དབུ་ཤོག >> སྐབས་དོན་གསར་འགྱུར། >> ས་གནས་གསར་འགྱུར།
བདེ་ཆེན་ཁུལ་གྱིས་མི་རིགས་སྐད་ཡིག་གི་སྒྱུར་ཡིག་ལས་ཀ་ནན་ཏན་བྱས།
རྩོམ་པ་པོ། མི་གསལ། དུས་ཚོད། 2017-08-11 རྩོམ་ཁུངས། སེམས་ཀྱི་ཉི་ཟླའི་བོད་ཡིག་དྲ་བ། ཀློག་གྲངས། 1154

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ད་ལོར།བདེ་ཆེན་ཁུལ་མི་རིགས་སྐད་ཡིག་ཡིག་སྒྱུར་ལྟེ་གནས་ཀྱིས་ཁུལ་སྟོན་གཞུང་ལས་ཁང་དང་སེམས་ཀྱི་ཉི་ཟླ་གྲོང་ཁྱེར་ཕྱོགས་བསྡུས་སྲིད་འཛིན་ཅུས་ཀྱི་བླང་བྱ་ལྟར།སེམས་ཀྱི་ཉི་ཟླ་གྲོང་ཁྱེར་ནང་ཁོངས་ཀྱི་སྒོ་བྱང་ལ་ཚད་ལྡན་ཅན་གྱི་ཡིག་སྒྱུར་བྱས་པ་རེད།

 

 

སེམས་ཀྱི་ཉི་ཟླ་གྲོང་ཁྱེར་གྱི་མཚན་ལྗོངས།

    མིག་སྔར།བདེ་ཆེན་ཁུལ་མི་རིགས་སྐད་ཡིག་ཡིག་སྒྱུར་ལྟེ་གནས་ཀྱིས་མགྲོན་ཁང་དང་ཟ་ཁང་།ཚོང་ཁང་སོགས་ཀྱི་སྒོ་བྱང་དང་།ལྗོངས་ཁུལ་གྱི་ཡུལ་སྐོར་དྲན་སྐུལ།ཟ་ཁང་གི་ཚལ་ཐོ།ཆེད་ལས་དཔེ་དེབ།ལས་ཁུངས་ཀྱི་ཁྲིམས་ལུགས་དྲིལ་བསྒྲགས་ཚན་བྱང་བཅས་ཁྱོན་བསྡོམས་3000ལྷག་ཡིག་བསྒྱུར་བྱས།

 

སེམས་ཀྱི་ཉི་ཟླ་གྲོང་ཁྱེར་ནང་ཁོངས་ཀྱི་སྒོ་བྱང་།

    བདེ་ཆེན་ཁུལ་མི་རིགས་སྐད་ཡིག་ཡིག་སྒྱུར་ལྟེ་གནས་ཀྱི་སྐད་འཕྲིན་སྤྱི་རྟགས་སྤྱི་བསྒྲགས་བྱས་ནས།རྒྱ་ཆེ་བའི་གྲོང་མིས་མི་རིགས་སྐད་ཡིག་ཡིག་སྒྱུར་ལ་སྟབས་བདེ་སྤྲད་པ་རེད།

    ཟླ་7པའི་ཟླ་འགོར།ཁུལ་སྟོན་གཞུང་ལས་ཁང་གིས་བོད་ཡིག་དང་དབྱིན་ཡིག་མཁས་པ་སྒྲིག་འཛུགས་བྱས་ནས།སེམས་ཀྱི་ཉི་ཟླ་གྲོང་ཁྱེར་ནང་ཁོངས་ཀྱི་སྒོ་བྱང་ལ་ལྟ་ཞིབ་བྱས་ཤིང་།མིག་སྔར་རྒྱང་སྤྱོད་ལམ་ཆེན་དང་སྐད་ཚགས་ལམ།ཡང་ཐང་ལམ་བཅས་ཀྱི་སྒོ་བྱང་ལ་ཞིབ་བཤེར་བྱས་ཚར་བས།བོད་ཡིག་དང་དབྱིན་ཡིག་གི་ཡིག་བསྒྱུར་དང་སྤྱོད་པ་ཚད་ལྡན་ཅན་དུ་འགྱུར་བ་དང་ནོར་སྐྱོན་བྱུང་ཚད་ཡང་སྔར་ལས་ཉུང་དུ་བཏང་ཡོད།