དབུ་ཤོག >> སྐྱེ་ཁམས་ཡུལ་སྐོར། >> སྐྱེ་ཁམས་སྲུང་སྐྱོང་།
ཚ་ཁུལ་ནས་ཁྲིད་ཡོང་བའི་སྲོག་ཆགས་བོད་ལྗོངས་སུ་གཞིས་ཆགས་ཤིང་།ས་མཐོར་འཕྲོད་ཅིང་ལ་དུག་བྱུང་མེད་པ།
རྩོམ་པ་པོ། མི་གསལ། དུས་ཚོད། 2017-11-21 རྩོམ་ཁུངས། མི་དམངས་དྲ་བ། ཀློག་གྲངས། 126

    ཟླ་11ཚེས་16ཉིན་གསར་འགོད་པས་བོད་རང་སྐྱོང་ལྗོངས་ལྷ་ས་གྲོང་ཁྱེར་ཆུ་ཤུར་སྲོག་ཆགས་སྲུང་སྐྱོང་གླིང་ནས་ཤེས་རྟོགས་བྱུང་གསལ།ཚ་ཁུལ་དང་ཚ་ཁུལ་ཕལ་བའི་སྲོག་ཆགས་ལུག་རྔ་མོང་དང་རྐྱང་ཁྲ་བོད་ལྗོངས་སུ་གཞིས་ཆགས་པས།འདི་ཡིས་བོད་ལྗོངས་སུ་སྤྱན་གཟིགས་སྲོག་ཆགས་ཀྱི་རིགས་སྔར་ལས་ཕུན་སུམ་ཇེ་ཚོགས་སུ་ཕྱིན་པ་མཚོན་པ་རེད།

   སྲོག་ཆགས་སྲུང་སྐྱོང་གླིང་འདི་ནི་ལྷ་ས་གྲོང་ཁྱེར་དང་ཐག་རིང་པོ་མེད་པའི་རང་བྱུང་ནགས་ཁུལ་དུ་བཙུགས་ཡོད་ཅིང་།སྲོག་ཆགས་དག་ནགས་ཚལ་ཁྲོད་དལ་ལྷོད་དུ་འཆམ་པ་སྟེ།དགུན་དུས་ཀྱི་ཉི་མ་ལྡེ་བ་དང་།མཚམས་རེར་མགོ་སྒུར་ནས་རྩྭ་ཟ་ཞིང་།མཚམས་རེར་མཉམ་རུབ་ངལ་གསོ་ནས་སྤྲོད་སྐྱིད་ལྡན་ཞིང་འཇམ་ཐེང་ངེར་སྣང་།སྲོག་ཆགས་སྲུང་སྐྱོང་གླིང་འདིའི་གཉེར་སྐྱོང་སྤྱི་གཉེར་པ་ལུའུ་ཆན་ཆན་གྱིས་གསར་འགོད་པར་སྲོག་ཆགས་སྲུང་སྐྱོང་གླིང་གི་རྒྱ་ཁྱོན་ལ་མུའུ་1113ཡོད་པ་དང་།དེ་རུ་སྲོག་ཆགས་རིགས་27ཡོད་ཅིང་། དེའི་ཁྲོད་དུ་ལུག་རྔ་མོང་དང་། ཤྭ་བ་ཁྲ་རིས། རྔ་མོང་།རྨ་བྱ་སོགས་ནི་ནང་ས་ནས་ནང་འདྲེན་བྱས་པ་ཡིན་ཞིང་།བོད་ལྗོངས་སུ་ཁྲིད་ཡོང་ནས་ཡུན་རིང་སོང་མེད་པའི་རྐྱང་ཁྲ་ནི་མཐོ་སྒང་གི་གསོ་རླུང་མི་འདང་བའི་ཁོར་ཡུག་ལ་འཕྲོད་མཐུན་བྱེད་བཞིན་ཡོད་ཅེས་བཤད་པ་རེད།


རྩོམ་སྒྲིག་པ། (སྒྲོལ་མ་གཡང་མཚོ།)