དབུ་ཤོག >> སྐབས་དོན་གསར་འགྱུར། >> བོད་ཁུལ་གསར་འགྱུར།
ཧུང་ཡོན་ནས་ལྷ་སའི་བར་གྱི་མཁའ་ལམ་དངོས་སུ་ཤར་གཏོང་བྱས་པ།
རྩོམ་པ་པོ། མི་གསལ། དུས་ཚོད། 2017-10-11 རྩོམ་ཁུངས། མི་དམངས་དྲ་བ། ཀློག་གྲངས། 193

    རྔ་བ་ཁུལ་གྱི་ཁོངས་ཡོངས་ཀྱི་ལྗོངས་སྐོར་མགྱོགས་མྱུར་ངང་འཕེལ་རྒྱས་ཡོང་བར་སྐུལ་འདེད་གཏོང་བ་དང་།རོང་འབྲོག་མང་ཚོགས་ལ་སྟབས་བདེ་དང་མགྱོགས་མྱུར་ངང་ཕྱིར་སྐྱོད་ཞབས་ཞུའི་ལམ་ཆེན་ཞིག་བསྐྲུན་ཆེད། 2017ལོའི་ཟླ་10བའི་ནང་།ཧུང་ཡོན་གནམ་གྲུ་ཐང་གིས་ཧུང་ཡོན་ནས་ལྷ་སའི་བར་གྱི་མཁའ་ལམ་དངོས་སུ་ཤར་གཏོང་ཐུབ་རྒྱུ་རེད།མཁའ་ལམ་དེ་ཧུང་ཡོན་གནམ་གྲུ་ཐང་ནས་ཁྲེང་ཏུའུ་དང་ཁྲེང་ཆིང་བར་གྱི་མཁའ་ལམ་གཉིས་ཤར་གཏོང་བྱུང་རྗེས་ཀྱི་མཁའ་ལམ་གསུམ་པ་ཡིན་པ་དང་།རང་ཁུལ་ནས་བོད་ཁུལ་གཞན་པར་བསྐྱོད་པའི་ལམ་ཐག་རིང་བའི་མཁའ་ལམ་ཐོག་མ་ཞིག་ཡིན།

    མཁའ་ལམ་དེ་ཤར་གཏོང་ཐུབ་པ་ལས་ཧུང་ཡོན་གནམ་གྲུ་ཐང་གི་ལྗོངས་སྐོར་དཔལ་འབྱོར་གླིང་ཁུལ་བསྐྲུན་པ་དེ་དུས་རིམ་གསར་བར་སླེབས་པ་མཚོན་པ་དང་།སི་ཁྲོན་དང་ཀན་སུའུ།མཚོ་སྔོན་སོགས་བོད་ཁུལ་གྱི་དཔལ་འབྱོར་འཕེལ་རྒྱས་དང་རིག་གནས་སྤེལ་རེས་ལ་དགེ་མཚན་གྱི་ནུས་པ་འདོན་ངེས།

    ཧུང་ཡོན་གནམ་གྲུ་ཐང་གིས་གོ་སྐབས་དེ་དམ་འཛིན་བྱས་ཏེ།ཧུར་བརྩོན་གྱིས་ལས་སྒོ་གསར་གཏོད་དང་ལས་སྒོ་སྤེལ་བ་བརྒྱུད།ལྗོངས་སྐོར་དང་།གནས་སྐོར་སོགས་ལ་འཚམ་པའི་སྣ་མང་ཅན་གྱི་ལྗོངས་སྐོར་དང་ཐོན་རྫས་འདོན་རྒྱུ་རེད།སྐབས་དེར་ལྗོངས་རྒྱུ་བ་མང་བོ་རང་ཁུལ་དུ་ལྗོངས་སྐོར་བྱེད་དུ་འོང་བའི་ཡིད་དབང་འགུག་པ་དང་།ཁུལ་ཡོངས་ཀྱི་ལྗོངས་སྐོར་ཐོན་ལས་འཕེལ་རྒྱས་ལ་སྐུལ་འདེད་གཏོང་ཐུབ་རྒྱུ་རེད།།

 

རྩོམ་སྒྲིག་པ། (པདྨ།)