ཕྱིང་པ་འཇོག་གླུ།
དབུ་ཤོག >> མི་རིགས་ཆོས་ལུགས། >> ཡུལ་སྲོལ་གོམས་གཤིས།
ཕྱིང་པ་འཇོག་གླུ།
རྩོམ་པ་པོ། མི་གསལ། དུས་ཚོད། 2018-03-14 རྩོམ་ཁུངས། ཁམས་པའི་དྲ་བ། ཀློག་གྲངས། 525

ཐེ་གོ་གོ།ནེ་ལིང་ལིང་།

ཁྱི་སྤུ་མིན་ལ་ལི་སྤུ་མིན།

གཡང་དཀར་ལུག་གི་སོག་བལ་ཡིན།

མ་མོ་བརྒྱ་ཡི་སོག་སྤུ་ཡིན།

ཤ་ཟན་བརྒྱ་ཡི་འཇུས་སྤུ་ཡིན།

ཨ་ཟི་འབྲི་ཡི་འཁིལ་ལི་ཡིན།

སྲབ་ཚད་ཅི་འགི་ཟུར་ལ་སོང་།

འཐུག་ཚད་ཅི་འགི་གཞུང་ལ་ཤོག།

ཕྱི་ཀོ་བ་མིན་ཏེ་ཀོ་འདྲ་ཤོག།

ནང་དར་ཁ་མིན་ཏེ་དར་འདྲ་ཤོག།

དར་ཀོ་གཉིས་པོ་ཁ་སྤྲོད་ཤོག།

ལ་ལ་སོང་ན་དགོ་ཕོ་གར་གར་གྱིས།

སྐེད་ལ་སོང་ན་གླག་མོ་འགྱུར་འགྱུར་གྱིས།

ཐུར་ལ་སོང་ན་གྲུ་གུ་འགྲིལ་འགྲིལ་གྱིས།

གངས་སེང་དཀར་མོའི་འགྲམ་ཀོ་འདྲ་ཞིག་སླིང་།

འགྲམ་ཀོ་དེ་ལས་འཐུག་ཚད་ཡོང་བར་ཤོག།

དམར་གཡག་སྟག་གི་ཟེ་ཀོ་འདྲ་ཞིག་སླིང་།

ཟེ་ཀོ་དེ་ལས་འཐུག་ཚད་ཡོང་བར་ཤོག།

ཐིག་ལེ་གཟིག་གི་མགོ་ཀོ་འདྲ་ཞིག་སླིང་།

མགོ་ཀོ་དེ་ལས་འཐུག་ཚད་ཡོང་བར་ཤོག།

བྲེ་སེ་འབྲོང་གི་ཐོད་ཀོ་འདྲ་ཞིག་སླིང་།

ཐོད་ཀོ་དེ་ལས་འཐུག་ཚད་ཡོང་བར་ཤོག།

 

རྩོམ་སྒྲིག་པ། (པདྨ་མཚོ། )