དབུ་ཤོག >> བོད་ཀྱི་རིག་གནས། >> རྩོམ་རིག >> དེང་རབས་རྩོམ་རིག
བཅོས་མིན་གྱི་འཛུམ་མདངས།
རྩོམ་པ་པོ། ཚེ་དོན། དུས་ཚོད། 2017-07-17 རྩོམ་ཁུངས། སེམས་ཀྱི་ཉི་ཟླའི་བོད་ཡིག་དྲ་བ། ཀློག་གྲངས། 189

 དེ་རིང་ཁྱོད་ཀྱི་གདོང་ལ་འཛུམ་མདངས་རྒྱས་ཨེ་ཡོད།   ཉན་པ་ཙམ་གྱིས་སྐད་ཆ་འདི་ལ་དོན་སྙིང་མེད་པར་སྣང་མོད་ཀྱི་སེམས་རྣལ་ལ་ཕབ་ནས་ཞིབ་ཏུ་བསམ་བློ་བཏང་བའི་ཚེ་ན་འདིའི་ནང་དུ་མི་ཚེའི་གོ་རིམ་ཁྲོད་ཀྱི་གནས་ལུགས་མང་པོ་ཞིག་ཚུད་ཡོད་པར་འདོད།     རྒྱུ་མཚན་ནི་དེང་གི་འཚོ་བའི་གོམ་འགྲོས་མགྱོགས་དྲགས་ཤིང་འཚོ་བའི་གནོན་ཤུགས་ཆེ་དྲགས་པའི་མི་རྣམས་ཀྱི་གདོང་ན་འཛུམ་མདངས་ནི་མཐོང་དཀའ་ཞིང་།   གདོང་ལ་མི་འདོད་པའི་རྣམ་འགྱུར་ཅི་རིགས་བཟུང་སྟེ་སྒེར་སེམས་དང་ཨུ་ཚུགས་ཀྱིས་དུས་ཚོད་ཕར་འདའ་ཞིང་།    ཕན་ཚུན་ལ་བློ་གཏད་དང་ཡིད་ཆེས།   རྒྱབ་སྐྱོར་མི་བྱེད་པར་རང་གཞན་གཉིས་ཀར་ཕན་པའི་ལྷག་བསམ་གྱི་སེམས་དཀར་པོ་ནི་རྙེད་དཀའ་ཅིང་།    སྔོན་དང་བསྡུར་ན་མི་རྣམས་ཀྱི་གདོང་ལ་འཛུམ་གྱིས་ཁེངས་པའི་རྣམ་པ་དེ་མཐོང་དཀའ་བར་གྱུར་འདུག  


  ཚེ་ཐག་རིང་བའི་མི་རྣམས་ལ་ཐུན་མོང་གི་ཁྱད་ཆོས་ཤིག་ཡོད་པ་ནི།  གདོང་ལ་འཛུམ་རྒྱས་ནས་དགོད་རྒྱུ་དགའ་བ་དེ་རེད་ཅེས་གསོ་རིག་ཆེད་ལས་མཁས་པས་གསུང་ཡོད།  དེང་དུས་དར་ཆེ་བའི་ཚིག་ཅིག་ནི།  དགོད་རྒྱུ་དགའ་བའི་མི་ལ་ཅིས་ཀྱང་བསོད་ནམས་དབང་ཐང་འབྱོར་ངེས་ཡིན་ཞེས་བྲིས་ཡོད།   གཏམ་འདི་བདེན་པར་སྣང་སྟེ།   མི་དགོད་ཁ་རྩེད་ཁ་ཅན་ཞིག་ཡིན་ན་སུ་ཡང་དེ་ལ་དགའ་ཞིང་འདྲོགས་འདོད་ལ།  དེ་མིན་གདོང་ལ་རྣམ་འགྱུར་ཅི་ཡང་མེད་ན་ཕ་རོལ་བའི་མི་སུ་ཡིས་མཐོང་ཡང་དོགས་མི་བདེ་ལ།  བག་ཆགས་བཟང་བོ་ཞིག་ཀྱང་འཇོག་དཀའ་བ་རེད།  ངའི་དྲན་སྣང་ལ་ཆུང་དུས་སྡེ་མི་ཆེ་ཆུང་ཀུན་གྱི་གདོང་ན་འཛུམ་ཡོད་ཅིང་།  སུ་ལ་འཕྲད་ཀྱང་ངོ་ལ་ལྷད་མེད་ཀྱི་འཛུམ་མདངས་རྒྱས་ནས་ཕན་ཚུན་ལ་འཚམས་འདྲི་སྣ་ཚོགས་བྱེད་པ་ཡིན།   དུས་དེང་སང་ཕ་ཡུལ་ལ་ལོག་པའི་དུས་ན་སྡེ་མི་མང་ཤོས་ཀྱིས་བྲེལ་འཚུབ་ཀྱི་གོམ་པ་སྤོས་ནས་ཁ་ཡང་གྲགས་ཐུབ་མི་ཐུབ་ཀྱི་མཚམས་ལ་སླེབས་ཡོད་ཅིང་། སྟབས་བདེའི་འཚམས་འདྲི་དང་ཡང་ན་རྣམ་འགྱུར་སྟབས་བདེ་ཙམ་རེ་སྤྲོད་པ་ལས་འགྲོ་མཚམས་བཞག་ཅིང་སེམས་ལྷོད་མོས་ཕན་ཚུན་ལ་འབྲེལ་འདྲིས་བྱེད་པ་ནི་ཤིན་ཏུ་དཀོན།   གྲོང་ཁྱེར་སོགས་ནི་དེ་ལས་ཞན་ཅིང་།རང་གིས་སེམས་ལྷོད་ལྷོད་བྱས་ཏེ་གཞན་ལ་འཛུམ་བསྟན་ན་གཞན་གྱིས་དོགས་མི་བདེ་བའི་རྣམ་འགྱུར་ཞིག་སྟོན་པའམ་ཡང་ན་ཚུར་ལ་མིག་ཟུར་ཙམ་གྱིས་ཀྱང་མི་བལྟ་བའི་ཚེ་ན་རང་གི་འཛུམ་དེ་ལ་ཡང་བྲོ་བ་མེད་པ་ལྟ་བུ་ཞིག་ཏུ་གྱུར་འགྲོ།  
   ཚན་རིག་བརྟག་དཔྱད་ཅིག་ལས་རང་དགར་དགོད་པའམ་ཡང་ན་ཀློའུ་དགོད་ཅིག་བྱས་པ་ཙམ་གྱིས་ཀྱང་ལུས་པོའི་ནང་གི་རྩ་ཁྲག་རྒྱུག་པར་ཕན་ཐོགས་ཐུབ་ཅེས་བཀོད་ཡོད།   དགད་ན་རང་གི་ལུས་སེམས་སྐྱིད་ཅིང་གཞན་པའི་ཡིད་སེམས་ཀྱང་བདེ་བ་སུས་ཀྱང་ཤེས་མོད།  ཡིན་ཡང་འཚོ་བའི་གོམས་གཤིས་སམ་འགྱུར་ལྡོག་སྣ་ཚོགས་ཀྱི་དབང་གིས་

རྩོམ་སྒྲིག་པ། (ཚེ་རིང་།)