དབུ་ཤོག >> དཔལ་འབྱོར་འཚོ་བ། >> འབྱོར་ཕྱུག་གཏམ་རྒྱུད།
བོད་པའི་བུད་མེད་ཅིག་གིས་ཕྲུ་གུ་འཁུར་ནས་བེར་ཤ་སྒྲུག་པའི་འཚོ་བ།
རྩོམ་པ་པོ། མི་གསལ། དུས་ཚོད། 2017-08-03 རྩོམ་ཁུངས། མི་དམངས་དྲ་བ། ཀློག་གྲངས། 257

    རང་ལོ་28ལ་སོན་པའི་རྣམ་རྒྱལ་སྒྲོལ་མ་ནི་བདེ་ཆེན་ཁུལ་སེམས་ཀྱི་ཉི་ཟླ་གྲོང་ཁྱེར་རྒྱལ་ཐང་གྲོང་རྡལ་རྒྱལ་བདེ་གྲོང་ཚོ་ནས་ཡིན་ལ།ས་གནས་དེར་བེར་ཤ་མང་པོ་ཡོད་ཅིང་།ལོ་རེའི་ཟླ་བདུན་པ་ནས་དགུ་པའི་བར་དུ་བེར་ཤ་མང་ཤོས་ཀྱི་དུས་ཡིན་པས།ས་གནས་དེ་གའི་བོད་པ་ཚོས་དུས་རྒྱུན་གྱི་ལས་ཀ་སོགས་བཞག་ནས་མཉམ་དུ་རི་ལ་བེར་ཤ་སྒྲུག་པར་འགྲོ་བཞིན་ཡོད།ཁྱོ་ག་མེད་པའི་རྣམ་རྒྱལ་སྒྲོལ་མ་དང་ཁོ་མོའི་ཨ་མ་གཉིས་ལ་མཚོན་ན།ལོ་གཅིག་ལ་སོན་པའི་ཕྲུ་གུ་རྒྱབ་ཏུ་ཁུར་ནས་ཉིན་རེ་བཞིན་རི་ལ་བེར་ཤ་སྒྲུག་པར་འགྲོ་རྒྱུ་ནི་ལས་ཀ་གཙོ་བོ་ཞིག་རེད།

 

    ཁོང་ཚོས་ཉིན་རེར་སྒྲུག་པའི་བེར་ཤ་ནི་སྒོར་120ཡས་མས་ལ་འཚོང་ཐུབ་བཞིན་ཡོད་ལ།ལོ་གཅིག་གི་རིང་ལ་བེར་ཤ་བཙོངས་པ་ལས་ཡོང་འབབ་སྒོར་ཁྲི་གཅིག་ཡས་མས་ཡོང་གི་ཡོད་པ་རེད།ཁྱིམ་ཚང་གི་ཡོང་འབབ་སྒོར་ཁྲི་1.5ཡང་མེད་པའི་རྣམ་རྒྱལ་སྒྲོལ་མ་ཚང་ལ་མཚོན་ན།བེར་ཤ་སྒྲུག་རྒྱུ་ནི་ཁྱིམ་ཚང་གི་དཔལ་འབྱོར་ཡོང་འབབ་གཙོ་བོ་དེ་ཡིན་པ་རེད།

 

    རྣམ་རྒྱལ་སྒྲོལ་མས་ཉིན་གཉིས་རིང་བེར་ཤ་བསྒྲུགས་པ་ཚང་མ་སྒོར་260བྱས་ཏེ་འཚོང་ཐུབ་ཡོད་པས།ཁོ་མོའི་ངོ་གདོང་ལ་འཛུམ་གྱིས་ཁེངས་ཡོད་པ་རེད།བེར་ཤ་ནི་རང་བྱུང་གི་ཟས་རིགས་རྩ་ཆེན་ཞིག་ཡིན་ལ།ཤྭ་མོའི་རྒྱལ་པོ་ཞེས་པའི་མིང་ཐོགས་ཡོད།ཡུན་ནན་ཞིང་ཆེན་གྱི་སེམས་ཀྱི་ཉི་ཟླ་རྫོང་ནི་བེར་ཤ་ཐོན་ཁུལ་གཙོ་བོ་ཞིག་ཡིན་ལ།རྒྱལ་ཡོངས་ཀྱི་ཐོན་ཁུལ་བསྡོམས་འབོར་ལས་70%ཟིན་ཡོད་པ་རེད།

 

 

རྩོམ་སྒྲིག་པ། (གཡང་མཚོ།)