དབུ་ཤོག >> སྐབས་དོན་གསར་འགྱུར། >> ས་གནས་གསར་འགྱུར།
བདེ་ཆེན་བྱེས་བགྲོད་སྦག་སྦག་འཁོར་ལོའི་མཉམ་འགྲན་གྱི་འབའ་ལུང་ཡན་ལག་འགྲན་བསྡུར་ཡོངས་སུ་མཇུག་རྫོགས་པ།
རྩོམ་པ་པོ། མི་གསལ། དུས་ཚོད། 2018-05-07 རྩོམ་ཁུངས། སེམས་ཀྱི་ཉི་ཟླའི་བོད་ཡིག་དྲ་བ། ཀློག་གྲངས། 835

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ5པའི་ཚེས4ཉིན།2018ལོའི་སེམས་ཀྱི་ཉི་ཟླ་རྒྱལ་ཁའི་དམག་འཐབ་སྟེ་བདེ་ཆེན་འཛམ་གླིང་བྱེས་བགྲོད་སྦག་སྦག་འཁོར་ལོའི་མཉམ་འགྲན་གྱི་འབའ་ལུང་ཡན་ལག་འགྲན་བསྡུར་ཡོངས་སུ་མཇུག་རྗོགས་པ་དང་།དུས་ཡུན་ཉིན་གསུམ་གྱི་ཛ་དྲག་གི་འགྲན་བསྡུར་བརྒྱུད།ཚོ་ཆུང་བཞི་ཡི་ཨང་དང་པོ་རེ་རེ་བཞིན་བྱུང་བ་རེད།

 

 

 

 

        འགྲན་བསྡུར་གྱི་གོ་རིམ་ཁྲོད།སྦག་སྦག་གཏོང་མཁན་རྣམས་ཀྱིས་ས་སྤུངས་དང་གྲམ་རྡོ།དཀྱོག་ལམ་སོགས་གཅིག་ཐོག་གཉིས་བརྩེགས་ཀྱི་འགག་ལམ་སྣ་ཚོགས་བརྒྱུད་རྗེས།མཐར་ས་དམ་ཏ་དབྱི་རུ་ཁག་གི་ཨང་22པའི་བདམས་ཐོན་པ་ལིའང་ཝུན་ཧའོ་ཡིས་ADV950CCཡན་ཚོ་ཆུང་གི་བྱ་དགའ་ཨང་དང་པོ་ཐོབ་པ་དང་།    ས་དམ་ཏ་དབྱི་རུ་ཁག་གི་ཨང་117པའི་བདམས་ཐོན་པ་ཀྲང་མེ་ཡིས་ ADV950CCམན་ཚོ་ཆུང་གི་བྱ་དགའ་ཨང་དང་པོ་ཐོབ་པ།  གྱད་མི་ས་ཁང་པོ་སུའུ་ཨེར་རུ་ཁག་གི་ཨང་18པའི་བདམས་ཐོན་པ་ཞུས་ཅན་ཧའོ་ཡིས་ནང་འདྲེན་ཚོ་ཆུང་གི་བྱེས་བགྲོད་འགྲན་བསྡུར་གྱི་ཨང་དང་པོ་ཐོབ།ཧྲན་ཏུང་ཐེ་ཨན་མའོ་ཕིང་ཧུའེ་རུ་ཁག་གི་ཨང་38པའི་བདམས་ཐོན་པ་ལན་ཧྲི་ཁྲོན་གྱིས་རང་རྒྱལ་ནས་ཐོན་པའི་སྦག་སྦག་འཁོར་ལོའི་ཚོ་ཆུང་གི་ཨང་དང་པོའི་བྱ་དགའ་ཐོབ་པ་རེད། 

 

 

 

       རྒྱུས་ལོན་བྱུང་བ་ལྟར་ན།2018ལོའི་སེམས་ཀྱི་ཉི་ཟླ་རྒྱལ་ཁའི་དམག་འཐབ་སྟེ་བདེ་ཆེན་འཛམ་གླིང་བྱེས་བགྲོད་སྦག་སྦག་འཁོར་ལོའི་མཉམ་འགྲན་ནི་འབའ་ལུང་དང་འཇོལ།སེམས་ཀྱི་ཉི་ཟླ་བཅས་ས་ཚིགས་གསུམ་དུ་བགར་ཡོད།འཇོལ་ས་ཚིགས་ཀྱི་འགྲན་བསྡུར་ནི་ཟླ6པའི་ཚེས18ཉིན་ནས་ཚེས21ཉིན་བར་སྤེལ་རྒྱུ་ཡིན་པ་དང་།སེམས་ཀྱི་ཉི་ཟླའི་ས་ཚིགས་ཀྱི་འགྲན་བསྡུར་ནི་ཟླ9པའི་ཚེས13ཉིན་ནས་ཚེས16ཉིན་དུ་སྤེལ་རྒྱུ་ཡིན་པ་རེད།    ལོ་འཁོར་གྱི་རྒྱལ་ཕམ་ཐག་གཅོད་འགྲན་བསྡུར་ནི་སེམས་ཀྱི་ཉི་ཟླའི་པད་མའི་གནས་རིའི་ལྗོན་ལམ་སྒྲོལ་བའི་འགྲན་བསྡུར་དང་ཡན་ལག་ས་ཚིགས་གསུམ་པོའི་སྐར་འབྲས་སྣན་ནས་བྱུང་རྒྱུ་དང་།བསྐྱར་འཕྲུལ་ཚན་མ་ནི་ས་ཚིགས་གསུམ་པོའི་སྐར་འབྲས་སྣན་ནས་བྱུང་རྒྱུ་རེད། 

 

རྩོམ་སྒྲིག་པ། (པདྨ་མཚོ། )