་པའི་སློབ་གསོ་དོ་དམ་ལ་ཤུགས་སྣོན་རྒྱག་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་སློབ་སྦྱོང་དང་གོ་བ་གཏིང་ཟབ་བླངས་དགོས། སྣེ་ཁྲིད་དེ་ཞིབ་བཤེར་ཐག་གཅོད་ཏན་ཏིག་དང་། དག་ཐེར་བཅོས་སྐྱོང་ལ་དམ་འཛིན་མཐའ་གཅིག་ཏུ་བྱེད་དགོས། ཉེན་བརྡ་གཏོང་བའི་སློབ་གསོར་ཤུགས་སྣོན་བརྒྱབ་ནས་རྒྱ་ཆེའི་ཏང་ཡོན་དང་ལས་བྱེད་པས་འཇིགས་བཀུར་ཤེས་པ་དང་། དོགས་ཟོན་དང་སྐྲག་སྣང་སྐྱེས་པ། མཐའ་ཚད་སྲུང་བར་བཅུག་པ་བྱེད་དགོས་དང་། སྣེ་ཁྲིད་དེ་ལྟ་སྐུལ་མཛུབ་ཁྲིད་བྱས་ཏེ“ཁྲལ་སེལ་སླ་བཅོས་”དང་། ཕྱི་ཚུལ་རིང་ལུགས། “དམའ་རིམ་དམར་པོ” “མཐོ་རིམ་ནག་པོའི”གནད་དོན་བཅས་སྔོན་འགོག་མཐའ་གཅིག་ཏུ་བྱེད་དགོས་ཞེས་ནན་བཤད་གནང་བ།

        སློབ་སྦྱོང་འཛིན་གྲྭའི་སྐབས་སུ། ཚང་མས་གཅིག་སྡུད་ཀྱིས་སློབ་སྦྱོང་དང་། སྒེར་གྱིས་རང་སྦྱོང་། ཞིབ་བསྡུར་སྤེལ་རེས་སོགས་ཀྱི་རྣམ་པ་བརྒྱུད་དེ། མ་རྩོམ་ཀློག་པ་དང་། མ་ཡིག་སློབ་པ། རྩ་བའི་རིགས་པ་རྟོགས་པ་བཅས་བྱས་ཏེ། རང་འགུལ་གྱིས་རང་ཉིད་དེའི་ནང་ཞུགས་པ་དང་། འགན་འཁྲི་དེའི་ནང་ཞུགས་པ། ལས་ཀ་དེའི་ནང་ཞུགས་པ་བཅས་བྱས་ཏེ། ཕྱོགས་ཡོངས་ནས་གནད་དོན་འཚོལ་བ་དང་ཧེ་བག་འཚོལ་བ།